Hechos 5:5 - DIOSPA QHELQACHISQ

⁵ Ananiasqa Pedroj nisqanta uyariytawan, pampaman wañusqa wijch'ukorqa. Chayta yachajkunataj maytapuni manchachikorqanku.

Qheshwa Biblia DC

⁵ Ananiastaj kay palabrasta uyariytawan urmarqa, wañorqataj. Chayta yachajkunataj maytapuni mancharikorqanku.

DIOSPA QHELQACHISQAN DEUTEROCANONICAL

⁵ Ananiasqa Pedroj nisqanta uyariytawan, pampaman wañusqa wijch'ukorqa. Chayta yachajkunataj maytapuni manchachikorqanku.

Quechua South Bolivia: Dios Parlapawanchej

⁵ Cayta uyarispataj Ananiaska wañuska pampaman urmarka. Chayta tucuy uyarejcunataj Diosta mayta manchachicorkancu.

Hechos 5:5 ပူးပေါင်းရင်းမြစ်များ

2 Reyes 2:24

Chantá Eliseo kutirispa, majt'illokunata qhawarqa, Tata Diospa sutinpitaj paykunata maldicerqa. Jinallaman sach'akuna ukhumanta iskay osokuna llojsimuspa, chay majt'illokunamanta tawa chunka iskayniyojta wañucherqa.

1 Crónicas 13:12

Chay p'unchaypacha Davidqa Diosta mayta manchachikorqa, chantá nerqa: Diospa arcanta imaynatataj wasiyman apaymanri? nispa.

1 Crónicas 15:13

Ñawpaj kutipi qankuna arcata mana apamusqaykichejrayku Tata Diosqa noqanchejmanta ujninchejta wañurparicherqa. Tata Diosta mana tapurispalla, nisqanta mana junt'arqanchejchu, nispa.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Salmos 64:9

9 (10) Chaypacha tukuy runakuna manchachikonqanku, Diospa ruwasqanmantataj parlanqanku, chantá ruwasqanpi unanchanqanku.

Jeremías 5:14

Chayrayku Tukuy Atiyniyoj Tata Diosqa Jeremiasta nerqa: Chayta paykuna nisqankurayku noqa simiykiman nisqayta churasaj, chay nisqaytaj paykunata llant'ata jina ruphaykonqa, nispa.

Ezequiel 11:13

Tata Diospa sutinpi paykunaman chayta parlashajtillayraj, Benaiaspa churin Pelatías wañorqa. Noqataj pampakama k'umuykorqani, jatunmanta qhaparispataj, nerqani: Ay, Tukuyta Kamachej Tata Dios, pisi puchoj israelitakunatapis tukuynintachu wañurachinki? nispa.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Hechos 13:11

Kunanqa Dios sinch'ita jasut'isonqa. Qan ñawsayanki, jinataj intej k'anchayninta unayta mana rikunkichu, nispa. Pablo chayta nisqantawan, Elimasqa ñawsayarqa. Muyuykachaspataj, mask'arqa pillapis makinmanta pusananta.

Hechos 2:43

Chaypacha Jesuspa kuraj kachankunanejta Dios ashkha t'ukuna imakunata, chantá runaj mana jayk'aj rikusqan t'ukunata ima ruwarqa yachayta qonanpaj Diosmantapuni kasqankuta. Chayraykutaj chayta tukuy rikojkuna t'ukorqanku.

Hechos 5:13

Waj runakunataj mana paykunawan tantakuyta munarqankuchu. Chaywanpis paykuna Jesucristota qhatejkunata allin ñawiwan qhawaj kanku.

1 Corintios 4:21

Imatataj munankichej? Varawan seq'onaytachu munankichej, chayrí munakuywan, llamp'u sonqowan ima jamunaytachu?

2 Corintios 13:10

Manaraj qankunaman jamushaspa, noqa kay cartata ruwaspa apachimushaykichej, chaypi kashaspa, qankunata ama k'arajta k'amisunaykichejpaj. Tata Dios atiyta qowarqa, mana sonqoykichejta p'akiykunaypajchu, manachayqa Jesucristopi atinikusqaykichejpi kallpachasunaykichejpaj.

2 Corintios 13:2

Ñawpajta juchallikojkunata noqa nerqani, kunanpis tukuyta nillanitaj chaypipis kashayman jina: Ujtawan jamuspaqa, manaña qankunamanta khuyakusajchu, nispa.

2 Corintios 7:11

Qankunarí Diospa munasqanman jina llakikorqankichej. Kunantaj qhawariychej imachus chaymanta kasqanta: Qankuna mayta munarqankichej mana juchayojpaj qhawasqa kayta. Chay jucharayku phiñakorqankichej, manchachikullarqankichejtaj. Chantá rikuwaytapuni munarqankichej, jinallataj tukuy sonqowan munarqankichej chay juchallej wanananpaj jasut'isqa kananta. Ajinata ruwaspa, sut'ita yachayta qorqankichej imachus mana allinchu kasqanmanta mana juchayoj kasqaykichejta.

Deuteronomio 13:11

11 (12) Chay jina ruwasqaykita tukuy israelitakuna yachaspa, manchachikonqanku, manañataj ujtawan qankuna ukhupi chay jinata ruwaspa juchallenqankuchu.

Deuteronomio 21:21

Chantá chay llajtapi tiyakojkuna rumiwan ch'anqaykuspa, payta wañuchenqanku. Ajinata ruwasqaykichejrayku, qankuna ukhupi chay jina millayta ruwana manaña kanqachu. Israelitakunaqa chayta uyarispa manchachikonqanku, manañataj chay jina millayta ruwayta munanqankuchu.

Josué 22:20

Yuyarikullaychejtaj Zeraj churin Achán, Tata Diospaj t'aqasqa phirikunan karqa chayta oqharikuspa, juchallikusqanta. Chay juchanmanta tukuy israelitakunaj contrankuta Tata Dios phiñakorqa. Mana Achanllachu juchanrayku wañorqa, nispa.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 11:5

Sichus pipis paykunata imanayta munanman chayqa, paykunaj siminkumanta nina llojsimuspa, awqankuta rupharparenqa. Ajinaqa pichus paykunata imanayta munajqa wañuchisqa kanqa.