Isaías 11:2 - DIOSPA QHELQACHISQ

² Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Qheshwa Biblia DC

² Chaypa patampi Señorpa Espíritun samarikonqa, chaytaj qonqa yachayta, yuyayta, yuyaychayta, atiyta, tukuy imata rejsiyta, Señorta manchachikuyta ima.

DIOSPA QHELQACHISQAN DEUTEROCANONICAL

² Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Isaías 11:2 ပူးပေါင်းရင်းမြစ်များ

2 Samuel 23:3

Israelpa Diosnin parlarqa, Israelpa waqaychajnintaj niwan: Pichus cheqanta ruwaspa runakunata kamachin, pichus Diosta manchachikuspa kamachej,

Salmos 72:2

Payqa cheqan justiciata ruwaspa aylluykita kamachichun, jinallataj pisi tiyapuyniyojkunata yanapachun.

Éxodo 28:3

Chaypajqa yachayniyojkunawan parlay, pikunamanchus yachayta, yuyayta qoni, chaykunawan. Paykuna Aaronpaj p'achata ruwaponqanku, noqapaj t'aqasqa sacerdotey kananpaj.

Isaías 28:6

Jinallataj juezkunata yuyaychanqa justiciata ruwanankupaj. Llajta punkupi awqakunaman sayaykoj soldadokunatapis kallpachanqa.

Isaías 32:15

Chayqa ajina kanqa, Diospa Espíritun patamanta noqanchejman kachamusqa kanankama. Chaypacha ch'innejkuna chajra llank'anaman tukonqa. Sumajta chajra poqonan jallp'akunataj may chhika poqoyniyoj kanqanku.

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Isaías 48:16

Qayllamuwaspa, kayta uyariwaychej: Qallariymantapacha noqaqa sut'ita parlarqani, kay tukuy ima junt'akushajtinpis, noqa chaypi karqani. Kunantaj noqa Tukuyta Kamachej Tata Dios payman Espirituyta qospa, payta kacharqani, nispa.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

San Mateo 3:16

Jesús bautizachikuytawan yakumanta llojsishajtin, janajqa kicharikorqa. Jesustaj Diospa Espiritunta urpi jina paypa patanman urayk'amushajta rikorqa.

San Juan 14:17

Santo Espiritoqa imachus cheqa kajta yachachisonqachej. Diosman mana kutirikojkuna mana payta Yanapajninkuta jina jap'iyta atinkuchu, imaraykuchus payta mana rikunkuchu nitaj rejsinkuchu. Qankunatajrí payta rejsinkichejña, imaraykuchus qankunawan kashan, qankunapitaj tiyakonqapuni.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

San Juan 16:13

Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Deuteronomio 34:9

Nunpa churin Josuerí sumaj yachayniyoj kanawan junt'a karqa, Moisés paypa umanman makinta churasqanrayku. Israelitakunataj payta kasorqanku, chantá Tata Dios imaynatachus Moisesman kamachisqanman jina ruwarqanku.

2 Timoteo 1:7

Ajinata niyki, imaraykuchus Diosqa mana manchachikoj sonqotachu qowarqanchej, manachayqa Espíritun atiyta qowanchej, wajkunata munakunapaj kallpata, sonqonchejpa munasqanwan mana apaykachachikuyta ima.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.