Isaías 10:12 - DIOSPA QHELQACHISQ

¹² Chaywanpis Tata Dios Sión orqopi, Jerusalenpiwan Asirianejta imachus ruwananta ruwaytawan, Asiriata kuraj kamachejtañataj jasut'enqa wapuykachasqanmanta, may kasqanta yuyakusqanmantataj.

Qheshwa Biblia DC

¹² Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

DIOSPA QHELQACHISQAN DEUTEROCANONICAL

¹² Chaywanpis Tata Dios Sión orqopi, Jerusalenpiwan Asirianejta imachus ruwananta ruwaytawan, Asiriata kuraj kamachejtañataj jasut'enqa wapuykachasqanmanta, may kasqanta yuyakusqanmantataj.

Isaías 10:12 ပူးပေါင်းရင်းမြစ်များ

2 Reyes 19:31

Jerusalenpi mana tukuychu wañonqanku. Sión orqopipis kawsajkuna kanqankuraj. Ajinata Tukuy Atiyniyoj Tata Dios ruwanqa, may jinata munakusqanrayku.

Salmos 18:27

27 (28) Llamp'u sonqoyojkunata qan qhespichinki, runaykachajkunatarí k'umuykuchinki.

Salmos 21:10

10 (11) Kay pachamanta mirayninkuta chinkachinki, paykunamantataj ni ujpis kawsashaj qhepanqachu.

Salmos 76:10

10 (11) Runaj phiñakuynenqa qanta yupaychasunki, pisilla phiñakuyninkupis pilluykiman tukun.

Salmos 76:5

5 (6) Wapu awqaykukunamanta tiyapuyninkuta qhechorqanki. Chay wapu soldadokuna mana imatapis ruwayta aterqankuchu, manaña ujtawan rijch'arinankupaj puñukaporqanku.

Proverbios 21:4

May kasqanta yuyakuna, runaykachana, millayta ruwaspa purej runa jina purina ima, chay kinsantin jucha kanku.

Proverbios 30:13

Wakenqa may kasqankuta yuyakunku, runa masinkutataj pisipaj qhawanku.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 24:21

Chaypacha Tata Diosqa janaj pachapi atiyniyojkunata jasut'enqa, jinallataj kay pachapi kaj kuraj kamachejkunatapis.

Isaías 27:7

Tata Diosqa Israelta jasut'in. Chaywanpis imaynatachus ñak'arichejkunata jasut'erqa, mana ajinallatatajchu Israelta jasut'enqa. Mana israelitakunata wañuchenqachu, imaynatachus Israelta wañuchejkunata wañucherqa, ajinataqa.

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Isaías 29:14

Chayrayku noqaqa jatuchaj t'ukuna imakunata ruwaspa, kay runakunata t'ukushajta saqesaj. Yachayniyoj runankoj yachayninkoqa chinkaponqa, jinallataj yuyaysapaj yuyayninpis manaña kanqachu, nispa.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 37:29

Qanqa noqaj contrayta oqharikorqanki. Noqaj contraypi mayta phiñakusqaykita uyarini. Kunanrí senqaykiman fierro ganchota churasqayki, simiykimantaj frenota. Chantaqa may ñantachus jamorqanki, chayllatataj kutirichisqayki, nispa.

Isaías 5:15

Tukuy runakuna k'umuykachachisqa kanqanku. Mayta runaykachajkunapis chay jinallamantaj chayanqanku.

Isaías 50:11

Qankuna, munasqaykichejman jina kawsajkuna, sumajta qhawakuychej imatachus ruwasqaykichejta, imaraykuchus chay ruwasqaykichejpi tojllapi jina urmankichej. Tata Diosqa jasut'iyta apachimusonqachej, ñak'ariypitaj choqarayankichej, nispa.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Isaías 9:9

9 (8) Chaytaqa Efrainmanta tukuy runakuna yachanqanku, jinallataj Samariapi tukuy tiyakojkunapis. Paykunaqa may kasqankuta yuyakuspa, wapu wapu, ninku:

Jeremías 25:29

Noqapaj t'aqasqa llajtayta, maypichus yupaychawanku, chay llajtata jasut'iyta qallariniña. Qankunarí mana jasut'isqalla qhepakunaykichejta yuyankichejchu? Manapuni mana jasut'isqaqa qhepakunkichejchu, imaraykuchus tukuy kay pachapi tiyakojkunaman maqanakuta kachaykamusaj. Noqa Tukuy Atiyniyoj Tata Diosmin chayta nini.

Jeremías 50:18

Chayrayku Israelpa Tukuy Atiyniyoj Tata Diosnin kay jinata nin: Noqaqa Babiloniata kuraj kamachejta jasut'isaj, jinataj suyuntapis, imaynatachus Asiriata kuraj kamachejta jasut'erqani, ajinata.

Jeremías 50:32

Runaykachaj suyu, qanqa misk'aspa urmanki, manataj pipis sayarichisoj kanqachu. Tukuy llajtaykikunaman ninata jap'iykuchisaj, chay ninataj tukuy muyuynintinta ruphaykonqa, nispa.

Ezequiel 31:10

Chayrayku Tukuyta Kamachej Tata Diosqa Egiptomanta nin: Chay sach'aqa chay jina jatuntapuni wiñaspa, puntanpis phuyukama taripajtin, jatun kasqanrayku umata oqharerqa.

Ezequiel 31:14

Manaña ni mayqen sach'apis may jina yaku qayllapi kashaspapis, chay jina jatunta wiñanqachu, umata ama oqharinanpaj. Tukuyninku wañunankupaj churasqa kanku, maypichus tukuy wañusqa kashanku, chaykunawan tantakunankupaj. Jinallataj chaykunawan khuska ukhu pachaman yaykunku, nispa.

Daniel (hebreo) 11:45

Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Números 24:24

Chipremanta barcokuna jamonqanku. Asiriata, Ebertawan raqayllata saqenqanku. Chaywanpis paykuna wiñaypaj chinkachisqallataj kanqanku.

San Mateo 12:33

Allin sach'aqa allin poqoyta poqon. Mana allin sach'arí mana allin poqoytachu poqon. Chayrayku sach'ataqa poqoyninnejta rejsinchej.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

Deuteronomio 32:27

Noqarí awqankukuna asikuspa kanankuta mana munarqanichu, nillataj wapuykachaspa ninankuta: Mana Tata Dioschu chayta ruwarqa, noqanchejmin atiyninchejwan ruwarqanchej, nispa.

1 Pedro 4:17

Diospa juicion p'unchay chayamunña, paytaj noqanchej aylluntaraj ñawpajta juzgawasunchej. Dioschus ayllunta juzgayta qallarin chayqa, Jesucristomanta sumaj willayta mana jap'ikuyta munajkunawan, imataj kanqari?