Isaías 10:3 - DIOSPA QHELQACHISQ

³ Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Qheshwa Biblia DC

³ Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

DIOSPA QHELQACHISQAN DEUTEROCANONICAL

³ Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 10:3 ပူးပေါင်းရင်းမြစ်များ

Génesis 31:1

Aswan qhepanejman Jacobqa Labanpa churinkuna paypaj rimashasqankumanta yachakorqa: Jacobqa tatanchejpa tukuy kapuyninta jap'ikapuspa, qhapajyaykushan, nispa.

2 Reyes 7:15

Paykunataj qhatiykuspa, Jordán mayukama rerqanku, ñanpitaj p'achata wijch'urasqata, waj imakunatapis t'akarasqata rikorqanku. Siriamanta soldadokuna usqhayta ayqesqankupi tukuy imankuta t'akarasqanku. Chantá kachakuna kutimuytawan, imatachus rikusqankuta kuraj kamachejman willarqanku.

Job 31:14

Mana jinata ruwajtiy, ima uyaywantaj Diospa ñawpaqenman riyman karqari? Cuentata mañawajtin, imatataj kutichiyman karqari?

Proverbios 11:4

Juicio p'unchaypi qhapaj kanaqa mana payta yanapanqachu. Cheqan kawsayniyoj runarí wañuymanta kacharichisqa kanqa.

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 17:4

Chay p'unchaypi Jacobpa jatun kaynin pisiyaponqa, jinallataj ukhunpis tulluyanqa.

Isaías 20:6

Chaypacha mama qocha kantupi tiyakojkuna nenqanku: Qhawariychej atinikusqanchej suyu imapichus rikhurisqanta. Ima mana allin kajtinpis, payman qayllakoj kanchej, Asiriata kuraj kamachejmanta jark'akunawanchejpaj. Kunanrí imaynallatataj ayqekusunri? nispa.

Isaías 26:14

Ñawpajpi pikunaj makinkupichus karqayku, chaykuna wañusqaña kanku, manataj ujtawan kawsarimonqankuchu. Paykunaqa llanthu jina kanku. Manañataj ujtawan jatarimonqankuchu, imaraykuchus qan paykunata jasut'erqanki, chinkacherqankitaj. Paykunamanta yuyarikunatapis chinkachillarqankitaj.

Isaías 26:21

Qhawaychej, Tata Diosqa tiyakunanmanta llojsimonqa, kay pachapi tiyakojkunata juchankumanta jasut'inanpaj. Chaypacha jallp'aqa manaña wañuchisqakunata pakanqachu, manachayqa patanpi yawar jich'asqankuta rikuchenqa. Manañataj wañuchisqa kajkunatapis pakayta atenqachu.

Isaías 28:20

Chay kanqa uj juch'uy puñunapi winkuykuwajchej jina, uj juch'uy qhatanawanpis qhatakuwajchej jinataj.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 30:16

Aswanpis qankuna nerqankichej: Mana qanman chimpayta munaykuchu, aswanpis caballokunapi ayqesqayku, nispa. Arí, ajinatapuni ayqenkichej. Chaymantá nillarqankichejtaj: Sumajta correj carretakunaman wicharisqayku, nispa. Arí, chaywanpis qankunata qhatiykojkunaqa imata jina taripasonqachej.

Isaías 30:5

tukuyniykichej p'enqaypi rikhurinkichej chay manakaj suyupi atinikusqaykichejrayku. Egiptoqa mana yanapasonqachejchu, nitaj paykunamanta ima allin kajtapis tarinkichejchu. Manachayqa qankunapaj llakiylla, p'enqayllataj kanqa, nispa.

Isaías 30:7

Cheqamanta Egiptoj yanapaynenqa qhasi manakaj. Chayrayku noqaqa chay suyuta sutichani: Ni imapi yanapaj Rajab, nispa.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Isaías 39:3

Chay qhepata Isaiasqa kuraj kamachej Ezequiasman rispa, taporqa: Maymantataj chay runakuna jamusqankuri? Ima nisunkutajri? nispa. Ezequiastaj nerqa: Karu suyu Babiloniamanta watukuwaj jamusqanku, nispa.

Isaías 5:14

Chayrayku ukhu pachapis yarqhasqa jina siminta jatunta kicharin, chaymantaj chinkaykonqanku qhapaj runakuna, mana kasuta ruwana runakunapis, jinallataj paykunawan raymipi kusikojkunapis.

Isaías 5:26

Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

Jeremías 22:7

Tukuchisunankupaj sumaj armasqa soldadokunata contraykipi kachamusaj. Paykunataj cedromanta sayantaykikunata urmachispa, ninaman enqhaykonqanku.

Jeremías 4:30

Qanrí, thuñisqa llajta, imapajtaj yana kulliraw p'achawan p'achallikunkiri? Imapajtaj qori jaluchuwan k'achanchakunkiri? Imapajtaj ñawiykita yanawan pintakunkiri? Chay jinata k'achanchakusqaykeqa qhasi manakajlla kanqa. Munapayasojkuna saqerpayasunku, aswanpis wañuchinasunkupaj mask'ashasunku.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 9:9

9 (8) Manachu kay millayta ruwasqankumanta paykunata jasut'iymanri? Manachu ajinata ruwaj suyumanqa ruwasqanman jina qopuymanri? Ajinata noqa Tata Dios nini.

Oseas 5:13

Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Oseas 9:5

Jatun raymi p'unchaypi, Tata Diospaj raymipi imatataj ruwankichejri?

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Amós 5:19

Chay p'unchay kanqa, imaynachus runa leonmanta ayqekushaspa, jukumariwanñataj tinkuykun, ajina. Chayrí runa wasinman ayqespa perqaman atiykurikojtin, katariñataj khanirparin, ajina.

Miqueas 7:4

Paykuna ukhumanta sumaj runaqa khishkamantapis astawan millayraj, cheqanta ruwaj runapis t'ankar jina. Chaywanpis jasut'isqa kananku p'unchay chayamushanña, Diosmanta sut'inchajkuna willasqankuman jina. Chaypacha paykuna imatachus ruwanankuta mana yachanqankuchu.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

San Lucas 19:44

Chaymantataj paykuna thuñisonqanku, jinallataj qanpi tiyakojkunatapis wañurachillanqankutaj. Qanpi mana saqenqankuchu rumi patapi rumita, imaraykuchus mana reparakorqankichu Diosniyki qanta qhespichej jamushasojtin, nispa.

Deuteronomio 28:49

Qanpa contraykita Tata Diosqa karumanta, kay pachaj k'uchunmantapacha waj llajtayojkunata kachaykamusonqa. Chay karu llajtayojkunaj parlasqankuta mana entiendeyta atinkichu. Paykuna anka jina usqhayllata phawamuspa, chayamusonqanku.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.