Isaías 1:2 - DIOSPA QHELQACHISQ

² Janaj, kay pacha ima, Tata Diospa nisqanta uyariychej: Wawakunata uywarqani jatun kanankukama, paykunatajrí contraypi oqharikunku.

Qheshwa Biblia DC

² Janaj pacha, kay pacha ima, uyariychej Señorpa nisqanta: Wawasta uywarqani jatuchaj kanankukama, paykunataj contraypi sayaykukunku.

DIOSPA QHELQACHISQAN DEUTEROCANONICAL

² Janaj, kay pacha ima, Tata Diospa nisqanta uyariychej: Wawakunata uywarqani jatun kanankukama, paykunatajrí contraypi oqharikunku.

Isaías 1:2 ပူးပေါင်းရင်းမြစ်များ

2 Reyes 21:22

Ñawpa tatankunaj Tata Diosninkuta saqespa, mana Tata Diospa munasqanman jinachu ruwarqa.

Salmos 49:1

1 (2) Tukuy runa, kayta allinta uyariychej, kay pachapi tukuy tiyakojkunataj, kayta uyariychej.

Salmos 50:4

Diosqa patamantapacha janajta, kay pachatawan wajyan, ayllunta juzgashajta rikunankupaj.

Isaías 30:1

Tata Dios ajinata nin: Mana kasukoj wawaykunata may llakiy qhatirenqa, imaraykuchus imatapis wakichikunku mana tapuwaspalla. Paykunaqa wajkunawan tratota ruwakunku mana Espirituypa yuyaychasqallan. Chay jinamantataj juchankoj patanman astawan juchata yapakunku.

Isaías 30:9

Kay runakunaqa mana kasukoj kanku, llullataj, manataj ni imarayku Tata Diospa kamachisqanta uyariyta munankuchu.

Isaías 31:6

Diospa ayllun israelitakuna, Tata Diosman kutirikamuychej ari, pejpa contrantachus oqharikorqankichej, chayman.

Isaías 34:1

Tukuy suyukuna, llajtakuna ima, qayllamuychej allinta uyarinaykichejpaj: Kay pachapi tukuy ima kajpis sumajta noqaj nisqayta uyarichun.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Isaías 65:2

Sapa p'unchay chay mana kasukoj runakunaman makiyta jaywarqani, pikunachus mana cheqan ñanta purinkuchu, manachayqa millay yuyayninkuman jinalla purinku, chaykunaman.

Jeremías 13:15

Chantá Jeremías israelitakunata nerqa: Tata Dios parlanña. Ama wapuykachaychejchu, manachayqa allinta uyarispa, kasuta ruwaychej.

Jeremías 22:29

Kay pachapi tukuy llajtayojkuna, Tata Diospa nisqanta uyariychej.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 31:9

Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Jeremías 6:19

Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Ezequiel 24:3

Chantá contrayta oqharikoj kay runakunaman uj rijch'anachinata willay: Tukuyta Kamachej Tata Dios nin: Uj mankata q'onchaman chhaqaykuy, yakutataj chay mankaman junt'aykuchiy.

Ezequiel 36:4

Chayrayku Israelpa orqonkuna, Tukuyta Kamachej Tata Diospa nisqanta uyariychej. Tukuyta Kamachej Tata Dios kay jinata nin Israelpa lomankunaman, orqonkunaman, wayq'onkunaman, vallenkunaman, ch'in raqaykuna saqerasqa llajtankunaman ima. Qayllanpi kaj suyukuna israelitakunamanta chaykunata suwarqanku, paykunamantataj alqochakorqanku.

Amós 3:1

Israelitakuna, Tata Diospa nisqanta uyariychej. Egiptomanta orqhomusqan runakunaj contranta ajinata nin:

Miqueas 1:1

Judá suyupi Yotán, Ajaz, Ezequiaspiwan ujmanta uj kamachishajtinku, Tata Diosqa Moreset llajtayoj Miqueasta parlarqa. Chaypachataj imachus Samariawan, Jerusalenwan ima kananmanta mosqoypi jina rikucherqa.

Miqueas 1:2

Tukuy runakuna, kayta uyariychej: Tukuyta Kamachej Tata Diosmin may llimphu Templonmantapacha testigo jina qankunaj contraykichejpi sayanqa.

Miqueas 3:8

Noqatatajrí, Tata Diospa Espíritun atiywan junt'achiwan, justiciawan, kallpawantaj, Israelta uyanpi nipunaypaj mana kasukoj, juchayojtaj kasqanta.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

Hechos 4:20

Noqaykurí mana ch'in kayta atisqaykuchu. Manachayqa imatachus rikusqaykuta, uyarisqaykuta ima willaranaykupuni tiyan, nispa.

Deuteronomio 1:31

Chay jawa ch'innejpi, chantá ñanta jamushajtiykichej kayman chayamunaykichejkama rikorqankichej Tata Diosqa uj tata jina makinwan jap'ispa, qankunata pusamususqaykichejta, nispa.

Deuteronomio 30:19

Jinaqa janajta, kay pachatawan ima testigota jina churani, kawsayta, chayrí wañuyta, chantá saminchasqa kanata, chayrí maldicisqa kanatachus ajllakunaykichejpaj nisusqaymanta. Noqarí niykichejman, astawan walej kanman qan, jinataj wawaykikuna ima kawsayta ajllakunaykichej.

Deuteronomio 32:1

Janaj pacha, parlasqayta uyariy. Jallp'apis, simiypa parlasqanta uyarillaytaj.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.