Hechos 7:52 - DIOSPA QHELQACHISQ

⁵² Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Qheshwa Biblia DC

⁵² Mayqen profetatatajñaupa tatasniykichej, mana qhatiykacharqankuchu ñak'arichinankupaj? Paykuna ñaupajmantapacha, cheqan kaj jamunanta willashajtinku wañuracherqanku. Kunanrí, qankunañataj jap'ichispa payta wañucherqankichej.

DIOSPA QHELQACHISQAN DEUTEROCANONICAL

⁵² Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Quechua South Bolivia: Dios Parlapawanchej

⁵² Diospa tucuy willajcunanta chejnispa unay tatasniyquichejka ñac'aricherkancu. Chay willajcuna unayta willarkancu Diospa ajllaska camachin Jesús jamunanta. Chay willajcunatapis wañucherkancu. Cunantaj pay jamojtin chejnicojcunaman jaywaycorkanquichej wañuchicherkanquichejtaj.

Hechos 7:52 ပူးပေါင်းရင်းမြစ်များ

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:14

Eliastaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan trato ruwasqaykita saqerparinku. Altarniykita urmachinku, qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 20:2

Chantá Pasjur Diosmanta sut'inchaj Jeremiasta seq'onankuta kamacherqa, jinallataj Diospa Templon qayllapi wichaynejpi Benjamín sutiyoj punku qayllapi cepoman churanankuta.

Jeremías 26:15

Jinapis kayta allinta yachaychej: Sichus wañuchiwankichej chayqa, qankuna, chantá kay llajtapi tiyakojkuna ima juchachasqa kankichej mana juchayojta wañuchisqaykichejrayku. Noqata Tata Diospuni kay tukuy imamanta sut'ita willanasuykichejpaj kachamuwarqa, nispa.

Jeremías 26:23

Chaykunataj Uriasta Egiptopi jap'ispa, kuraj kamachej Joacinman apamusqanku. Paytaj kamachisqa Uriasta wañuchinankuta, ayantataj, maypichus wajcha runakunata p'ampaj kanku, chayman p'ampanankuta kamachillasqataj, nispa.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

San Mateo 5:12

Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

San Lucas 6:23

Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

San Juan 16:10

Reparachillanqataj noqaqa mana juchayoj cheqan kasqayta, imaraykuchus Tatayman kutipushani, qankunataj manaña kay pachapi rikuwankichejchu.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 22:14

Chantá Ananías niwarqa: Ñawpa tatanchejkunaj Diosnenqa ñawpajmantapacha qanta ajllakusunki paypa munayninta rejsinaykipaj, Diospa Cheqan Kaj Kamachinta rikunaykipaj, kikin siminmantataj nisqanta uyarinaykipaj ima.

Hechos 3:18

Chaywanpis Diosqa paymanta ñawpa sut'inchajkunanejta sut'inchasqaña paypa kachamusqan Cristo ñak'arinanta. Diostaj chay nisqanta qankunanejta junt'arqa.

Hechos 3:24

Kay p'unchaymantaqa ñawpajtaña Diosmanta tukuy sut'inchajkuna willarqanku, Samuelmanta qallarispa, jinallataj paypa qhepanta jamojkunapis.

Hechos 4:10

Tukuy kurajkuna, tukuy israelitakuna ima allinta yachaychej: Kay suchu runata Nazaret llajtayoj Jesucristoj sutinpi qhaliyacherqayku. Chay Jesustaqa qankuna cruzpi chakatarqankichej. Chaywanpis Diosqa payta wañusqamanta kawsarichimorqa.

1 Tesalonicenses 2:15

Judiokunamanta wakinkuna Tukuyta Kamachej Jesusta wañuchisqanku, jinallatataj Diosmanta sut'inchajkunatapis. Noqaykutapis qhatiykachaspa, ñak'arichillawarqaykutaj. Paykuna mana Diospa munasqanman jinachu ruwanku, jinallataj tukuy runaj contranpi kashanku.

2 Timoteo 3:4

Kallanqankutaj wasanchajkuna, mana qhawarikuspa imallatapis ruwarparejkuna, may kasqankuta yuyakojkuna, Diosta kasunankutaqa munasqallankuta ruwayta munajkuna ima.

1 Pedro 1:11

Cristoj Espíritun paykunapi kaspa, ñawpajmantapacha sut'inchasqa Cristo ñak'arinanmanta, chaymantataj jatunchasqa kananmanta ima. Paykunataj mayk'ajchus, chantá imaynamantatajchus chay kananta yachayta munaspa, mayta watorqanku.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.