Hechos 21:8 - DIOSPA QHELQACHISQ

⁸ Q'ayantintaj, tukuyniyku Cesareamanñataj rerqayku. Cesareaman chayaspataj, Jesusmanta sumaj willayta willaj Felipej wasinman chayarqayku. Ñawpajta Jerusalén iglesiapi qanchis yanapajkunata ajllasqanku, chaykunamanta Felipe ujnin kaj karqa.

Qheshwa Biblia DC

⁸ Q'ayantintaj, tukuy Pablowan kajkuna ima, Cesareaman riporqayku. Cesareaman chayaspataj, evangelista Felipej wasinman chayakorqayku. Payqa iglesiapi qanchis diáconos ajllasqamanta ujnin karqa.

DIOSPA QHELQACHISQAN DEUTEROCANONICAL

⁸ Q'ayantintaj, tukuyniyku Cesareamanñataj rerqayku. Cesareaman chayaspataj, Jesusmanta sumaj willayta willaj Felipej wasinman chayarqayku. Ñawpajta Jerusalén iglesiapi qanchis yanapajkunata ajllasqanku, chaykunamanta Felipe ujnin kaj karqa.

Quechua South Bolivia: Dios Parlapawanchej

⁸ K'ayantintaj chaymanta llojsispa Cesarea llajtaman rerkaycu. Chaypitaj Felipej wasinman chayaspa paywan caricorkaycu. Payka sumaj willanasta willaj carka. Unayña Jerusalenpi kanchis ajllaskacunamanta ujnin carka, Diospa tantacoj wawasninta yanapananpaj churaska.

Hechos 21:8 ပူးပေါင်းရင်းမြစ်များ

Hechos 10:1

Cesarea llajtapi uj runa karqa Cornelio sutiyoj. Payqa Italiano nisqa romano soldadokunata kamachej capitán karqa.

Hechos 16:10

Pablo chayta mosqoypi jina rikusqanrayku, noqayku wakichikorqaykupacha Macedoniaman rinaykupaj. Pabloj chay rikusqannejta yacharqayku Dios wajyawasqaykuta paykunaman Jesusmanta sumaj willayta willanaykupaj.

Hechos 16:13

Samarina p'unchay llajtamanta llojsispa, noqayku mayu kantuman rerqayku, Diosmanta mañakuna kaj cheqaman. Chaypi tiyaykuspataj, Jesusmanta sumaj willayta yachacherqayku chaypi tantasqa warmikunaman.

Hechos 16:16

Uj p'unchay noqayku Diosmanta mañakoj rishajtiyku, uj kamachi sipas taripamuwarqayku. Pay supayniyoj kasqanrayku watuyta yachaj, chaynejtataj chay sipaspa patronninkuna ashkha qolqeta jap'ej kanku.

Hechos 18:22

Cesareaman chayaspataj, Pabloqa Jerusalenmanñataj rerqa iglesiata watukoj. Chaymantataj Antioquiaman kutirerqa.

Hechos 20:13

Chantá noqayku Asón llajtaman barcopi ñawpaykorqayku chaypi Pablota suyanaykupaj, imaraykuchus pay chakillapi riyta munarqa.

Hechos 20:6

Noqaykutaj Filiposmanta barcopi purirerqayku Mana Levadurayoj T'anta mikhuna p'unchay qhepata. Phishqa p'unchayninmantaj noqayku paykunawan Troaspi tinkukorqayku, chaypitaj qanchis p'unchaytawan qhepakorqayku.

Hechos 21:16

Cesareamantapis wakin wawqekuna noqaykuwan rillarqankutaj, Chipre llajtayoj Mnasonpa wasinman pusanawaykupaj. Payqa unayña Jesusta qhatikoj karqa, noqaykutaj wasinpi qheparikunayku karqa.

Hechos 23:23

Chantá romano soldadokunata kamachejqa iskay capitankunata kamacherqa wakichinankuta iskay pachaj soldadokunata Cesareaman rinankupaj. Kamachillarqataj wakichinankuta caballopi rej qanchis chunka soldadokunata, iskay pachaj lanzayoj soldadokunatawan, chay ch'isipacha jisq'on phanita puririnankupaj.

Hechos 27:1

Maypachachus Italiaman barcopi rinayku yachakorqa chaypacha, Pablota, waj presokunatawan ima capitán Julio sutiyojpa makinman jaywarqanku. Kay capitán Julioqa kamachej karqa Kuraj Kamachejpa Soldadonkuna nisqa tropamanta.

Hechos 28:11

Kinsa killata chay churupi kasqaykumanta, Alejandriamanta jamoj barcopi riporqayku. Chay barcoqa Malta churullapitaj sayasqa chiri pasanankama, sutintaj Castorwan Poluxwan karqa.

Hechos 28:16

Romaman chayasqaykutawantaj, kamachejkunaqa mana carcelmanchu Pablota wisq'acherqanku. Manachayqa waj wasipi sapanta kananta saqerqanku, uj soldadotawan payta qhawananpaj.

Hechos 6:5

Chay nisqankoqa Jesuspa tukuy qhatikojkunaman allin rijch'arqa. Jinapi ajllarqanku Estebanta. Payqa Diospi sinch'ita atinikoj karqa, jinataj Santo Espíritoj kamachiyninpi purej. Chaymanta ajllallarqankutaj Felipeta, Procorota, Nicanorta, Timonta, Parmenasta, Nicolasta ima. Nicolasqa Antioquía llajtayoj karqa chaypis, judioman tukupusqa.

Hechos 9:30

Chayta yachaspa, wawqe panakunaqa Saulota pusarqanku Cesarea llajtaman. Chaymantataj Tarsoman payta kachaporqanku.

Efesios 4:11

Paymin wakinkunata churarqa kuraj kachankuna kanankupaj, wakintataj Diosmanta sut'inchajkuna kanankupaj. Wakinta churallarqataj sumaj willayta willajkuna kanankupaj, wakintataj iglesiata michejkuna, yachachejkuna ima kanankupaj.

2 Timoteo 4:5

Qantajrí tukuy imapipis allin yuyayniyojpuni kay, imata ñak'ariypipis pacienciakuspa. Chantá Jesusmanta sumaj willayta willallaypuni, jinataj imachus ruwanaykitapis allinta ruway.