Hechos 4:1 - DIOSPA QHELQACHISQ

¹ Pedrowan, Juanwan ima chay runakunaman parlashallajtinkuraj, chayamorqanku wakin sacerdotekuna, Templota qhawajkunaj kamachejninku, saduceokuna ima.

Qheshwa Biblia DC

¹ Pedrowan Juanwan runasman parlashajtinku chayamorqanku sacerdotes, templota qhawajkunaj kamachisninwan, saduceoswan ima.

DIOSPA QHELQACHISQAN DEUTEROCANONICAL

¹ Pedrowan, Juanwan ima chay runakunaman parlashallajtinkuraj, chayamorqanku wakin sacerdotekuna, Templota qhawajkunaj kamachejninku, saduceokuna ima.

Quechua South Bolivia: Dios Parlapawanchej

¹ Ajinata Pedro, Juanwan runasta nisharkancu. Chayllaman yupaychana-wasipi ruwanayojcunawan uj camachejnincuwan saduceo partecunawan paycunaman kayllaycamorkancu.

Hechos 4:1 ပူးပေါင်းရင်းမြစ်များ

San Mateo 16:12

Chaymantaña yachachisqankunaqa yuyayninkuman churakorqanku Jesusqa mana t'anta ruwana levaduramantachu parlashasqanta, manachayqa fariseokunaj, chantá saduceokunaj yachachisqankumanta.

San Mateo 22:16

Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

San Mateo 27:20

Chantá kuraj sacerdotekuna, kurajkunawan imaqa runakunaman yachaykucherqanku Pilatota ninankupaj Barrabasta kacharichinanta, Jesustataj wañuchichinanta.

San Mateo 27:41

Ajinallatataj, kuraj sacerdotekunapis, Diospa kamachisqanmanta yachachejkunawan, kurajkunawan ima alqochakorqanku, nerqankutaj:

San Mateo 3:7

Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

San Lucas 20:1

Uj p'unchay Jesús Templopi Diosmanta sumaj willayta runakunaman yachachisharqa. Jinallapi kuraj sacerdotekuna, Diospa kamachisqanmanta yachachejkuna, kurajkunawan ima chayamorqanku.

San Lucas 22:4

Jinapi Judasqa kuraj sacerdotekunawan, chantá Templota qhawajkunaj kamachejninkukunawan parlamorqa, imaynatachus Jesusta jap'ichinanmanta.

San Juan 15:20

Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

San Juan 18:3

Chayrayku Judasqa chaypi kaj Romamanta ashkha soldado pusarisqa chayamorqa, Templota qhawaj soldadokunawan ima. Chaykunata fariseokuna, chantá kuraj sacerdotekuna ima kachamusqanku. Paykuna nina jachonniyoj, lamparakunayoj, chantá armayoj ima jamorqanku.

Hechos 4:6

Chayman jamullarqankutaj kuraj kaj sacerdote Anás, chantá Caifás, Juan, Alejandro, kuraj kaj sacerdotej tukuy ayllunkuna ima.

Hechos 5:17

Chantá kuraj kaj sacerdote, payman sayasqa saduceokuna ima Jesuspa kuraj kachankunawan maytapuni chhoqonakorqanku.

Hechos 5:24

Chayta uyarispa, Templota qhawajkunaj kamachejnin, kuraj sacerdotekuna ima mana yachayta atisharqankuchu imapichus chay tukukunanta.

Hechos 5:26

Chantá soldadokunata kamachejqa soldadonkunawan rispa, Jesuspa kuraj kachankunata allillamanta pusarimorqanku. Chayta ruwarqanku imaraykuchus manchachikorqanku runakuna phiñakuspa paykunata rumiwan ch'anqaykunankuta.

Hechos 6:12

Ajinata ruwaspataj, runakuna ukhupi ch'ajwata sayaricherqanku, kurajkuna ukhupi, Diospa kamachisqanmanta yachachejkuna ukhupi ima. Tukuyninkutaj Estebanta jap'ispa, Jatun Juntaman pusarqanku.

Hechos 6:7

Ajinamanta tukuynejpi runakuna Diospa Simi nisqanta uyarerqanku. Jinataj Jerusalén llajtapi Jesusta qhatikojkunaman ashkha yapakusharqanku. Jinallataj sacerdotekunamanta ashkha Jesucristopi atinikuspa, payman kutirikorqanku.