Hechos 28:2 - DIOSPA QHELQACHISQ

² Chaypi tiyakojkunaqa sumaj sonqowan yanapawarqayku. Jinataj paykuna ninata jap'icherqanku q'oñikunaykupaj, imaraykuchus paramusharqa, chirimusharqataj.

Qheshwa Biblia DC

² Chay jallp'api tiyakojkunataj sumaj sonqowan yanapawarqayku. Paykunaqa ninata jap'icherqanku q'oñikunaykupaj, imaraykuchus paramusharqa, chirimusharqataj.

DIOSPA QHELQACHISQAN DEUTEROCANONICAL

² Chaypi tiyakojkunaqa sumaj sonqowan yanapawarqayku. Jinataj paykuna ninata jap'icherqanku q'oñikunaykupaj, imaraykuchus paramusharqa, chirimusharqataj.

Quechua South Bolivia: Dios Parlapawanchej

² Chaypi tiyacoj runastaj mayta qhuyaspa nokaycupaj jatun ninata jap'ichipuwarkaycu. Chaymantaj tucuyniycuta wajyawarkaycu ancha chiri para ima caskanraycu.

Hechos 28:2 ပူးပေါင်းရင်းမြစ်များ

Esdras 10:9

Chayrayku Judamanta kajkuna, Benjaminmanta kajkunapis kinsa p'unchay ukhupi Jerusalenpi tantakorqanku. Chay karqa jisq'on killamanta iskay chunka p'unchayninpi. Chantá Diospa Templonpa pationpi tukuyninku tiyarakorqanku, kharkatitispa imatachus parlanankumanta, chantá manchayta parasqanmantawan.

Levítico 19:18

Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

Levítico 19:34

Paykunataqa llajta masiykichejta jina qhawaychej, qankunata jinataj munakuychej, imaraykuchus qankunapis Egiptopi waj llajtayoj jinallataj tiyakorqankichej. Noqa Tata Diosmin Diosniykichej kani.

San Mateo 10:42

Sichus pipis yachachisqaykunamanta pisipaj qhawasqa kajman uj vaso yakullatapis jaywarin yachachisqay kasqanrayku chayqa, kayta sut'itapuni niykichej: Chay runaqa t'inkata jap'enqapuni, nispa.

San Juan 18:18

Chaypacha chiri karqa, jinataj, Anaspa kamachinkuna, chantá Templota qhawaj soldadokuna ima ninata jap'ichispa, q'oñikusharqanku. Pedropis paykunawan khuska q'oñikushallarqataj.

Hechos 27:3

Q'ayantenqa Sidón llajtaman chayarqayku. Ajinaqa capitán Julio k'acha runa kasqanrayku, Pablota saqerqa kawsaqenkunata waturikamojta, paykuna imallapipis Pablota yanaparinankupaj.

Hechos 28:3

Pablorí llant'ata pallasharqa, ninaman enqhananpaj. Jinallapi uj katari ninamanta ayqemuspa, Pabloj makinta khaniykorqa.

Hechos 28:4

Chaypi tiyakojkunataj Pabloj makinpi katarita warkhurashayajta rikuspa, paykunapura ninakorqanku: Kay runaqa runa wañuchipunichá kanman. Qochapi wañunanmanta llusp'ejtinpis, justiciata ruwaj diosmin mana kawsajta saqenchu, nispa.

Romanos 1:14

Noqaqa Jesusmanta sumaj willayta tukuyman willanaypuni tiyan, yachayniyoj kachunku amapis, may uyarisqa runapis kachunku amapis.

Romanos 14:1

Jesucristopi atinikunapi pikunachus manaraj sinch'i sayajkunata qankuna allinta jap'iychej, nitaj imatachus yuyasqankumanta siminakuspa churanakuychejchu.

Romanos 14:3

Tukuy imata mikhojqa ama pisipaj qhawachunchu wakin imakunata mana mikhojtaqa. Mana mikhojpis nillataj juchachachunchu tukuy imata mikhojtaqa, imaraykuchus Diosqa chay runata mana qhesachanchu.

Romanos 2:27

Chay jinaqa, pichus ukhunpi mana circuncidasqa kashaspa kamachisqata kasojqa qanta juchachasonqa, imaraykuchus qan kamachisqakunata yachashaspa, chantá circuncidasqa ima kashaspapis, Moisespa kamachisqanta p'akinki.

1 Corintios 14:11

Chaywanpis, sichus noqa mana rejsisqa parlaypi imatachus parlawasqanta mana yachanichu chayqa, chay runapaj waj llajtayoj jina kani, paypis noqapaj jinallataj.

2 Corintios 11:27

Diospaj ruwananpi sinch'ita llank'arqani, mayta sayk'uspa. Ashkha kutita mana puñusqa karqani. Jinallataj yarqhaywan, yaku ch'akiywantaj ch'ayñarqani. Wakin kutipitaj mikhunaypaj mana imapis karqachu. Chantá pisi p'achayoj kaspa, chirichikorqani.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

Hebreos 13:2

Waj llajtayojkunata wasiykichejman wajyarikuyta ama qonqaychejchu, imaraykuchus chayta ruwaspa, wakinkunaqa mana yachaspalla angelkunata wajyarikorqanku.