Hechos 22:3 - DIOSPA QHELQACHISQ

³ Noqaqa judío kani, Ciliciapi kaj Tarso llajtamanta. Kay Jerusalén llajtapi wiñakorqani, yachachejniytaj Gamaliel karqa. Payqa ñawpa tatakunaj tukuy kamachisqankuta allintapuni yachachiwarqa, noqataj tukuy sonqowan Diospa kamachisqanta junt'arqani, imaynatachus qankunapis kunan ruwashankichej, ajinata.

DIOSPA QHELQACHISQAN DEUTEROCANONICAL

³ Noqaqa judío kani, Ciliciapi kaj Tarso llajtamanta. Kay Jerusalén llajtapi wiñakorqani, yachachejniytaj Gamaliel karqa. Payqa ñawpa tatakunaj tukuy kamachisqankuta allintapuni yachachiwarqa, noqataj tukuy sonqowan Diospa kamachisqanta junt'arqani, imaynatachus qankunapis kunan ruwashankichej, ajinata.

Quechua South Bolivia: Dios Parlapawanchej

³ —Nokapis Diospa ajllaskan israelcunamanta cani. Cilicia jallp'a Tarso llajtapi naceska, cay Jerusalén llajtapi uywaskataj. Chaywanpis sumaj yachaj wirakochi Gamaliel escuelanpi yachachiwarka Moisés unay tatasninchejta camachiskasninmanjina. Cunan tucuy kancuna Diosta casuyta munashanquichej, ajinallatataj nokapis tucuy sonkoywan casuyta munanipuni.

Hechos 22:3 ပူးပေါင်းရင်းမြစ်များ

2 Samuel 21:2

Chantá Davidqa gabaonitakunata wajyaspa, paykunawan parlarqa. Gabaonitakunaqa mana Israel ayllumantachu karqanku, manachayqa amorreokunamanta puchojkuna karqanku. Chaykunawantaj israelitakunaqa tratota ruwasqanku. Saulqa gabaonitakunata Israelmanta, Judamanta ima mayta sientespa, tukuchiyta munarqa.

2 Reyes 4:38

Chaymanta Eliseoqa Gilgalman kutimorqa. Chaypacha chay cheqanejpi manchay yarqhay kasharqa. Uj kuti Eliseoqa Diosmanta sut'inchajkunawan khuska tiyashaspa, kamachinta nerqa: Mikhunata wayk'unaykipaj jatun mankata churamuy, nispa.

San Lucas 10:39

Martajtataj uj ñañan karqa María sutiyoj, paytaj Jesuspa ñawpaqenman tiyarikuspa, yachachisqanta uyarisharqa.

San Lucas 2:46

Kinsa p'unchaymanta Jesuspa tatankuna Temploj pationpi payta tarerqanku Diospa kamachisqanmanta yachachejkunawan tiyashajta, parlasqankuta uyarispa, tapurispa ima.

San Lucas 8:35

Jinapi runakuna rerqanku imachus kasqanta rikoj, Jesusman qayllaykuspataj, ñawpaqenpi chay runata tiyashajta rikorqanku, pimantachus supaykuna llojsisqanku, chayta. Jinataj chay runata p'achallisqata, yuyayninpitaj kashajta rikuspa, manchachikorqanku.

Hechos 11:25

Chay qhepata Bernabeqa Tarso llajtaman rerqa Saulota mask'aj.

Hechos 15:23

Cartata kay jinata ruwaspataj, paykunawan apacherqanku: Noqayku Jesuspa kuraj kachankuna, iglesiapi kurajkunawan ima wawqeykichej jina napaykamuyku qankuna mana judío kaj wawqe panakunata, pikunachus Antioquiapi, Siriapi, Ciliciapi ima tiyakojkunata.

Hechos 15:41

Paykunataj Sirianejta, Cilicianejtawan rispa, chaypi kaj iglesiakunata kallpacharqanku.

