Isaías 1:9 - DIOSPA QHELQACHISQ

⁹ Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Qheshwa Biblia DC

⁹ Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

DIOSPA QHELQACHISQAN DEUTEROCANONICAL

⁹ Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 1:9 ပူးပေါင်းရင်းမြစ်များ

Génesis 18:26

Tata Diostaj kuticherqa: Sichus Sodoma llajtapi phishqa chunka cheqanta ruwajkunata tarisaj chayqa, paykunarayku chay llajtapi tiyakojkunamanta khuyarikusaj, nispa.

Génesis 18:32

Chantá Abraham ujtawan nillarqataj: Diosníy, ama noqapaj phiñakuychu ari, kayllatawanña parlarikusaj. Sichus chunkallata tariwaj chayri? Imanankitajri? nispa. Tata Diostaj kuticherqa: Chunka cheqanta ruwajkunalla kajtinkupis, chaykunarayku llajtapi tiyakojkunamanta khuyarikusaj, nispa.

Génesis 19:24

Chantá Tata Dios Sodomaman, chantá Gomorraman ima azufreta, nina paratawan parachimorqa.

1 Reyes 19:18

Chaywanpis noqaqa Israel suyupi 7.000 runakunata puchuchisaj, pikunachus Baal lantiman mana qonqorikorqankuchu, nitaj much'arqankuchu, chaykunata, nispa.

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

Isaías 1:8

K'achita Jerusalén sapan qhepakun, uva huertata qhawana ch'ujlla jina, pepino chajra chawpipi ch'ujlla jina, awqakunawan muyuykusqa llajta jina.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 11:16

Ajinamanta Tata Dios allin ñanta wakichenqa ayllunmanta puchojkuna Asiriamanta kutiripunankupaj, imaynatachus israelitakuna Egiptomanta llojsimunankupaj ruwarqa, ajinata.

Isaías 17:6

Chay suyupi pisi runakunalla qhepakonqanku, imaynatachus olivo sach'ata thalajtinchej puntanpi uj iskayllaña aceituna qhepakun, chayrí thansanpi tawa phishqallaña qhepakun, ajina. Ajinata Israelpa Tata Diosnin nin.

Isaías 24:13

Chay ñak'areyqa ajinapuni kanqa kay pachapi kaj chhika suyukunapi. Chayrayku pisilla puchonqanku, imaynatachus olivo poqoyta k'aspiwan thallanku, chayrí poqoy pasayta uva puchojta chajmanku, ajina kanqa.

Isaías 24:6

Chayrayku maldicionqa kay pachata tukuchin, chaypi tiyakojkunapis juchachasqapuni kananku tiyan. Chaynejta kay pachapi tiyakojkunaqa pisiyachisqa kanqanku. Jinamanta pisillaña qhepakonqanku.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Isaías 46:3

Uyariwaychej, Jacobpa miraynin, israelitakunamanta tukuy puchojkuna: Paqarisqaykichejmantapacha noqa qankunata q'epiykacharqaykichej. Mamaykichejpa wijsanmantapacha sumaj ichuykachasqa karqankichej.

Isaías 6:13

Sichus chunkamanta ujllapis kay suyupi qhepakunman chayqa, chaypis chinkachisqallataj kanqa. Chaywanpis imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa ajllakusqay Israel aylloqa, nispa.

Isaías 65:8

Tata Dios nillantaj: Imaynatachus pipis sumaj uva chhullchuta tarispa, nin: Ama kaytaqa usuchiychu, imaraykuchus chaymanta sumaj vinota ruwasun, nispa, ajinallatataj kamachiykunamanta mana tukuynintachu chinkachisaj.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 42:2

Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Jeremías 50:20

Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Lamentaciones 3:22

Tata Diospa khuyakuynenqa mana jayk'ajpis tukukunchu, munakuyninpis mana tukukuyniyojchu.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Ezequiel 14:22

Chaywanpis pisilla kawsashaj qhepakonqanku. Churinkukunawan, ususinkukunawan qhespichisqa kanqanku, paykunataj Jerusalenmanta qankunaman jamonqanku. Babiloniaman jamojtinkutaj, qankuna rikunkichej imaynachus kasqankuta, ima sajratatajchus ruwasqanta ima. Chantá Jerusalenman jasut'ita apachimusqaymanta sonqochasqa kankichej.

Ezequiel 6:8

Chaywanpis noqa saqesaj paykuna ukhumanta wakinkuna mana wañunankuta, astawanpis kawsanankuta waj suyukunaman ch'eqerasqa kaspa.

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

San Mateo 7:14

Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

Romanos 9:29

Diosmanta sut'inchaj Isaías waj kutipi nillarqataj: Manachus Tukuy Atiyniyoj Tukuyta Kamachej Dios mirayninchejmanta wakillantapis saqewasunmanchu karqa chayqa, noqanchej Sodoma, chantá Gomorra llajtayojkuna jina tukuchisqa kasunman karqa, nispa.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

2 Pedro 2:6

Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Apocalipsis 11:8

Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.