Isaías 1:7 - DIOSPA QHELQACHISQ

⁷ Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Qheshwa Biblia DC

⁷ Jallp'aykichejqa ch'inman tukun, llajtaykichejtaqa ninawan q'olaykuchinku, kikin qankunaj ñaupaqeykichejpi enemigosniykichej tarpusqasniykichejta mikhunku. Tukuy ima qhepakun ch'impacha, imaynatachus Sodoma chinkachisqa karqa jina.

DIOSPA QHELQACHISQAN DEUTEROCANONICAL

⁷ Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Isaías 1:7 ပူးပေါင်းရင်းမြစ်များ

2 Crónicas 28:5

Chayrayku Tata Diosqa Siriata kuraj kamachejpa makinman Ajazta jaywaykorqa. Siriokunataj maqanakupi Ajazta atipaykuspa, ashkha runata presota Damascoman apakaporqanku. Jinallataj Tata Diosqa Judá suyumanta kajkunata jaywaykorqa Israelpa kuraj kamachej Pecajman, paytaj maqanakupi atipaykuspa, may ashkha runata wañucherqa.

Salmos 107:34

Sumaj jallp'atapis t'ajra pampaman tukucherqa, chaypi tiyakojkuna millayta ruwasqankurayku.

Salmos 107:39

Chaywanpis paykuna ñak'arichisqa kaspa pisiyarqanku, llakiywan ñit'isqa kasqankuraykutaj k'umuykuchisqa karqanku.

Salmos 109:11

Qolqe manurej runaqa tukuy kapuyninkuta jap'ikapuchun. Llank'aspa tukuy tarisqankuta waj llajtayojkuna apakapuchunku.

Isaías 1:8

K'achita Jerusalén sapan qhepakun, uva huertata qhawana ch'ujlla jina, pepino chajra chawpipi ch'ujlla jina, awqakunawan muyuykusqa llajta jina.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 34:9

Chaypacha Edompa mayunkunaman brea junt'aykonqa, ñut'u jallp'ataj azufreman tukonqa, jallp'ataj brea jina lawranqa.

Isaías 49:19

Llajtaykeqa thuñisqa, phirisqa karqa, ch'inpachataj. Kunantajrí ashkha kasqaykichejrayku jallp'a aylluykipaj k'ullku kanqa. Ñak'arichisojkunataj karupi kanqanku.

Isaías 5:17

Chantá chay p'unchaypi corderokuna sumaj pastota tarenqanku, qhapajkunaj raqay wasillankupitaj runakuna cabrakunata michenqanku.

Isaías 5:9

Tukuy Atiyniyoj Tata Dios tiluspa nin: Ashkha wasi thuñisqa kanqanku, jatuchaj k'achitu wasikuna kajtinpis, manaña pipis chaypi tiyakonqachu.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Isaías 60:15

Qan ñawpajta saqerpayasqa, chejnisqataj karqanki, jinataj qan chaynejta mana pipis pasayllatapis munajchu. Kunanrí noqaqa wiñaypaj chhika pataman oqharisqayki, qanpitaj tukuy mita runakuna kusikonqanku.

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

Isaías 64:10

Ajllakusqayki llajtakunaqa chay jina ch'inpachaman tukunku. Sión llajtaqa ch'inpacha, Jerusalenpis laqayalla.

Isaías 9:18

18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Isaías 9:5

5 (4) Soldadokunaj yawarpura p'achanku, botanku ima ninapi ruphachisqa kanqanku.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 44:6

Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Jeremías 6:8

Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Lamentaciones 5:2

Tukuy jallp'aykuta waj llajtayojkuna jap'ikapunku. Wasiykupis waj runakunaj makinkuman chayan.

Ezequiel 25:4

Chayrayku noqaqa qankunata inti llojsimuynejmanta runakunaman qaraykusqaykichej. Paykuna jallp'aykichejta jap'ikaponqanku, chaypitaj toldonkuta sayachispa, tiyakonqanku. Chajraykichejpa poqosqanta paykuna mikhukaponqanku, lecheykichejtapis ujyakapullanqankutaj.

Ezequiel 30:12

Noqaqa Nilo mayupi yakuta ch'akichisaj, jinaspataj chay suyuta millay runakunaman qosaj, tukuy kapuyninkutataj waj llajtayojkunawan apachispa ch'inyachisaj. Noqa Tata Dios chaytaqa nini.

Oseas 7:9

Waj suyumanta runakunaqa paypa kallpanta tukuchishanku, paytaj mana imatapis reparakunchu. Chujchanpis yurajyapunña mana reparakusqallan.

Oseas 8:7

Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Levítico 26:34

Chaypacha jallp'aykichej samarenqa, qankuna awqaykichejkunaj llajtankupi kawsanaykichejkama. Ajinamanta jallp'aqa mana samarisqanmanta chaypacha samarenqa.

Miqueas 5:11

11 (10) Llajtaykikunata raqayllamanña tukuchisaj, tukuy sumaj jark'achasqa wasiykikunatapis urmarachisaj.

Miqueas 6:13

Chayrayku jasut'isqayki, juchallisqaykiraykutaj q'ara pampaman tukuchisqayki.

Deuteronomio 28:33

Jallp'aykipi poqochisqaykita, chantá llank'aspa imatachus tarisqaykitawan mana rejsisqayki runakuna mikhukaponqanku. Jinallataj sapa kuti sarusqa, chantá k'umuykachachisqa ima kanki.

Deuteronomio 28:43

Llajtaykipi waj llajtayoj tiyakojkuna astawan atiyniyojman tukonqanku, qantaj pisimanta pisi mana atiyniyojman tukupunki.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.