Isaías 1:12 - DIOSPA QHELQACHISQ

¹² Noqata yupaychaj jamojtiykichej, pitaj qankunamanta chaykunata mañakusunkichej, chayrí wasiy patioytapis ch'ichichanaykichejtari?

Qheshwa Biblia DC

¹² Pitaj qankunamanta kaykunata mañukusunkichej, ñaupaqeyman apamojtiykichej, wasiy patiota sarunaykichejpajrí?

DIOSPA QHELQACHISQAN DEUTEROCANONICAL

¹² Noqata yupaychaj jamojtiykichej, pitaj qankunamanta chaykunata mañakusunkichej, chayrí wasiy patioytapis ch'ichichanaykichejtari?

Isaías 1:12 ပူးပေါင်းရင်းမြစ်များ

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Éxodo 23:17

Tukuy qharikunaqa watapi kinsa kutita Tukuyta Kamachej Tata Diospa ñawpaqenpi rikhurinanku tiyan.

Éxodo 34:23

Israelmanta tukuy qhareqa sapa wata kinsa kutita rikhurenqanku, Tukuyta Kamachej Tata Diosninkuta yupaychanankupaj.

Eclesiastés 5:1

1 (4.17) Diospa Templonman rispaqa, imatachus ruwasqaykita allinta qhawarikuy, imatachus yachachisqankutataj sumajta uyariy. Aswan walej Tata Diosta kasuna, mana allinta yachaspalla imatapis Diosman jaywanamanta nisqaqa.

Jeremías 7:11

Yuyankichejchu noqapaj t'aqasqa Templo suwakunaj pakakunan t'oqo kasqanta? Noqaqa tukuy imatachus ruwasqaykichejta rikushanipuni. Noqa Tata Diosmin chayta nini.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

Deuteronomio 16:16

Tata Diosniykichejpa ñawpaqenpi tukuy qharikuna watapi kinsa kutita rikhurenqanku, may cheqatachus Tata Dios ajllakonqa, chaypi. Kay raymikunapi rikhurinanku tiyan: Mana Levadurayoj T'anta nisqa raymipi, Semana nisqa raymipi, Ch'ujlla Ruwana nisqa raymipi ima. Chay raymikunapeqa mana pipis ch'usaj makillaqa Tata Diosman renqachu.