Isaías 11:1 - DIOSPA QHELQACHISQ

¹ Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Qheshwa Biblia DC

¹ Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

DIOSPA QHELQACHISQAN DEUTEROCANONICAL

¹ Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Isaías 11:1 ပူးပေါင်းရင်းမြစ်များ

2 Samuel 23:3

Israelpa Diosnin parlarqa, Israelpa waqaychajnintaj niwan: Pichus cheqanta ruwaspa runakunata kamachin, pichus Diosta manchachikuspa kamachej,

1 Crónicas 2:12

Boozqa Obedpa tatan karqa, Obedtaj Yesejpata.

Salmos 145:11

Kamachiyniyki sumaj kasqanmanta parlachunku, atiyniykiwan ruwasqaykimantataj willachunku.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 53:2

Kamacheyqa Tata Diospa ñawpaqenpi ijimoj sach'a jina wiñanqa, ch'aki jallp'api saphichakoj jinataj p'utumonqa. Mana k'achituchu kanqa, sonqonchej payman aysakunanpaj, nitaj k'acha uyayojchu kanqa payta munakunanchejpaj.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Ezequiel 17:22

Noqa Tukuyta Kamachej Tata Dios nillanitaj: Noqa kikiy chay aswan jatun kaj pino sach'aj puntanta jap'ispa, aswan jatun kaj q'omer thansanta t'ipispataj, manchay jatun orqo pataman mallkiykusaj.

Ezequiel 37:25

Kamachiy Jacobman qorqani, chay suyupi tiyakonqanku, maypichus ñawpa tatankukuna tiyakorqanku, chaypi. Chay suyupi paykuna, churinkuna, mirayninku ima wiñaypaj tiyakonqanku. Kamachiy Davidtaj paykunaj kuraj kamachejninku kanqa wiñay wiñaynintinkama.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

San Mateo 1:1

Kayqa Jesucristoj ñawpa tatankunaj mirayninmanta sutinkuna. Jesusqa Davidpa mirayninmanta karqa, Abrahampa mirayninmantawan.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

Hebreos 7:14

Yachanchej jina, Tukuyta Kamachej Jesucristonchej Judá jatun ayllumanta karqa. Moisestajrí Judá jatun ayllumanta parlaspa, sacerdote kanankumanta mana imatapis nerqachu.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.

Apocalipsis 5:5

Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.

Rut 4:17

Wasi masin warmikunataj chayta rikuspa, nerqanku: Noemijtaqa wawitan kapun, nispa. Jinapi Boozwan Rutwan wawankuman Obed sutita churarqanku. Aswan qhepamantaj payqa Yeséj tatan, Davidpa jatun tatantaj karqa.

1 Samuel 17:58

Saultaj taporqa: Waynuchitu, pejpa churintaj kankiri? nispa. Davidtaj kuticherqa: Belenpi tiyakoj kamachiyki Yeséj churin kani, nispa.