Hechos 8:2 - DIOSPA QHELQACHISQ

² Jinallataj wakin khuyakuyniyoj runakuna Estebanta p'amparqanku, chantá unayta pay wañusqanmanta waqarqanku.

Qheshwa Biblia DC

² Khuyakuyniyoj runakuna Estebanta p'ampamorqanku, paymantataj manchayta waqarqanku.

DIOSPA QHELQACHISQAN DEUTEROCANONICAL

² Jinallataj wakin khuyakuyniyoj runakuna Estebanta p'amparqanku, chantá unayta pay wañusqanmanta waqarqanku.

Quechua South Bolivia: Dios Parlapawanchej

² Waquin cheka sonkoyoj runastaj Estebanta p'amparkancu may phutiywan wakaspa.

Hechos 8:2 ပူးပေါင်းရင်းမြစ်များ

Génesis 23:2

Paytaj Quiriat Arbapi wañuporqa. Arbaqa Canaán jap'iypi, Hebrón llajta kashan. Abrahamqa warmin Sara wañupusqanrayku mayta llakikuspa, anchatataj waqarqa.

Génesis 50:9

Josewan ashkha runakuna rerqanku, carretakunapi, caballokunapi ima.

2 Samuel 3:31

Chaymantaqa David kamacherqa Joabta, paywan kaj runankunata ima: P'achaykichejta llik'irakuspa, qhashqa p'achata churakuychej, Abner wañusqanmantataj waqaychej, nispa. Kuraj kamachej Davidtaj Abnerpaj ayan qhepanta rerqa.

2 Crónicas 32:33

Ezequías wañupojtin, ayanta p'amparqanku Davidpa ayllunpa p'ampakunanpi aswan pata kajpi. Tukuy Judá suyupi, Jerusalenpi tiyakojkunapis may jina respetowan p'amparqanku. Qhepantataj churin Manasés kamacherqa.

2 Crónicas 35:25

Jeremiasqa uj llakiy yarawita wakicherqa, Josiaspa wañupusqanmanta yuyarikunapaj. Tukuy takejkuna qharikuna, warmikunapis, Josiasmanta yuyarikuspa kunankama takinku. Chay jina yarawitaqa Israelpi pi wañupojtin takillankupuni. Yarawi qhelqasqapi qhelqasqa kashan.

Jeremías 22:10

Kuraj kamachej Josiasmanta ama waqaychejchu, amataj wañusqanmanta llakikuychejchu. Manachayqa churin Salunmanta waqaychej, pay waj suyuman apasqa kasqanmanta, imaraykuchus payqa maypichus paqarisqan llajtaman manaña kutimonqachu.

Jeremías 22:18

Chayrayku Josiaspa churin Judata kuraj kamachej Joacinmanta parlaspa, kay jinata Tata Dios nin: Pay wañojtin, mana pipis waqanqachu. Mana pipis kay jinata nispa waqaj kanqachu: Ay wawqelláy, ay ñañalláy, ay wiraqochilláy, ay kuraj kamachejnilláy, nispa.

Números 20:29

Israelitakuna Aarón wañupusqanta yachaspataj, uj killata waqarqanku.

Marcos 6:29

Chantá Juanpa yachachisqankuna chayta yachaytawan, ayanta apakapuspa, p'ampamusqanku.

San Lucas 2:25

Chaypacha Jerusalenpi uj runa Simeón sutiyoj tiyakorqa. Pay cheqanta ruwaj runa karqa, Diostataj may jatun respetowan qhawarqa. Chayrayku pay suyasharqa Dios Israelta qhespichinanta. Santo Espíritoj kamachiyninpipis kallarqataj.

Hechos 10:2

Cornelioqa Diosta may jatun respetowan qhawaj karqa, cheqanta ruwaj runataj. Wasinpipis tukuy ayllunwan khuska Diosta yupaychaj. Payqa tukuy imapi wajcha runakunatapis yanapaj, jinallataj sapa kuti Dioswan parlarikoj.

Hechos 2:5

Chaypacha Jerusalén llajtapi kasharqanku Diosta manchachikoj judiokuna, pikunachus kay pachapi kaj tukuy suyumanta jamorqanku, chaykuna.

Hechos 8:1

Saulopaj Estebanta wañuchisqankoqa allillan karqa. Chaymantapachataj Jerusalenpi ashkha runakuna Jesuspa iglesianta qhatiykachayta qallarerqanku. Chayrayku iglesiamanta ashkha ayqekorqanku Judea jap'iyman, Samaria jap'iyman ima. Jesuspa kuraj kachankunalla Jerusalenpi qhepakorqanku.

Hechos 8:3

Saulorí Jesuspa iglesianta manchayta qhatiykacharqa tukuchiyta munaspa. Wasikunaman yaykuspataj, Jesusta qhatikoj qharikunata, warmikunata ima jap'irarqa, qhatataspataj, carcelman wisq'aracherqa.

Deuteronomio 34:8

Israelitakunaqa Moab suyupi ch'innejpi, kinsa chunka p'unchay junt'ata maytapuni Moisesmanta waqarikorqanku. Ajinata Moisés wañupusqanmanta waqana llakikuspa usunkuta junt'arqanku.

1 Samuel 28:3

Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.