Isaías 11:4 - DIOSPA QHELQACHISQ

⁴ Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Qheshwa Biblia DC

⁴ Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

DIOSPA QHELQACHISQAN DEUTEROCANONICAL

⁴ Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Isaías 11:4 ပူးပေါင်းရင်းမြစ်များ

2 Samuel 8:15

Davidqa tukuy Israel suyupi cheqan kajta ruwaspa kamacherqa.

Job 15:30

Wañuymanta mana ayqeyta atenqachu. Imaynatachus sach'aj ijisqanta nina q'asparparin, jinallatataj paypis rupharparenqa. T'ikantapis wayra apakaponqa.

Job 4:9

Diosqa chay jina runata samaynillanwan wañuchin, sinch'i phiñakuyninwantaj ujkama tukuchin.

Salmos 110:2

Sionmantapacha Tata Dios kamachinayki varata qosunki, awqaykikunata kamachinaykipaj.

Salmos 18:8

8 (9) Diospa senqanmantaqa q'oshñi llojsimusharqa, siminmantataj tukuy imata q'olaj nina jina. K'ajaj ninata jina siminmanta ajtumusharqa.

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

Salmos 76:10

10 (11) Runaj phiñakuynenqa qanta yupaychasunki, pisilla phiñakuyninkupis pilluykiman tukun.

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Isaías 14:30

Wajchakunaj kuraj kaj wawankukuna jallp'ankupi poqojta mikhonqanku, mana imayoj runakunapis mana ima llakiyniyoj samarikonqanku. Runaykikunatatajrí yarqhaywan wañurachisaj, chaymanta puchojkunatataj chinkarparichisaj.

Isaías 16:5

Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 26:6

Ajinamanta tukuy wajcha runakuna, llakisqa kajkuna ima chay llajtata saruranqanku, nispa.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 30:28

Paypa samaynenqa yaku mayu llump'irishaj jina kanqa, awqankunaj kunkankukama chayaj jina. Payqa waj suyukunaman yugota churan, paykunata chinkayman pusananpaj. Jinallataj tukuy suyumanta runakunaj siminkuman frenota churanqa, paykunata pantachinanpaj.

Isaías 30:31

Tata Diospa parlasqanta uyarispa, Asiriamanta runakuna manchachikuywan kharkatitenqanku, imaraykuchus yachanqanku ima jasut'ichus paykunata qhatirinanta.

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Isaías 32:1

Qhawariychej, cheqanta ruwaj kuraj kamachej jamonqa, kamachiyninpi kaj kurajkunapis justiciawan kamachenqanku.

Isaías 32:7

Ch'awka runaqa millayta ruwayman amañasqa. Llullakuspa, ima sajratapis wakichin, jinallatataj llullakuspa, wajcha runakunatapis juchachan, wajcha runa justiciata mañakojtinpis.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 40:7

Qhoraqa ch'akipun, t'ikapis qawirapun, Tata Diospa samaynin phukurejtin. Runakunawanpis ajinallataj kanqa.

Isaías 49:2

Payqa simiyta filo espadata jina ruwarqa, maki llanthunwantaj pakaykuwarqa. Filo puntayoj flechaman jina tukuchiwarqa, jinaspataj, flecha waqaychananpi waqaychawarqa.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Jeremías 5:28

Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Oseas 6:5

Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Malaquías 4:6

6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.

San Mateo 11:5

Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

San Mateo 5:5

Kusikuyniyojmin kanku llamp'u sonqoyojkunaqa, imaraykuchus Dios kay pachata chayaqeta jina paykunaman qonqa.

Hechos 9:1

Chaykama Sauloqa Tukuyta Kamachej Jesusta qhatikojkunata wañurachillaytapuni munaspa, kuraj kaj sacerdotewan parlaj rerqa.

2 Corintios 10:1

Wakin ninku qankunawan kashaspa noqa mancha manchalla kasqayta, qankunamanta karupi kashaspataj runaraw kasqayta. Chaywanpis Cristo llamp'u sonqo, jinataj k'acha sonqo kasqanrayku noqa ujta mañarikuykichej:

Gálatas 5:23

llamp'u sonqo kay, sonqonpa munasqanwan mana atipachikoj kay ima. Ajinata ruwaspa purejkunata mana pipis kamachisqakunata p'akishasqanmanta juchachayta atenqachu.

2 Tesalonicenses 2:8

Chaymanta qhepata millayta ruwaj runa rikhurimonqa. Tukuyta Kamachej Jesustajrí siminpa samayninwan payta wañuchenqa, jatun kayninpa k'anchayninwan kutimuspataj, chay runaj atiyninta chinkarparichenqa.

Tito 3:2

Amataj pimantapis mana allintaqa parlachunkuchu, nitaj phiñanakuta mask'achunkuchu. Ajina kanankutaqa k'acha kachunku, jinataj llamp'u sonqo kasqankuta tukuyman rejsichispa kawsakuchunku.

Santiago 3:13

Sichus qankunamanta mayqellanpis yachayniyoj kanman chayqa, jinataj imatachus Dios munasqanta entiendenman chayqa, yachayniyoj kasqanta allinta purispa rikuchichun. Yachayniyoj kasqanrayku llamp'u sonqowan allin kajtapuni ruwachun.

Apocalipsis 1:16

Jinallataj paña makinpi qanchis ch'askata jap'isharqa, siminmantataj puraj ladon filochasqa espada jina llojsimusharqa. Uyanpis manchayta lliphipisharqa, chawpi p'unchayta imaynatachus inti sinch'ita k'anchan, ajinata.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 19:15

Paypa siminmanta uj filo espada llojsimorqa, chaywan tukuy suyupi tiyakojkunata atipananpaj. Payllataj fierro varawan kamachenqa, jinallataj Tukuy Atiyniyoj Diosqa uva sarunapi jina k'arajta phiñakuspa paykunata saronqa.

Apocalipsis 2:16

Chayrayku watej noqaman kutirikamuy, manachayqa usqhayllata qanman jamuspa, simi nisqaywan paykunaj contrankuta maqanakusaj.