Isaías 1:4 - DIOSPA QHELQACHISQ

⁴ Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Qheshwa Biblia DC

⁴ Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

DIOSPA QHELQACHISQAN DEUTEROCANONICAL

⁴ Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 1:4 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

2 Reyes 21:22

Ñawpa tatankunaj Tata Diosninkuta saqespa, mana Tata Diospa munasqanman jinachu ruwarqa.

2 Crónicas 12:1

Roboanqa kamachiyninpi allinta sayachispa, sumaj kallpachasqa kasqanta yuyaspa, Tata Diospa kamachisqanta manaña junt'arqachu. Jinallataj tukuy israelitakunapis kikinta ruwarqanku.

2 Crónicas 27:2

Yotanqa Tata Diospa munayninman jina cheqanta ruwarqa, tatan Uziaspa ruwasqanta jina. Chaywanpis Tata Diospa Templonmanqa mana yaykorqachu. Jinapis israelitakunaqa juchallispallapuni karqanku.

Nehemías 1:7

Noqaykoqa ancha millaytapuni ñawpaqeykipi kawsayku. Kamachisqaykita, jinallataj Moisesman kamachisqaykitapis manallataj junt'aykuchu.

Salmos 58:3

3 (4) Diosta mana manchachikojkunaqa mamankoj wijsanmantapacha mana allinta ruwaspa purinaman qokunku, paqarisqankumantapachataj llullakuspa, cheqan ñanmanta pantaykunku.

Salmos 71:22

Chayrayku Diosníy, Israelpa may llimphu kaj Diosnin, nisqaykita junt'aj kasqaykirayku, noqa arpawan, chantá waj cuerdayoj tocanakunawan ima qanta jatunchaspa takisaj.

Salmos 78:40

Paykuna ashkha kutita Diosta mana kasorqankuchu, ch'innejpitaj payta phiñacherqanku.

Salmos 78:41

Paykuna ñataj ñataj Dios atiyniyojchus kasqanta yachariyta munarqanku. Ajinamanta Israelpa May Llimphu Diosninta phiñacherqanku.

Salmos 78:57

Tatankukuna jina paykunapis Diosmanta karunchakullarqankutaj, manataj payta qhaterqankuchu. Mana allin ruwasqa arco jina q'ewikorqanku.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Salmos 89:18

18 (19) Tata Diosqa jark'akuwajninchej. Israelpa Llimphu Kaj Diosnin, qan kuraj kamachejniyku kanki.

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 1:28

Mana allinta ruwaj k'ullu runakunarí phirisqa kanqanku. Jinallataj Tata Diosta wasanchajkunapis chinkarparichisqa kanqanku.

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 14:20

Qantaqa mana kuraj kamachejta jinachu p'ampasonqanku, imaraykuchus llajtaykita chinkacherqanki, runaykitapis wañuchillarqankitaj. Chantá millay runaj mirayninmanta ni pi yuyarikonqachu.

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 30:1

Tata Dios ajinata nin: Mana kasukoj wawaykunata may llakiy qhatirenqa, imaraykuchus imatapis wakichikunku mana tapuwaspalla. Paykunaqa wajkunawan tratota ruwakunku mana Espirituypa yuyaychasqallan. Chay jinamantataj juchankoj patanman astawan juchata yapakunku.

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Isaías 30:9

Kay runakunaqa mana kasukoj kanku, llullataj, manataj ni imarayku Tata Diospa kamachisqanta uyariyta munankuchu.

Isaías 31:2

Tata Diosrí yuyayniyoj kasqanman jina ashkha llakiykunata chayachimonqa, imatachus nisqantataj junt'anqapuni. Payqa millayta ruwajkunaj contrankuta oqharikonqa, jinallataj millayta ruwajkunata yanapajkunaj contrankutapis.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Isaías 41:20

Chayta ruwasaj tukuy runaj rikunanta, allinta reparaspa umachakunankupaj. Paykuna yachanqanku noqa Tata Dios jatun atiyniywan chaykunata ruwasqayta. Yachallanqankutaj noqa, Israelpa May Llimphu Kaj Diosnin chay imakunata rikhurichisqayta, nispa.

Isaías 5:19

Qankuna ninkichej: Diosqa imatachus ruwananta usqhayta ruwachun, noqanchej rikunanchejpaj. Israelpa May Llimphu kaj Diosnenqa ruwananta usqhayllata junt'achun, imaraykuchus noqanchej imachus kananta yachayta munanchej, nispa.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 57:17

Israel millay ruwayta munapayasqanrayku noqa phiñakorqani. Chayrayku payta sinch'ita jasut'erqani, phiñakuyniypitaj payta saqerparerqani. Jinapis pay mana kasuwaspa, sonqonpa munasqanta ruwallarqapuni.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Isaías 65:11

Qankunarí, noqa Tata Diosta saqerpariwankichej, ajllakusqay orqomantataj qonqapunkichej. Chantá suerteta choqanaykichejpaj mesakunata churankichej, jinataj mana rejsisqa dios Gadman, Mení diosman ima vinowan ch'allankichej.

