Isaías 10:1 - DIOSPA QHELQACHISQ

¹ Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Qheshwa Biblia DC

¹ Ay, qankunamanta imanallankichejchus mana cheqan leykunata orqhojkunaqa, ñak'arichinapaj leyesta orqhojkunaqa!

DIOSPA QHELQACHISQAN DEUTEROCANONICAL

¹ Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Isaías 10:1 ပူးပေါင်းရင်းမြစ်များ

1 Reyes 21:13

Chaymantataj iskay millay runakuna jamorqanku, Nabotpa ñawpaqenpitaj tiyaykukuspa, tukuy runaj ñawpaqenpi llullakuspa Nabotta ch'ataykorqanku: Payqa Diospa contranta parlarqa, kuraj kamachejpa contrantawan, nispa. Llajtamanta jawaman aysaytawantaj, paykuna rumiwan ch'anqaspa, Nabotta wañucherqanku.

Salmos 58:2

2 (3) Mana jinachu. Aswanpis sonqoykichejpi mana allin kajta ruwayta yuyankichej. Chay tukuy imatachus ruwasqaykichejtaj llajtayojkunata ch'ajwachin.

Éxodo 23:3

Amallataj quejapi wajcha runa kasqanraykulla sayakunkichu.

Éxodo 23:6

Wajcha runaj quejakusqanmanqa justiciata cheqanta ruwanki.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Isaías 3:11

Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 5:11

Imallachus kanqa qankunapaj tutamanta jatariytawan machakojkuna, ch'isiyanankama machasqa, vino ujyaspalla kajkunamanta.

Isaías 5:18

Imallachus kanqa qankunawan llullakuspa mana allin ruwayta aysamojkuna, carretata jina millay ruwayta aysajkuna.

Isaías 5:23

Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Isaías 5:8

Imallachus kanqa qankunapaj, ashkha wasita, jatun jallp'ata jap'ikapojkuna. Wajkunapajtaj ni imata saqenkichejchu, qankunallapis kay jallp'a patapi kawajchej jina.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 59:4

Mana pipis justiciata munajqa kanchu, nitaj pipis juezpa ñawpaqenpi llimphu sonqowan parlarinchu. Manachayqa qhasi manakajllapi atinikunku, llullata parlaspa. Millay kajllata ruwayta yuyaychakunku, chantataj juchallillankupuni.

Jeremías 22:13

Ay, Joacín, qan imapichus tukukunki. Mana cheqanta ruwaspa, kamachinayki wasita, jatuchaj wasiykikunata ima oqharerqanki. Runa masiykikunata mana jornalninkuta pagaspalla ruwacherqanki.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Miqueas 6:16

Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

Habacuc 2:12

Ay, imarajchus kanqa qanmanta. Llajtaykikunata jataricherqanki runakunata wañuchispa, jinataj millay ruwaykuna patapi.

Habacuc 2:15

Ay, imarajchus kanqa qanmanta, imaraykuchus qayllaykipi kajkunata chajrusqa vinowan machaykuchinki, q'alalla kayninkuta qhawanaykirayku.

Habacuc 2:19

Ay, imarajchus kanqa qanmanta, imaraykuchus k'ullumanta llajllasqa lantita ninki: Rijch'ariy, nispa. Mana parlayta atej rumitataj ninki: Sayarikuy, nispa. Chaykunaqa imamantapis willasuyta atinkumanchuri? Mana, imaraykuchus, qoriwan chayrí qolqe metalwan lluch'isqa kaspapis, mana kawsayniyojchu kanku.

Habacuc 2:6

Chaywanpis chay tukuy jap'isqanku suyukuna asikuspa, kay jinata takipayanqanku: Ay qanmanta, mana qanpata kajllawan qhapajyaj. Mayk'ajkamataj mañarisqa imakunata tantaspa qhapajyankiri, nispa?

Habacuc 2:9

Ay, imarajchus kanqa qanpaj, imaraykuchus suwasqaykiwan wasiykiman junt'acherqanki, ama ima llakiyta rikunaykipaj.

San Mateo 11:21

Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Mateo 23:23

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa sapa chunkamanta ujta Diosman qonkichej mentamanta, anismanta, cominomanta ima. Chaywanpis kamachisqakunamanta aswan kuraj kajtarí mana kasunkichejchu. Chaykuna kanku: Cheqan kay, khuyapayakoj kay, jinallataj Diosta mana wasanchay ima. Chay kuraj kamachisqakunataqa ruwanaykichejpuni tiyan, mana chay ujkunata qonqaspa.

San Mateo 23:27

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa yurajchasqa covachaman rijch'akunkichej. Covachaqa jawamanta k'achitu rikukun. Ukhunrí aya tulluwan, tukuy millay asnawan junt'a kashan.

San Mateo 23:29

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diosmanta ñawpa sut'inchajkunaj covachankunata sayarichinkichej. Jinallataj, cheqan kaj ñawpa runakunaj covachankunatapis k'achanchankichej.

San Mateo 26:24

Kayta sut'ita niykichej: Runaj Churenqa wañunanpuni tiyan. Chaywanpis, ay, chay runamanta pichus payta wasanchaspa jap'ichin, chaymanta. Allin kanman karqa chay runapaj mana paqarinan, nispa.

San Lucas 11:52

Ay, qankunamanta, Diospa kamachisqanmanta yachachejkuna. Qankuna Diospa kamachiyninmanta yachasqaykichejta qankunallapaj jap'ikapunkichej, manataj wajkunaman yachachinkichejchu, nispa.

San Juan 19:6

Chaypacha kuraj sacerdotekuna, chantá Templota qhawaj soldadokuna ima Jesusta rikuytawan, kutin kutinta qhaparerqanku: Cruzman chakatasqa kachun, nispa. Jinapi Pilato nerqa: Qankuna apakapuychej, cruzmantaj chakataychej. Noqarí kay runapi mana ima juchantapis tarinichu, nispa.

San Juan 9:22

Ajinata chay runaj tatan maman nerqanku judiokunaj kurajninkukunata manchachikuspa, imaraykuchus kurajkunaqa tantakunanku wasimanta wijch'unankuta parlanakusqanku, pillapis Jesusta Diospa kachamusqan Cristo, nispa nejkunata.

Judas 1:11

Ay mana cheqanta yachachejkunamanta imallachus kanqapis. Paykuna Cainpa ruwasqanta ruwaspa purinku. Jinallataj qolqerayku Balaam jina runata q'otiyanku, Chantá Coré jina Diospa contranpi oqharikullasqankupitaj chinkachisqa kanqanku.