Isaías 1:30 - DIOSPA QHELQACHISQ

³⁰ Qankuna qawisqa laqheyoj encina sach'a jina kankichej, mana qarpasqa huertamantaj rijch'akunkichej.

Qheshwa Biblia DC

³⁰ Qankunataj kankichej laqhesnin urmarasqa encina sach'a jina, mana qarpasqa huertamantaj rijch'akunkichej.

DIOSPA QHELQACHISQAN DEUTEROCANONICAL

³⁰ Qankuna qawisqa laqheyoj encina sach'a jina kankichej, mana qarpasqa huertamantaj rijch'akunkichej.

Isaías 1:30 ပူးပေါင်းရင်းမြစ်များ

Génesis 12:6

Abramqa tukuy chay cheqanejta pasaspa, Sichem nisqa cheqanejman chayarqa, Morepi encina sach'a karqa, chayman. Chaypacha chay cheqanejpi cananeokuna tiyakusharqanku.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Isaías 64:5

Qanqa allinpaj qhawanki, pikunachus cheqan kajta kusiywan ruwanku, chaykunata, pikunachus yachachisqaykita qhatinku, chaykunatapis. Chaywanpis qan juchallikusqaykumanta phiñakorqanki, imaraykuchus unaymantapacha contraykita oqharikuyku. Ajinata ruwashaspapis, yuyaykumanchu qan qhespichinawaykuta?

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Jeremías 31:12

Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Ezequiel 17:24

Chantá campopi tukuynin sach'akuna noqa Tata Dios kasqayta yachanqanku. Jinallataj yachanqanku noqamin jatunchakoj sach'akunata urmachisqayta, juch'uypaj qhawasqa sach'atataj wiñachisqayta. Yachallanqankutaj q'omer sach'ata ch'akichisqayta, ch'akisqa sach'atataj q'omeryachisqayta. Noqa Tata Diosmin chayta nini, nisqaytataj junt'asajpuni, nispa.

San Mateo 21:19

Ñan kantupitaj higo sach'ata rikorqa, poqoyninta pallarikuyta munaspataj qayllaykorqa. Chaywanpis laqhellata tarerqa. Chantá chay sach'ata nerqa: Kunanmantapacha amaña jayk'aj poqonkichu, nispa. Sach'ataj chaypacha ch'akiporqa.