Isaías 1:3 - DIOSPA QHELQACHISQ

³ Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Qheshwa Biblia DC

³ Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

DIOSPA QHELQACHISQAN DEUTEROCANONICAL

³ Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 1:3 ပူးပေါင်းရင်းမြစ်များ

Salmos 94:8

Unanchaychej, mana yuyayniyoj wampu runakuna. Mayk'ajtaj yuyayniykichejman kutirikunkichejri?

Proverbios 28:5

Millayta ruwaj runakunaqa justiciamanta mana yachankuchu. Tata Diosta mask'ajkunarí chay tukuy imata allinta yachanku.

Proverbios 6:6

Qhella runa, sik'imirakunata qhaway, imatachus ruwasqankuta qhawaspa yachaqakuy.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 42:20

Tukuy imata qhawashaspapis, mana imatapis reparankichu. Uyariyta atishaspapis, mana imatapis uyarinkichu.

Isaías 44:18

Chay runakuna mana imatapis yachankuchu, nitaj entiendenkuchu imatachus ruwashasqankuta, imaraykuchus qhawashaspapis ñawsakuna kanku, manataj yuyayninkupipis imachus kasqanta jap'eqayta atinkuchu.

Isaías 5:12

Qankunaqa jatuchaj mikhuykunata wakirichinkichej, chaypitaj tocarichinkichej arpakunata, salteriokunata, panderetakunata, qenakunatawan. Chantá ashkha vinota ujyarillankichejtaj. Chaywanpis mana Tata Diospi unanchankichejchu, nitaj makinwan ruwasqantapis cuentaman churankichejchu.

Isaías 5:13

Chayrayku aylloyqa mana noqata rejsiwasqanrayku, waj suyuman apachisqa kanqanku. Tukuy runataj kurajninkukunawan ima, mikhunamanta yarqhaywan, yakumanta ch'akiywan ima wañonqanku.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Jeremías 10:14

Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Jeremías 35:16

Recabpa churin Jonadabpa ayllonqa ñawpa tatankoj kamachisqanta kasunkupuni. Kay aylluyrí mana kasuta ruwawanchu.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 50:6

Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Jeremías 8:7

Patata phawaj pariwanakuna mayk'ajchus kutimpunankuta yachanku. Urpikuna, para p'isqokuna, chakisapa yaku pilikuna ima mayk'ajchus wajnejman rinankuta yachanku. Noqaj aylluyrí, kamachisqayta mana yachankuchu.

Ezequiel 16:30

Noqa Tukuyta Kamachej Tata Dios nini: Sonqoykiwan apachikojlla kasqaykirayku, mana p'enqakuyniyoj phisu warmi jina purerqanki.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Oseas 2:8

8 (10) Payqa mana yuyarikorqachu noqamin payman trigota, vinota, aceitetapis qosqayta. Paytajrí qolqeta, qorita ashkhata qosqaywan Baal lantikunata ruwakorqa.

San Mateo 13:19

Wakin runakunaqa ñan patapi urmasqa muju jina kanku. Pipis janaj pacha kamachiyninmanta willayta uyarishaspa mana entiendejtin, Kuraj Supay jamuspa, sonqonpi imachus tarpusqa kajta qhechun.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

2 Pedro 3:5

Chaywanpis paykuna yachashaspa, mana yachajman tukunku. Paykuna qonqapunku qallariypi janajpis, kay pachapis Diospa nisqannejta ruwasqa kasqanta, maypachachus Dios kay pachata yaku ukhumanta rikhuricherqa, yakuwantaj muyuykucherqa, chaypacha.