Isaías 11:12 - DIOSPA QHELQACHISQ

¹² Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Qheshwa Biblia DC

¹² Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

DIOSPA QHELQACHISQAN DEUTEROCANONICAL

¹² Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Isaías 11:12 ပူးပေါင်းရင်းမြစ်များ

Salmos 107:3

Tata Dios paykunata tukuy suyumanta tantarqa, inti llojsimuynejmanta, inti yaykuynejmanta, uranejmanta, wichaynejmantapis.

Salmos 147:2

Tata Diosqa watejmanta Jerusalenta jatarichin, ch'eqerasqa israelitakunatataj tantaykun.

Salmos 60:4

4 (6) Qanta kasukojkunapajrí señalta qorqanki, awqanku arconkuwan flechamusqankumanta ayqenankupaj.

Salmos 68:22

22 (23) Tukuyta Kamachej Dios nin: Basanmanta kutichimusqayki. Mama qochaj sonqonmanta oqharisqayki.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 18:3

Tukuy kay pachapi kaj runakuna, kay jallp'a patapi tiyakojkuna, orqo puntapi wiphalata sayachejtinku, sumajta qhawariychej, cornetata waqachejtinkukamataj, sumajta uyarinkichej.

Isaías 24:16

Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

Isaías 27:13

Chaypacha jatun trompetata waqachenqanku. Chantá Asiriapi ch'eqerasqa kajkuna jamponqanku, jinallataj Egiptoman wijch'usqa kajkunapis. Chayamuspataj, Jerusalenpi kaj Diospaj t'aqasqa orqopi Tata Diosta yupaychanqanku.

Isaías 43:6

Wichaynejpi kaj suyuta nisaj: Paykunata kutichimuy, nispa. Uranejpi kaj suyutapis nillasajtaj: Ama paykunata jap'ikuyñachu. Kay pachaj aswan karu k'uchunmantapacha churiykunata, ususiykunatawan apampuway.

Isaías 49:22

Ajinata Tukuyta Kamachej Tata Dios nin: Noqa makiyta oqharispa, tukuy suyuman ujta kamachisaj. Wiphalata oqharispa, paykunapaj uj señalta wakichisaj. Chantá churiykikunata marq'ayninkupi apampusonqanku, ususiykikunatapis q'epinkupi apamonqanku.

Isaías 49:5

Tata Diosqa mamaypa wijsanmantapacha kamachin kanaypaj ajllakuwarqa, Jacobpa ayllunta payman kutirichinaypaj, paywan ujlla kanankupajtaj. Tata Diosllataj allinpaj qhawasqata ruwawan, jinallataj kallpachawan.

Isaías 54:7

Noqa mana unaytachu saqerparerqayki. Chaywanpis jatun khuyakuyniywan jap'ikapullasqaykitaj.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Isaías 59:19

Inti yaykuynejpi tiyakojkunaqa Tata Diosta manchachikonqanku. Jinallataj inti llojsimuynejpi tiyakojkunapis Tata Diosta jatunchanqanku, imaraykuchus payqa ashkha mayu yaku jina manchayta llump'irimonqa, sinch'i wayraj apamusqan.

Isaías 60:4

Muyuyniykita qhawarikuy. Tukuyninku ujllaman tantaykukuspa, qanman jamonqanku. Churiykikunaqa karu suyukunamanta jamonqanku, ususiykikunataj marq'api apamusqa kanqanku.

Isaías 62:10

Punkunkunanejta puriychej, aylluy kutimpunanpaj ñanta pichapuychej. Ñankunaj t'oqonta junt'achiychej, ñanmanta rumikunatataj wijch'uychej. Tukuy runakuna rikunankupaj wiphalatapis pataman oqhariychej.

Isaías 66:19

Noqa paykunaj chawpinkuman uj señalta churasaj. Chantá paykunamanta wakin ayqekojkunata kay suyukunaman kachasaj: Tarsisman, Libiaman, arcowan flechayta yachaj Lidiaman, jinallataj, Tubalman, Greciaman, mama qochapi karu kaj churukunapi tiyakojkunaman ima. Paykunaqa manchay uyarisqa kasqaymanta mana yachankuchu, manataj jayk'ajpis jatun kayniypa lliphipiyninta rikunkuchu. Chaymantataj chay ayqekojkuna jatun kayniypa lliphipiyninmanta tukuy chay suyukunaman willanqanku.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 30:17

Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Jeremías 51:12

Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Ezequiel 28:25

Tukuyta Kamachej Tata Dios nillantaj: Maypachachus tukuy suyukunaman ch'eqerachisqamanta Israel aylluyta tantaykamusaj chaypacha, chay suyukunaj rikunankuta may llimphu kaj Dios kasqayta rejsichikusaj. Israelitakunataj kikin suyunkupi tiyakonqanku, mayqentachus kamachiy Jacobman qorqani, chaypi.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Sofonías 3:10

Yupaychawajkunaqa kunan Etiopía mayukunaj chimpanpi ch'eqerasqa kashanku, paykunataj ofrendata apamuwanqanku.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

Zacarías 8:7

Tukuy Atiyniyoj Tata Dios nillantaj: Noqamin aylluyta kacharichisaj inti llojsimuynejpi suyoj atiyninmanta, jinataj inti yaykuynejpi suyumantapis.

San Juan 7:35

Chantá judiokunaj kurajninkukuna tapunakorqanku: Maymanpunitaj kay runa renqa, payta mana tarinanchejpajri? Llajta masinchejkuna waj suyupi kashanku, chaykunamanchu renqa? Ichapis mana judío kajkunaman yachachimonqa.

Deuteronomio 32:26

Noqa tiluspa nerqani, tukuynejman paykunata ch'eqerachinayta, kay jallp'a patamantataj sutinkuta chinkachinayta.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Apocalipsis 7:1

Chay qhepata noqa tawa angelkunata rikorqani, chay angelkunataj kay pachaj tawantin k'uchupi sayasharqanku. Paykuna kay pachapi tawantin ladomanta phukumoj wayrata jark'asharqanku, ama jallp'a pataman wayramunanpaj, nitaj mama qocha pataman, nillataj ima sach'a patamanpis.