Isaías 10:18 - DIOSPA QHELQACHISQ

¹⁸ Tata Dios runaykachaj Asiriata chinkachenqa, imaynatachus nina tukuy sumaj sach'arara jallp'ata, sumaj jallp'atawan ruphaykuspa chinkachin, ajinata. Uj onqosqa mana kallpayoj runata jina saqerparenqa.

Qheshwa Biblia DC

¹⁸ Chay tukuy k'acha montesninta, chay sumaj huertasnintawan, tukuyninta ruphaykonqa, uj onqosqa mana kallpayoj runata jina saqerparenqa.

DIOSPA QHELQACHISQAN DEUTEROCANONICAL

¹⁸ Tata Dios runaykachaj Asiriata chinkachenqa, imaynatachus nina tukuy sumaj sach'arara jallp'ata, sumaj jallp'atawan ruphaykuspa chinkachin, ajinata. Uj onqosqa mana kallpayoj runata jina saqerparenqa.

Isaías 10:18 ပူးပေါင်းရင်းမြစ်များ

2 Reyes 19:23

Qanqa kachaykikunanejta Diosmanta alqorakuspa, nerqanki: Mana yupay atina carretaykunawan orqo pataman wicharini. Libanomanta mana wichariy atina orqokunaman wicharini. Jatuchaj cedro sach'ankuta k'utorqani, ajllasqa pino sach'ankutawan. Aswan jatun orqo patakama chayarqani, sach'arara cheqakunamanpis.

2 Reyes 19:28

Noqaj contraypi phiñakusqaykirayku, chhikata jatunchakusqayki ninriyman chayamun. Chayrayku senqaykiman ganchota churasqayki, simiykimantaj frenota. Chantá maynejtachus jamusqallaykitataj kutichisqayki, nispa.

Isaías 10:16

Chayrayku Tukuy Atiyniyoj Tata Diosqa runaykachaj Asiriaman llawch'iyay onqoyta apachimonqa, Asiriata kuraj kamachejpa jatun kaynintataj ninawan jap'iykuchenqa llant'ata jina.

Isaías 32:19

Chijchi parapis sach'akunata q'ara k'aspillata saqerparichun chaypis, llajtapis thuñisqa kachun chaypis,

Isaías 37:24

Qanqa kamachiykikunata kachamorqanki kaypi Tukuyta Kamachej Diospa contranta millayta rimaspa, ninankupaj: May ashkha carretaykunawan jatuchaj orqo pataman wicharini, Líbanoj kinraykunaman ima. Jatuchaj kaj cedro sach'akunata k'utuni, sumachaj kaj pinokunatawan. Aswan jatuchaj kaj orqo pataman wicharini, jinallataj aswan k'iski montekunamanpis yaykullanitaj.

Isaías 9:18

18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Zacarías 12:6

Chay p'unchaypi Judamanta kurajkunata ruwasaj llant'a ukhupi nina k'ajarishaj jina kanankupaj, trigo marq'a ukhupitaj uj lawrashaj nina jina kanankupaj. Qayllapi kaj suyukunata, lloq'enpi kajta, pañanpi kajtapis phirenqanku. Chantá runakuna watej Jerusalenpi tiyakonqanku.