Hechos 9:18 - DIOSPA QHELQACHISQ

¹⁸ Chaypacha ujllata Sauloj ñawinmanta qherpa jina t'akakorqa, watejmantataj rikorqa. Jatarispataj, bautizachikorqa.

Qheshwa Biblia DC

¹⁸ Chay kikimpachataj, Sauloj ñawisninmanta qherpas jina t'akakorqa, watejmantataj rikorqa. Jatarispataj bautizachikorqa.

DIOSPA QHELQACHISQAN DEUTEROCANONICAL

¹⁸ Chaypacha ujllata Sauloj ñawinmanta qherpa jina t'akakorqa, watejmantataj rikorqa. Jatarispataj, bautizachikorqa.

Quechua South Bolivia: Dios Parlapawanchej

¹⁸ Chay quiquinpachataj Sauloj ñawisninmanta wisk'ajcuna t'akacorkancu. Ricorkataj. Jatariytawantaj bautizacorka, ricuchinanpaj Jesucristopi jap'icuskanta.

Hechos 9:18 ပူးပေါင်းရင်းမြစ်များ

Hechos 2:38

Pedrotaj kuticherqa: Sapa ujniykichej Diosman kutirikuychej, jinaspataj, Jesucristoj sutinpi bautizachikuychej, Jesusqa Diospa kachamusqan kasqanta rejsikapuspa. Ajinamanta Dios juchaykichejta pampachanqa, jinataj Santo Espirituta qosonqachej.

Hechos 2:41

Ajinamanta Pedroj yachachisqanta jap'ikojkuna bautizachikorqanku, chaypachataj Jesusta qhatikojkunaman 3.000 jina yapakorqanku.

Hechos 22:13

Jinapi Ananiasqa watukuwaj jamorqa, ñawpaqeypi sayaspataj, niwarqa: Saulo wawqéy, ñawiyki watejmanta rikuchun, nispa. Chaypacha watejmanta rikuyta aterqani, jinataj payta rikorqani.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

Hechos 9:17

Ajinaqa Ananías chay wasiman rispa, chayman yaykorqa, Saulota rikuspataj, makinwan llankhaykorqa, nerqataj: Saulo wawqéy, Tukuyta Kamachej Jesús, pichus kayman jamushajtiyki ñanpi rikhurisorqa, paymin kachamuwan watejmanta rikuyta atinaykipaj, jinataj Santo Espíritoj kamachiyninpi kanaykipaj, nispa.

Hechos 9:19

Chaymantataj Sauloqa mikhuspa, watejmanta kallpachakorqa. Chantá Damascopi pisi p'unchaykunata qhepakorqa Jesusta qhatikojkunawan khuska.

Hechos 9:8

Jinapi Sauloqa pampamanta sayarispa, ñawinta kicharerqa, manataj imatapis rikuyta aterqachu. Chantá paywan rejkuna makinmanta aysaspa, Saulota Damasco llajtaman pusaykorqanku.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.