Isaías 1:6 - DIOSPA QHELQACHISQ

⁶ Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Qheshwa Biblia DC

⁶ Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

DIOSPA QHELQACHISQAN DEUTEROCANONICAL

⁶ Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Isaías 1:6 ပူးပေါင်းရင်းမြစ်များ

2 Samuel 14:25

Absalonqa chaki puntanmanta uma puntankama ima munay junt'asqa karqa. Tukuynin Israel ayllu ukhupi pay jina alajitoqa mana karqachu. Paytaj sumaj uyarisqa runa karqa.

Job 5:18

Sichus pay runaj ukhunta nanaykuchin chayqa, payllataj jampenqa. Sichus runata onqochin chayqa, payllataj thañichenqa.

Salmos 77:2

2 (3) Llakiyniy p'unchaypi Tukuyta Kamachej Diosta mask'ani makiyta oqharispa, sapa ch'isitaj paymanta mañakuni. Chaywanpis mana sonqochakuyta atinichu.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Jeremías 17:9

Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

Jeremías 30:12

Tata Dios nillantaj: K'irisqa kasqaykichejqa mana jampiy atina, onqoyniykichejpajpis mana jampi kanchu.

Jeremías 30:15

Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 6:14

Aylluypa k'irisqanta tumpallata jampiykurinku. Paykunaqa tukuy imapis allillan kashasqanta ninku. Jinapis manapuni imapis allinchu kashan.

Jeremías 6:7

Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Nahúm 3:19

K'irisqa kasqaykipaj mana jampi kanchu. Chay onqoyniykeqa mana jampiy atina. Llakiypi rikhurisqaykimanta tukuy uyarejkuna kusikuspa t'ajllarakunku. Millay ruwasqaykeqa pitataj mana ñak'aricherqachuri?

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

San Mateo 9:12

Jesustaj chayta uyarispa, nerqa: Qhalilla kajkunaqa jampikamayojta mana wajyanankuchu tiyan, manachayqa onqosqa kajkunalla.

San Lucas 10:34

Payqa maqasqa runaj k'irinkunata aceitewan, vinowan ima jampiykusqa. Chantá burronman wicharichispa, tamboman apasqa, chaypitaj allinta jampichisqa.