Hechos 3:18 - DIOSPA QHELQACHISQ

¹⁸ Chaywanpis Diosqa paymanta ñawpa sut'inchajkunanejta sut'inchasqaña paypa kachamusqan Cristo ñak'arinanta. Diostaj chay nisqanta qankunanejta junt'arqa.

Qheshwa Biblia DC

¹⁸ Unayña Dios willarqa tukuy profestaspa siminnejta, Criston ñak'arinanta. Chaytaqa Dios junt'arqa.

DIOSPA QHELQACHISQAN DEUTEROCANONICAL

¹⁸ Chaywanpis Diosqa paymanta ñawpa sut'inchajkunanejta sut'inchasqaña paypa kachamusqan Cristo ñak'arinanta. Diostaj chay nisqanta qankunanejta junt'arqa.

Quechua South Bolivia: Dios Parlapawanchej

¹⁸ Astawanrí Dioska ajinapi junt'arka unay willajcunannejta niskanta. Chay willajcuna unaymantapacha sut'incharkancu Diospa ajllaskan Cristoka ñac'arinanta.

Hechos 3:18 ပူးပေါင်းရင်းမြစ်များ

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

San Lucas 24:44

Chaymantataj nerqa: Imachus noqata kunankama qhatiriwarqa, chay tukuy ima kananta willarqaykichejña qankunawan kashaspa. Imaynatachus noqamanta willan Moisespa kamachisqanpi, jinataj Diosmanta sut'inchajkunaj qhelqasqankupi, chantá Salmokunapi qhelqasqa kashan, chay tukuy ima junt'akunan karqa, nispa.

Hechos 10:43

Tukuy ñawpa sut'inchajkunapis Jesusmanta willarqanku, Paypi tukuy atinikojkunaj juchanku sutinnejta pampachasqa kananta, nispa.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 28:23

Chaymanta Pablowan parlanankupaj judío kurajkuna uj p'unchayta ajllarqanku. Chaymantaj aswan ashkha runakuna jamorqanku, Pablo tiyakusharqa, chay wasiman. Chantá paqarinmantapacha ch'isiyanankama Pabloqa paykunaman Diospa kamachiyninmanta yachacherqa. Atisqantataj Jesusmanta yachacherqa imaynatachus Moisespa kamachisqanmanta qhelqasqapi, Diosmanta sut'inchajkunaj qhelqasqankupi ima Jesusmanta willasqanta.

2 Pedro 1:21

imaraykuchus Diosmanta sut'inchajkuna mana jayk'ajpis runaj munasqanman jinachu sut'incharqanku. Manachayqa Santo Espiritumin Diosmanta sut'inchajkunata yuyaycharqa, paykunataj Diospa sutinpi parlarqanku.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.