Isaías 65:3

Chaykunaqa sapa kuti phiñachillawankupuni, huertakunapi uywa ñak'asqata jaywaspa, ladrillomanta altarkunapitaj inciensota q'oshñichispa ima.

Isaías 9:17

17 (16) Chayrayku Tata Dios waynakunamanta mana kusikunchu, manataj khuyanchu wajcha wawakunamanta, nitaj warmisapakunamantapis. Tukuyninku millayta ruwajkuna, juchasapataj kanku, jinallataj tukuyninku millay imakunallata parlanku. Chay tukuywanpis, Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 2:33

Waynaykikunata mask'ayta sumajta yachanki. Phisu warmikunamanpis chay millay ruwasqaykita yachachinki.

Jeremías 2:5

Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Jeremías 32:32

Tukuy mana allin ruwasqankuwan phiñachiwasqankurayku, Israel aylluta, Judá ayllutapis, jinallataj kuraj kamachejninkuta chinkarparichisaj. Jinallataj sacerdotenkunata, Diosmanta sut'inchaj kasqankuta nejkunata, Judapi, Jerusalenpiwan tukuy tiyakojkunatapis chinkarparichillasaj.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 51:5

Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Jeremías 7:19

Ajinata ruwaspa, noqatachu phiñachiwanku? Mana, astawanqa paykunalla p'enqaypi rikhurinankupaj ruwanku. Ajinata Tata Dios nin.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Ezequiel 14:5

Noqa sonqonkuman parlapayasaj kutirimunankupaj, imaraykuchus tukuyninku noqata saqerpayaspa, lantikunaj qhepankuta riporqanku, nispa.

Ezequiel 16:33

Phisu warmimanqa qharikuna puñuykunankupaj paganku. Qantajrí tukuy munapayasojkunaman t'inkata qorqanki, tukuynejmanta qanwan khuchichakoj jamunankupajtaj pagarqanki.

Ezequiel 16:45

Mamaykeqa qosanta, wawantawan chejnikorqa, qantaj pay jina kanki. Jinallataj ñañaykikuna jina kanki, pikunachus qosankuta, wawankutawan chejnikorqanku, chaykuna jina. Mamaykeqa jitita llajtayoj karqa, tataykitaj amorreo llajtayoj karqa.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

Números 32:14

Kunanqa qankunañataj Tata Diosta israelitakunaj contranta phiñachiyta munaspa, juchasapa tataykichej jina ruwayta munashankichej.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

San Mateo 23:33

Qankuna venenoyoj katari jina kankichej. Imaynatataj lawrashaj nina qochaman wijch'usqa kanaykichejmanta llusp'iyta yuyankichejri?

San Mateo 3:7

Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

Romanos 8:7

Pikunachus juchallinaman aysaj sonqonkoj munasqanta kasojkunaqa Diospa contranpi kashanku, imaraykuchus Diospa kamachisqanta mana kasuyta munankuchu nitaj kasuyta atinkuchu.

1 Corintios 10:22

Chayta ruwaspa manachu yachankichej Tukuyta Kamachej Jesucristota celosachishasqanchejta? Chayrí yuyankichejchu paymanta aswan atiyniyoj kasqanchejta?

Deuteronomio 29:25

25 (24) Kutichenqankutaj: Ñawpa tatankoj Tata Diosnin Egiptomanta orqhomuspa, paykunawan uj tratota ruwasqa. Paykunataj chay tratota qonqapuspa, mana junt'asqankuchu.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 32:19

Chayta rikuspa, Tata Diosqa mayta phiñarikorqa. Chantá qhari wawankunata, warmi wawankunata ima qhesacharqa.

Deuteronomio 32:5

Millay ch'ichi sajra sonqo runakuna, Diosta phiñachejkuna, qankunaqa mana Diospa wawan kanaykichejpaj jinachu kankichej.

Colosenses 1:24

Kunanqa qankunarayku ñak'arishaspapis kusikuni. Ajinata kikin ukhuypi ñak'arispa, junt'ashani Jesucristoj Iglesianrayku imachus ñak'arinaraj kashan, chayta. Iglesiaqa Jesucristoj ukhunmin.

Apocalipsis 18:5

Juchallisqanqa janaj pachaman chayanankama tawqaykukun, Diostaj tukuy millay ruwasqanta mana qonqanchu.

Jueces 10:10

Chaypacha Tata Diosmanta mayta mañakorqanku: Diosniyku, contraykipi juchalliyku. Qanmanta karunchakuyku Baal lantikunata yupaychanaykurayku, nispa.