Isaías 1:16 - DIOSPA QHELQACHISQ

¹⁶ Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Qheshwa Biblia DC

¹⁶ Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

DIOSPA QHELQACHISQAN DEUTEROCANONICAL

¹⁶ Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Isaías 1:16 ပူးပေါင်းရင်းမြစ်များ

2 Reyes 17:13

Tata Diosqa israelitakunata, jinataj Judá suyupi tiyakojkunata ima sut'inchajkunanejta k'amichisqa: Millayta ruwaspa purisqaykichejmanta noqaman kutirikamuychej. Chantá tataykichejkunaman qosqay kamachisqaykunata, yachachisqaykunatapis kasuychej. Chaykunata noqamanta sut'inchajkunanejta willacherqaykichej, nispa.

Salmos 26:6

Tata Dios, makeyqa tukuy juchamanta llimphuchasqaña. Chayrayku altarniykiman qayllaykuyta munani.

Salmos 34:14

14 (15) Mana allinta ruwanamanta karunchakuy, allin kajtataj ruway. Tukuywan allinpi kawsakuyta mask'ay, chaytataj qhatiy.

Salmos 37:27

Mana allin kajta ruwanamanta karunchakuspa, allin kajta ruway. Ajinata ruwaspa kanki chayqa, maypipis tiyakunayki kanqapuni.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

Proverbios 4:27

Ñanniykimantaqa ni pañaman nitaj lloq'eman pantaykuychu. Mana allinta ruwaspa purinamantapis t'aqakuy.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 25:5

Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Jeremías 26:3

Ichapis kasususpa, millay ruwasqankuta saqenkuman. Jinata ruwajtinku, noqapis manaña millay ruwasqankumanta paykunata jasut'iymanñachu, imaynatachus yuyashani, jinataqa.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Jonás 3:8

Manachayqa qhashqa p'achata churakuspa, tukuyniykichej sinch'ita Diosmanta mañakuychej. Sapa ujniykichej millay purinata saqeychej, amañataj kallpaman atinikuspa, runata waqachiychejchu.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Zacarías 7:7

Manachu Tata Dios ñawpa sut'inchajkunaman kikillantataj nerqa, maypachachus Jerusalén ashkha runayoj llajta karqa, manataj ni ima ch'ajwapis karqachu Judea jap'iypi kaj llajtakunapi, Neguevpi, chantá Sefela pampakunapipis, chaypacha? nispa.

San Mateo 3:8

Allinta puriychej ari. Ajinata juchallisqaykichejmanta Diosman kutirikusqaykichejta sut'ita rikuchinkichej.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

Romanos 12:9

Qankuna wajkunata tukuy sonqo munakuychej, ama simillamantachu. Jinataj mana allin kajta chejniychej, allin kajmantataj ch'ipakuychej.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

1 Pedro 3:11

Chantá mana allin kajta ruwayta saqespa, allin kajta ruwachun. Wajkunawan allinpi kawsakuyta mask'achun, allillanpipuni kawsakunanpajtaj sonqonta churachun.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.