Hechos 3:6 - DIOSPA QHELQACHISQ

⁶ Pedrotajrí payta nerqa: Mana qolqe nitaj qoripis tiyapuwanchu. Chaywanpis imachus kapuwasqanta qosqayki: Nazaretmanta Jesucristoj sutinpi sayariy, puririytaj, nispa.

Qheshwa Biblia DC

⁶ Pedrotaj payman nerqa: Mana kapuwanchu qolqe nitaj qori. Imachus kapuwasqanta qosqayki: Nazareno Jesucristoj sutimpi jatariy, puririytaj.

DIOSPA QHELQACHISQAN DEUTEROCANONICAL

⁶ Pedrotajrí payta nerqa: Mana qolqe nitaj qoripis tiyapuwanchu. Chaywanpis imachus kapuwasqanta qosqayki: Nazaretmanta Jesucristoj sutinpi sayariy, puririytaj, nispa.

Quechua South Bolivia: Dios Parlapawanchej

⁶ Pedro nerkataj: —Mana phatayoj cani. Capuwaskantarí koskayqui. Nazaret llajtayoj Jesucristoj atiyninwan camachiyqui: Jatarispa puriy.

Hechos 3:6 ပူးပေါင်းရင်းမြစ်များ

San Mateo 10:9

Wayaqaykichejpi ama qolqeta, nitaj qorita, nillataj cobremanta phatatapis apakuychejchu.

San Mateo 7:22

Chay p'unchaypeqa ashkha niwanqanku: Tukuyta Kamachej, manachu sutiykipi sut'incharqayku, sutiykipitaj runakunamanta supaykunata qharqorqayku? Manachu sutillaykipitaj ashkha t'ukuna imakunata ruwarqayku? nispa.

Marcos 14:8

Kay warmeqa atisqanta ruwan. Payqa sumaj q'apashaj jawinawan ukhuyta jawin, ajinamantataj ñawpaykun p'ampakunay p'unchaypaj.

Marcos 16:17

Noqapi atinikojkunataj runaj mana jayk'aj rikusqan t'ukunata ruwanqanku: Sutiypi supaykunata runamanta qharqonqanku, mosoj parlaykunatataj parlanqanku.

San Juan 19:19

Pilatotaj cruzman uj qhelqasqata churacherqa. Chay qhelqasqa ajinata nisharqa: “Kayqa Nazaretmanta Jesús, judiokunaj kuraj kamachejninku”, nispa.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

Hechos 16:18

Ajinallatapuni unayta sapa p'unchay qhaparishajtin, Pabloqa amisqaña kaspa, kutiriytawan sipaspi kashaj supayta nerqa: Jesucristoj sutinpi kamachiyki paymanta llojsinaykita, nispa. Chay ratopachataj chay supayqa sipasmanta llojserqa.

Hechos 2:22

Israelitakuna, kay nisqayta uyariwaychej: Diosqa qankunaman sut'ita rejsicherqa Nazaret llajtayoj Jesuspuni paypa kachamusqan kasqanta, qankuna ukhupi paynejta t'ukuna imakunata, runaj mana jayk'aj rikusqanta ima ruwaspa. Chayta allinta yachankichej, imaraykuchus qankuna ukhupipuni chay karqa.

Hechos 2:36

Chayrayku tukuy israelitakuna, kayta allinta yachaychej: Kay Jesusta, pitachus qankuna cruzman chakatarqankichej, paytamin Dios churan Tukuyta Kamachej kananpaj, Cristo kananpajtaj, nispa.

Hechos 3:16

Jesuspa sutinpi atinikusqaykurayku Diosqa kay suchu runata qhaliyacherqa, pitachus qankuna rikunkichej, rejsinkichejtaj, chayta. Jesuspi atinikusqaykurayku ñawpaqeykichejpi kay suchu runaqa puririshan.

Hechos 3:5

Suchu runataj paykunata qhawarerqa, yuyaspa imallatapis qorinankuta.

Hechos 3:7

Chantá Pedroqa suchu runata paña makinmanta jap'ispa sayaricherqa. Chay kikinpachataj runaj chakinwan, moqonkunawan ima thuruyarqanku.

Hechos 4:10

Tukuy kurajkuna, tukuy israelitakuna ima allinta yachaychej: Kay suchu runata Nazaret llajtayoj Jesucristoj sutinpi qhaliyacherqayku. Chay Jesustaqa qankuna cruzpi chakatarqankichej. Chaywanpis Diosqa payta wañusqamanta kawsarichimorqa.

Hechos 4:7

Chaymantataj Pedrota, Juantawan pusachimuytawan, ñawpaqenkupi sayaykuchispa, tapuyta qallarerqanku: Ima atiywantaj, chayrí pejpa sutinpitaj kay tukuy imata ruwashankichejri? nispa.

Hechos 9:34

Jinapi Pedroqa payta nerqa: Eneas, Jesucristo qhaliyachisunki. Sayariy, puñuna mast'anaykita oqhariy, nispa. Eneastaj sayarerqapacha.

1 Corintios 4:11

Kunankama yarqhachikuspa kashayku, yakumantapis ch'akichikuspa. Jinallataj pisi p'achayoj kayku, maqasqa, manataj wasiykupis kanchu.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

2 Corintios 8:12

Sichus pipis tukuy sonqowan qoyta munan chayqa, Dios chay qosqanta kusiywan jap'enqa. Pay munan tiyapuwasqanchejman jinalla qonanchejta, manataj mañakuwanchejchu mana tiyapuwajtinchejqa.

2 Corintios 8:9

Ña qankuna rejsinkichejña Tukuyta Kamachej Jesucristoj k'acha yanapayninta. Pay may qhapaj karqa chaypis, qankunata munakuspa wajchaman tukorqa, chay wajcha kayninnejta qankuna qhapajyachisqa kanaykichejpaj.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

1 Pedro 4:10

Sapa ujniykichejman Dios uj imata ruwanapaj atiyta qosorqachej, qankunataj chaywan ujkuna ujkunata yanapakuychej. Sumaj mayordomokuna jina Diospa imaymana k'acha yanapayninta allinta apaykachaychej.