Hechos 6:3 - DIOSPA QHELQACHISQ

³ Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

Qheshwa Biblia DC

³ Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

DIOSPA QHELQACHISQAN DEUTEROCANONICAL

³ Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

Quechua South Bolivia: Dios Parlapawanchej

³ Hermanosníy, chayraycu kancunamanta ajllaychej kanchis runasta cay ruwanapi yanapanancupaj. Cachuncu sumajpaj khawaskas, Dios Espirituwan junt'a, sumaj yuyayniyoj runas. Paycunata churasunchej cay ruwaypi khawanancupaj.

Hechos 6:3 ပူးပေါင်းရင်းမြစ်များ

Éxodo 18:21

Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Isaías 28:26

Tarpojqa imatachus ruwananta sumajta yachan, imaraykuchus Diosmin payman yachachin imaynatachus ruwananta.

Isaías 28:6

Jinallataj juezkunata yuyaychanqa justiciata ruwanankupaj. Llajta punkupi awqakunaman sayaykoj soldadokunatapis kallpachanqa.

San Mateo 23:8

Qankunarí, ama Yachachej Wiraqochi nichikunkichejchu, imaraykuchus Yachachej Wiraqochiykichejqa ujlla. Qankunaqa tukuyniykichej wawqepuralla kankichej.

San Juan 21:23

Jesús ajinata nisqanrayku, Jesusta qhatejkuna aswan qhepaman paykunapura ninakorqanku chay yachachisqa mana wañunanta. Jesusrí mana nisqachu: Mana wañonqachu, nispaqa. Aswanpis nisqa: Sichus kutimunaykama pay kawsananta munani chayqa, qanpata ima ruwanayki tiyan? nispa.

Hechos 1:15

Chay p'unchaykunallapitaj wawqe panakuna tantakorqanku, uj pachaj iskay chunkayoj jina. Chantá Pedro sayariytawan, paykunata nerqa:

Hechos 1:21

Noqanchej ukhupi wakin qharikuna tiyan, pikunachus noqaykuwan khuska Tukuyta Kamachej Jesuswan purerqanku

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

Hechos 15:23

Cartata kay jinata ruwaspataj, paykunawan apacherqanku: Noqayku Jesuspa kuraj kachankuna, iglesiapi kurajkunawan ima wawqeykichej jina napaykamuyku qankuna mana judío kaj wawqe panakunata, pikunachus Antioquiapi, Siriapi, Ciliciapi ima tiyakojkunata.

Hechos 16:2

Listrapi, chantá Iconio llajtapi tiyakoj wawqe panakuna Timoteomanta allinta parlaj kanku.

Hechos 2:4

Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

Hechos 22:12

Chaypacha Damascopi Ananías sutiyoj uj runa tiyakorqa, paytaj Diosta yupaychaj Moisespa kamachisqanman jina. Chantá Damascopi kaj judiokunapajpis allin runapaj qhawasqa karqa.

Hechos 28:14

Chaypeqa tarerqayku wawqe panakunata. Paykunataj mañawarqayku qanchis p'unchayta paykunawan karikunaykuta. Chay qhepatataj Roma llajtaman rerqayku.

Hechos 6:2

Ajinamanta Jesuspa chunka iskayniyoj kuraj kachankunaqa Jesusta tukuy qhatikojkunata wajyaspa, nerqanku: Mana allinchu kanman, noqayku Diospa Simi nisqanta willayta saqerparispa mikhunataraj runaman rak'inaykoqa.

Hechos 6:5

Chay nisqankoqa Jesuspa tukuy qhatikojkunaman allin rijch'arqa. Jinapi ajllarqanku Estebanta. Payqa Diospi sinch'ita atinikoj karqa, jinataj Santo Espíritoj kamachiyninpi purej. Chaymanta ajllallarqankutaj Felipeta, Procorota, Nicanorta, Timonta, Parmenasta, Nicolasta ima. Nicolasqa Antioquía llajtayoj karqa chaypis, judioman tukupusqa.

Hechos 6:6

Chantá wawqekunaqa ajllasqanku runakunata Jesuspa kuraj kachankunaj ñawpaqenkuman pusamorqanku. Paykunataj chay runakunarayku Diosmanta mañapuspa, makinkuta ajllasqakunaj umankuman churarqanku.

Hechos 9:30

Chayta yachaspa, wawqe panakunaqa Saulota pusarqanku Cesarea llajtaman. Chaymantataj Tarsoman payta kachaporqanku.

1 Corintios 12:8

Santo Espíritu wakinman qon yuyaywan, yachaywan ima sumajta yuyaychayta atinankupaj. Wakinmantaj kikin Santo Espiritullataj atiyta qon sumajta yachaspa parlanankupaj.

1 Corintios 16:3

Noqataj chayamuspa, pikunatachus ajllankichej, chaykunaman cartata qosaj, paykunawan qolqe tantasqaykichejta Jerusalenman apachinaypaj.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

Deuteronomio 1:13

Chayrayku sapa jatun ayllumanta yuyayniyojkunata, yachayniyojkunata, kawsay imachus kasqanta yachajkunata ima ajllaychej. Noqa paykunata kamachejniykichej kananpaj churasaj, nispa.

1 Timoteo 5:10

Chantá pay allin kajta ruwasqanrayku tukuypaj sumaj respetowan qhawana kachun. Kallachuntaj wawankunata allinta uywaj, wajkunata wasinman wajyarikuyta yachaj, Jesucristota qhatikojkunaj chakinkuta mayllaj, llakiyniyojkunata khuyaspa yanaparej, chantá tukuy allin kajta ruwayta yachaj ima.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

3 Juan 1:12

Wawqenchej Demetriomanta tukuy allinta parlanku, Diosta kasuspa purisqanpis chaymanta yachayta qollantaj. Noqaykupis paymanta jinallatataj parlayku. Qankunataj yachankichej willasqaykoqa ajinapuni kasqanta.