Isaías 1:13 - DIOSPA QHELQACHISQ

¹³ Amaña qhasi manakaj jaywanata apamuwaychejchu. Inciensoykichejpa q'oshñinta millachikuni. Killa qallariy raymi ruwasqaykichej, samarina p'unchay waqaychasqaykichejpis qhasi manakaj. Raymi ruwasqaykichejqa millay, manaña rikuyta atinichu.

Qheshwa Biblia DC

¹³ Ama apamuwaychejchu mana walej rikuchikustaqa; millachikuniña chaykunaj q'osñinta. Qankuna tukuy runasta wajyankichej, qankuna tukuy runasta wajyankichej killa qallarikuy fiestata ruwanaykichejpaj, samakuna p'unchaytapis waqaychanaykichejpaj. Noqarí mana munanipunichu chaykunatawan, sajra imastawan ujllapi ruwanaykichejta.

DIOSPA QHELQACHISQAN DEUTEROCANONICAL

¹³ Amaña qhasi manakaj jaywanata apamuwaychejchu. Inciensoykichejpa q'oshñinta millachikuni. Killa qallariy raymi ruwasqaykichej, samarina p'unchay waqaychasqaykichejpis qhasi manakaj. Raymi ruwasqaykichejqa millay, manaña rikuyta atinichu.

Isaías 1:13 ပူးပေါင်းရင်းမြစ်များ

2 Reyes 4:23

Qosantaj nerqa: Imaraykutaj kunan paywan parlaj riyta munankiri? Mana killa rikhuriy jatun p'unchaychu, nitaj samarina p'unchaychu, nispa. Paytajrí nerqa: Ama imamantapis llakikushaychu, nispa.

1 Crónicas 23:31

Jinallataj samarina p'unchaypi, mosoj killa raymipi chantá jatuchaj raymikunapi ima uywa ñak'asqata q'olachispa Tata Diosman jaywananku karqa. Chayta levitakuna Tata Diospa ñawpaqenpi tukuy tiempo ruwananku karqa, mashkhachus kasqankuman jina, imachus ruwanankuman jinataj.

Salmos 78:40

Paykuna ashkha kutita Diosta mana kasorqankuchu, ch'innejpitaj payta phiñacherqanku.

Éxodo 12:16

Chantá ñawpaj kaj p'unchayta, jinallataj qanchis kaj p'unchaytapis yupaychanawaykichejpaj tantakunkichej. Chay p'unchaykunapeqa ama ni imata ruwankichejchu, manachayqa imatachus sapa uj mikhunkichej, chayllata wayk'ukuyta atinkichej.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Proverbios 7:14

Noqa k'acha kawsakuy jaywanata Tata Diosman qonayta nerqani, chaytataj kunan p'unchay junt'aniña.

Isaías 66:23

Killamanta killa, sapa mosoj killapi, sapa samarina p'unchaypi, paykuna tukuyninku noqata yupaychawaj jamonqanku. Ajinata noqa Tata Dios nini.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Lamentaciones 2:6

Tata Dios huerta qhawana ch'ujllata jina Templonta thuñirparin. Maypichus tantakoj kanku, chayta ujllata thuñirparerqa. Tata Diosqa Sionpi raymi ruwanata, samarina p'unchaytapis qonqapunankuta ruwarqa. Chay jina phiñakuyninwan kuraj kamachejta, chantá sacerdotekunatapis qhesacharqa.

Ezequiel 20:39

Israel ayllu, kay jinata noqa Tukuyta Kamachej Tata Dios niykichej: Sichus qankuna mana kasuwankichej chayqa, sapa ujniykichej lantiykichejta yupaychamullaychej. May llimphu sutiytatajrí amaña ch'ichichaychejchu, jaywanaykichejta jaywaspa, nitaj lantiykichejkunata yupaychaspapis.

Oseas 2:11

11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Joel 2:15

Sión orqopi putututa waqachiychej. Tukuy runata tantaspa, ayunanankuta willaraychej.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Números 10:2

Martillowan takaspa, qolqe metalmanta iskay trompetata ruway. Chaykunaqa israelitakuna tantakunankuta wajyachinaykipaj kanqa, jinallataj puririnankuta kamachinaykipaj.

San Mateo 15:9

Qhasillata yupaychawanku. Paykunaqa runaj wakichisqallanta yachachinku noqaj kamachisqaypis kanman jina, nispa.

San Lucas 11:42

Ay qankunamanta, fariseokuna. Qankuna sapa chunkamanta ujta Diosman qonkichej mentamanta, rudamanta, tukuy q'omerkunamantawan. Chaywanpis mana wajkunapaj cheqan kajta ruwankichejchu nitaj Diosta munakunkichejchu. Chay chunkamanta ujta qonaqa allinpuni. Chaywanpis mana chay waj ruwanata qonqanachu tiyan.

1 Corintios 11:17

Kayta qankunaman qhelqamuspaqa, mana niykichejmanchu: Walejta ruwankichej, nispa. Manachayqa tantakusqaykichej qankunapaj allin kanantaqa, mana yanapasunkichejchu.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Filipenses 1:15

Arí, wakenqa Cristomanta willanku qhawanakuspa, churanakuspa ima. Wakintajrí allin sonqowan paymanta willanku.