Isaías 11:16 - DIOSPA QHELQACHISQ

¹⁶ Ajinamanta Tata Dios allin ñanta wakichenqa ayllunmanta puchojkuna Asiriamanta kutiripunankupaj, imaynatachus israelitakuna Egiptomanta llojsimunankupaj ruwarqa, ajinata.

Qheshwa Biblia DC

¹⁶ Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

DIOSPA QHELQACHISQAN DEUTEROCANONICAL

¹⁶ Ajinamanta Tata Dios allin ñanta wakichenqa ayllunmanta puchojkuna Asiriamanta kutiripunankupaj, imaynatachus israelitakuna Egiptomanta llojsimunankupaj ruwarqa, ajinata.

Isaías 11:16 ပူးပေါင်းရင်းမြစ်များ

Éxodo 14:22

Israelitakunataj mama qochaj chawpinta yaykuspa, ch'aki jallp'ata chimparqanku, yakutaj jatun perqa jina lloq'enkupi, pañankupitaj sayasharqa.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 10:20

Chaypacha Israelpi pisi qhepakojkunaqa, Jacobpa mirayninmanta puchoj israelitakuna manaña paykunata ñak'arichejpichu atinikonqanku, manachayqa israelitakunaj May Llimphu Kaj Tata Diospi tukuy sonqo atinikonqanku.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 19:23

Chaypacha Egiptomanta Asiriaman jatun ñan kanqa. Asiriamanta kajkunaqa Egiptoman renqanku, jinallataj Egiptomanta kajkunapis Asiriaman rillanqankutaj. Paykunataj khuska Tata Diosta yupaychanqanku.

Isaías 27:13

Chaypacha jatun trompetata waqachenqanku. Chantá Asiriapi ch'eqerasqa kajkuna jamponqanku, jinallataj Egiptoman wijch'usqa kajkunapis. Chayamuspataj, Jerusalenpi kaj Diospaj t'aqasqa orqopi Tata Diosta yupaychanqanku.

Isaías 49:11

Noqaqa orqoyta jatun ñankunaman tukuchisaj, chaki ñankunataj sumaj pichasqa kanqanku.

Isaías 49:12

Aylluymanta kajkunaqa karumanta kutimonqanku. Wakenqa wichaynejmanta, wakintaj inti yaykuynejmanta jamonqanku, wakintaj Egipto suyupi Sinim llajtamanta.

Isaías 51:10

Manachu qan mama qochapi chay chhika ukhu yakuta ch'akicherqanki? Chaypitaj uj ñanta kicharerqanki, chayninta kacharichisqayki israelitakuna chimpanankupaj.

Isaías 57:14

Tata Dios nillantaj: Ñanta pichaychej. Ñanmanta rumikunata wijch'uychej aylluy chayninta karu suyumanta kutimpunanpaj.

Isaías 62:10

Punkunkunanejta puriychej, aylluy kutimpunanpaj ñanta pichapuychej. Ñankunaj t'oqonta junt'achiychej, ñanmanta rumikunatataj wijch'uychej. Tukuy runakuna rikunankupaj wiphalatapis pataman oqhariychej.

Sofonías 2:7

Judá suyumanta puchojkunaqa chay llajtayojkunaj suyunkuta jap'ikaponqanku, imaraykuchus Tata Diosninku paykunata yanapaj jamonqa. Chantá paykunata waj suyuman apasqa kasqankumanta kutichimonqa. Jaqaypitaj Judamanta kajkuna ovejankuta michenqanku. Tutantaj Ascalonpi kaj wasikunapi samarikonqanku.