Hechos 9:2 - DIOSPA QHELQACHISQ

² Paymantataj cartakunata qonanta mañakorqa, Damasco llajtapi judiokunaj tantakunanku wasipi rikuchimunanpaj. Chay cartanejtataj kuraj kaj sacerdoteqa Sauloman atiyta qorqa, Jesuspa cheqan ñanninta qhatikojkunata jap'ispa cadenawan watasqata Jerusalenman apananpaj, qharikunapis, warmikunapis kachunku.

Qheshwa Biblia DC

² Paymantataj mañarqa ordenta, Damascopi kaj sinagogaspi rikuchimunampaj. Señorpa ñanninta qhatejkunata, qharista warmista ima, tarispataj jap'iytawan watasqasta Jerusalenman apanampaj.

DIOSPA QHELQACHISQAN DEUTEROCANONICAL

² Paymantataj cartakunata qonanta mañakorqa, Damasco llajtapi judiokunaj tantakunanku wasipi rikuchimunanpaj. Chay cartanejtataj kuraj kaj sacerdoteqa Sauloman atiyta qorqa, Jesuspa cheqan ñanninta qhatikojkunata jap'ispa cadenawan watasqata Jerusalenman apananpaj, qharikunapis, warmikunapis kachunku.

Hechos 9:2 ပူးပေါင်းရင်းမြစ်များ

Génesis 14:15

Chantá tutayaykojtin, Abramwan, chantá kamachinkunawan ima kuraj kamachejkunata muyuykuspa, ujllata maqanakoj yaykuykorqanku. Atipaykuspataj, paykunata Hobakama qhatiykorqanku. Hobaqa Damasco llajtamanta wichaynejpi kashan.

Isaías 17:1

Damasco llajtaj contranpi Isaías kay jinata nerqa: Damascoqa manaña llajtachu kanqa, manachayqa laqayaman tukonqa.

Jeremías 49:23

Damascomanta parlaspataj, Tata Dios nerqa: Jamat llajta, Arfad llajta ima may p'enqachisqa kashanku, willajkuna llakiyta uyarichisqankurayku. Llakiywan junt'a kashanku, mana imatapis ruwayta atispa.

San Mateo 10:17

Allinta qhawakuychej runakunamanta, imaraykuchus juntaman qankunata pusaspa, tantakuna wasikunapi jasut'ichisonqachej.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Hechos 18:25

Apolos wakin imakunallata Tukuyta Kamachej Jesuspa cheqan ñanninmanta yacharqa, paytaj tukuy sonqo Jesusmanta maychus kajta yachachej. Chaywanpis payqa Bautizaj Juanpa yachachisqallanmanta yacharqa.

Hechos 19:23

Chaykama Éfeso llajtapi jatun ch'ajwa oqharikorqa Jesuspa cheqan ñanninta qhatikojkunarayku.

Hechos 19:9

Wakinkunarí sonqonkuta rumiyachispa, manapuni Jesuspi atinikuyta munarqankuchu, aswanpis tukuypa ñawpaqenpi Jesuspa cheqan ñanninmanta millayta rimarqanku. Chayrayku Pablo paykunamanta t'aqakuspa, Tiranno nisqaj yachachina wasinman mosoj yachachisqakunata pusarqa. Chaypitaj sapa p'unchay paykunata yachacherqa.

Hechos 24:14

Kaytarí sut'inta willasqayki: Noqaqa ñawpa tataykunaj Diosninta yupaychani Jesuspa cheqan ñanninta qhatispa, mayqentachus kaykuna pantasqa kasqanta ninku, chayta. Astawanpis noqa Moisespa kamachisqanpi qhelqasqata, Diosmanta sut'inchajkunaj qhelqasqankuta ima tukuy sonqo jap'ikuni.

Hechos 24:22

Kamachej Felixqa Jesuspa cheqan ñanninmanta sumajta yacharqa. Chayrayku Pabloj nisqanta uyarispa, Felixqa ch'ataykojkunata nerqa: Kay imakunamantaqa astawan tapusaj, soldadokunata kamachej Lisias chayamojtin, nispa.

Hechos 26:10

Ajinata ruwaspataj, Jerusalenpi kuraj sacerdotekunamanta cartata qochikorqani Jesuspi atinikojkunata carcelman wisq'arachinaypaj. Wakinkunata wañuchishajtinkupis, noqaqa kusikoj kani.

Hechos 26:12

Chayrayku uj kuti kuraj sacerdotekunamanta cartata qochikuspa, noqa Damasco llajtaman risharqani.

Hechos 6:9

Chaymantataj Wata Runa Kaymanta Kacharipusqa nisqa tantakuna wasimanta wakin oqharikorqanku. Paykuna ukhupi judiokuna kallarqankutaj Cirene llajtamanta, Alejandría llajtamantawan, chantá Cilicia jap'iymanta, Asia jap'iymantawan ima. Paykunataj Estebanwan churanakuyta qallarerqanku.

Hechos 7:19

Chay kuraj kamachejtaj ñawpa tatanchejkunata chejnikuspa, manchayta paykunata ñak'aricherqa. Kamacherqataj israelitakuna qhari wawankukunata paqarisqantawankama wijch'unankuta wañunankupaj.

Hechos 9:14

Kay llajtamanpis kuraj sacerdotekunaj carta qosqankuwan jamun, pikunachus sutiykita oqharispa Diosninkupaj rejsikapusojkunata presochaspa apananpaj, nispa.

Hechos 9:21

Saulota uyarejkunatajrí t'ukuspa, tapunakusharqanku: Manachu kay runaqa Jerusalenpi pikunachus Jesuspa sutinta oqharispa Diosninkupaj rejsikapojkunata qhatiykachasharqa chinkachinanpaj? Manachu kaymanpis jamullarqataj, paykunata cadenawan watasqata kuraj sacerdotekunaj ñawpaqenman apananpaj? nispa.

2 Corintios 11:32

Damasco llajtapi kashajtiy, kuraj kamachej Aretaspa churasqan kamachejqa soldadokunata llajtaman yaykuna punkuman churarqa, presota jap'inawankupaj.

Gálatas 1:17

Manallataj Jerusalenman rerqanichu, pikunachus noqamanta aswan ñawpajta Jesuspa kuraj kachankuna karqanku, chaykunawan parlaj. Manachayqa usqhayllata Arabia cheqaman kachaykukorqani, chaymantataj Damasco llajtaman kutimorqani.