Hechos 21:20

Chayta uyariytawan, chay kurajkunaqa Diosta yupaychaspa, Pablota nerqanku: Wawqeyku, qan kikiyki yachanki, may chhika waranqa judiokuna Jesuspi atinikusqankuta, paykunataj mayta munanku Moisespa kamachisqanta kasunata.

Hechos 21:39

Pablotaj kutichispa, nerqa: Noqa judío kani, Tarso llajtayoj. Tarsoqa Cilicia jap'iypi jatun llajtamin. Kunanqa ama jina kaspa, saqeriway uj chhikanta kay runakunaman parlarejta, nispa.

Hechos 23:34

Kamachej Felixtaj chay cartata ñawirispa, Pablota taporqa maymantachus kasqanta. Pablotaj Ciliciamanta kasqanta nerqa.

Hechos 23:6

Jinapi Pablo repararqa chay Jatun Juntapi wakin saduceo t'aqamanta kasqankuta, wakintaj fariseo t'aqamanta. Chayrayku pay jatunmanta parlaspa, nerqa: Wawqekuna, noqa fariseo kani, fariseoj churintaj. Kunantaj noqata juchachashawanku wañuymanta kawsarimuypi suyakusqayrayku, nispa.

Hechos 26:5

Paykuna yachallankutaj ñawpajmantapacha fariseo t'aqamanta kasqayta, pikunachus astawanpuni kallpakunku Moisespa kamachisqanta junt'anankupaj, chaykunamanta. Mana jina kajtenqa, paykuna nichunku.

Hechos 26:9

Sut'ita nisqaykichej: Ñawpajta noqapis yuyaj kani Nazaret llajtayoj Jesuspa contranta imatapis ruwanay kasqanta.

Hechos 5:34

Jinallapi Diospa kamachisqanmanta yachachej Gamaliel sutiyoj uj fariseo sayarerqa. Payqa tukuy runapaj respetasqa karqa. Jinataj Jesuspa kuraj kachankunata jawaman orqhonankuta nerqa.

Hechos 6:9

Chaymantataj Wata Runa Kaymanta Kacharipusqa nisqa tantakuna wasimanta wakin oqharikorqanku. Paykuna ukhupi judiokuna kallarqankutaj Cirene llajtamanta, Alejandría llajtamantawan, chantá Cilicia jap'iymanta, Asia jap'iymantawan ima. Paykunataj Estebanwan churanakuyta qallarerqanku.

Hechos 9:1

Chaykama Sauloqa Tukuyta Kamachej Jesusta qhatikojkunata wañurachillaytapuni munaspa, kuraj kaj sacerdotewan parlaj rerqa.

Hechos 9:11

Tukuyta Kamachejtaj Ananiasta nerqa: Jatarispa, Paña nisqa callepi, Judaspa wasinman riy. Chaypitaj Tarso llajtayoj Saulomanta tapukuy, imaraykuchus payqa Diosmanta mañakushan.

Hechos 9:30

Chayta yachaspa, wawqe panakunaqa Saulota pusarqanku Cesarea llajtaman. Chaymantataj Tarsoman payta kachaporqanku.

Romanos 11:1

Ajina kasqanrayku tapukuni: Diosqa Israel ayllunta qhesachanchu? Manapuni. Noqaqa israelita kani, Abrahampa mirayninmanta, Benjamín jatun ayllumantataj.

2 Corintios 11:22

Sichus paykuna hebreo miraymanta kanku chayqa, noqapis hebreollataj kani. Israelitakunachu kanku? Noqapis israelitallataj kani. Abrahampa mirayninmantachu kanku? Noqapis chayllamantataj kani.

Gálatas 1:14

Chaypacha noqa mita masiykunata atiparqani ñawpa tataykukunaj yachachisqanku usuta tukuy sonqo junt'ayta munaspa.

Gálatas 1:21

Chaymanta noqa Siria jap'iyman, chantá Cilicia jap'iyman ima rerqani.

Deuteronomio 33:3

Tata Diosqa ayllunta munakun. Tukuy paypaj t'aqasqa kajkuna makinpi kashanku. Paykunaqa ñawpaqenman k'umuykunku, Paypa nisqantataj kasunku.