Isaías 1:11 - DIOSPA QHELQACHISQ

¹¹ Tata Dios nin: Pitaj nisunkichej uywa ñak'asqa jaywanata munasqaytari? Amisqaña kani q'olachisqa carnerokunawan, jinallataj waka uñaj wiranta jaywawasqaykichejwan. Manaña munanichu torokunaj, ovejakunaj, chantá chivokunaj yawarninkuta.

Qheshwa Biblia DC

¹¹ Señorqa nin: Imapaj apamuwankichej chay chhika rikuchikusta? Millachikuniña chay rikuchiku carnerosta, waka uñaspa wirasninta, millayta q'apaykuwan torospa yawarnin, jinataj ovejaspata, chivospata ima.

DIOSPA QHELQACHISQAN DEUTEROCANONICAL

¹¹ Tata Dios nin: Pitaj nisunkichej uywa ñak'asqa jaywanata munasqaytari? Amisqaña kani q'olachisqa carnerokunawan, jinallataj waka uñaj wiranta jaywawasqaykichejwan. Manaña munanichu torokunaj, ovejakunaj, chantá chivokunaj yawarninkuta.

Isaías 1:11 ပူးပေါင်းရင်းမြစ်များ

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Salmos 50:8

Uywata ñak'aspa jaywawasqaykimanta mana imapis parlanay kanchu, nillataj q'olachispa imatachus jaywashallawankipuni, chaymantapis.

Salmos 51:16

16 (18) Mana qanqa uywa ñak'asqa jaywanata munankichu, nitaj uywata ñak'aspa q'olachisqaytapis jap'ikuwankimanchu.

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Jeremías 7:21

Israelpa Diosnin Tukuy Atiyniyoj Tata Dios ayllunman nillantaj: Uywa ñak'asqa q'olachinakunata, waj jaywasqaykichej imakunatawan tantakuspa, qankunalla chay aychata mikhukapuychej.

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Amós 4:5

Pachis nispa, jaywanata jina mana levadurayoj t'antata q'olachiychej. Sonqomanta munaspa, jaywanata apamusqaykichejmantapis tukuyman willaramuychej. Chayta ruwaspa, manchayta kusikunkichej, icharí? Noqa Tukuyta Kamachej Tata Diosmin chayta nini.

Amós 5:21

Tata Dios nillantaj: Yupaychanawaykichejpaj raymikunata chejnikuni, millachikunitaj. Sutiypi jatun tantakuyniykichejtapis mana awantayta atinichu.

Amós 5:22

Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Miqueas 6:7

Kusikunmanchu Tata Dios waranqa corderokunata q'olachispa jaywajtiy, chayrí chunka waranqa litro aceiteta jaywajtiypis? Kusikunmanchu kuraj kaj churiyta payman jaywajtiy, Diosta wasanchasqaymanta, juchaymantawan paganaypaj? nispa.

Hageo 2:14

Chantá Hageo nillarqataj: Ajinata Tata Dios nin: Kay runakunapis chay jinallataj kanku. Tukuy ima ruwasqanku, tukuy ima jaywasqankupis ch'ichipaj qhawasqa kanku.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Números 7:45

Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

San Mateo 22:4

Chayrayku kuraj kamachejqa waj kamachinkunatañataj kachasqa, ajinata ninankupaj: Jatun mikhuna wakichisqaña. Wirayachisqa uywaykunata, wira toroykunata ima ñak'anankupaj kamachiniña. Chayrayku casaraku raymiman jamullaychejña, nispa.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.