Hechos 2:4 - DIOSPA QHELQACHISQ

⁴ Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

Qheshwa Biblia DC

⁴ Tukuyninkutaj Santo Espirituwan junt'asqas karqanku. Waj parlaykunapitaj parlayta qallarerqanku, Santo Espíritu atiyta qosqanman jina.

DIOSPA QHELQACHISQAN DEUTEROCANONICAL

⁴ Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

Quechua South Bolivia: Dios Parlapawanchej

⁴ Tucuy paycunaman Santo Espíritu yaycuspa sumajta callpacharka yuyaynincupi. Chaymantataj Santo Espíritu parlachiskanmanjina waj ashqha parlaycunata parlayta kallarerkancu.

Hechos 2:4 ပူးပေါင်းရင်းမြစ်များ

2 Samuel 23:2

Tata Diospa Espíritun noqanejta parlan. Nisqanqa simiy puntapi kashan.

Isaías 28:11

Chayrayku kay suyupi tiyakojkuna mana kasukojtinku, Tata Diosqa khaku parlajkunaj parlayninkupi, mana rejsisqa parlaypitaj paykunaman yachachenqa.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Ezequiel 3:11

Rispa, llajta masiykikunata watukamuy, pikunachus Babilonia suyuman apasqa karqanku, chaykunata. Uyarisuchunkupis amapis paykunaman ajinata niy: Kay jinata Tukuyta Kamachej Tata Dios nin, nispa.

Miqueas 3:8

Noqatatajrí, Tata Diospa Espíritun atiywan junt'achiwan, justiciawan, kallpawantaj, Israelta uyanpi nipunaypaj mana kasukoj, juchayojtaj kasqanta.

San Mateo 10:19

Kamachejkunaman apachisojtiykichej, ama phutikunkichejchu imaynatachus parlanaykichejmanta, chayrí imatachus ninaykichejmanta. Chaypacha Dios imatachus parlanaykichejta yuyaychasonqachej.

Marcos 16:17

Noqapi atinikojkunataj runaj mana jayk'aj rikusqan t'ukunata ruwanqanku: Sutiypi supaykunata runamanta qharqonqanku, mosoj parlaykunatataj parlanqanku.

San Lucas 1:15

imaraykuchus pay jatunpaj qhawasqa kanqa Tukuyta Kamachej Diospa ñawpaqenpi. Mana vinota, nitaj ima machachej ujyanata ujyanqachu. Chantá mamanpa wijsanmantapacha Santo Espíritoj kamachiyninpi kanqa.

San Lucas 1:41

Jinapi Mariajpa napaykusqanta Elisabet uyarejtin, wawaqa Elisabetpa wijsan ukhupi kuyurerqa. Elisabettaj Santo Espíritoj kamachiyninpi rikhurerqa.

San Lucas 1:67

Chaypacha Juanpa tatan Zacariasqa Santo Espíritoj kamachiyninpi rikhurispa, kay jinata sut'incharqa:

San Lucas 12:12

Chaypacha Santo Espiritumin imatachus parlanaykichejta yachachisonqachej, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

San Lucas 4:1

Jesusqa Santo Espíritoj kamachiyninpi kashaspa, Jordán mayumanta kutimorqa, Espiritutaj payta ch'innejman pusarqa.

San Juan 14:26

Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

San Juan 20:22

Chayta niytawan, paykunaman phukuspa, nillarqataj: Santo Espirituta jap'iychej.

Hechos 1:5

Yachankichej jina Bautizaj Juan yakuwan bautizarqa. Kaymanta pisi p'unchaykunamanrí, qankuna Santo Espirituwan bautizasqa kankichej, nispa.

Hechos 1:8

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Hechos 10:46

Paykunataj mana judío kajkuna waj parlaykunata parlashajta uyarerqanku, Diosta yupaychashajta ima.

Hechos 10:47

Chantá Pedro nerqa: Kay runakunamanqa noqanchejman jinallataj Santo Espíritu jamun. Jina kajtenqa, mana pipis paykunata jark'ayta atinmanchu bautizachikunankupaj, nispa.

Hechos 11:15

Noqa Cesareapiña kashaspa, paykunaman parlayta qallarejtiykama, Santo Espíritu paykunaman urayk'amorqa, imaynatachus qallariypi noqanchejman urayk'amorqa, ajinallatataj.

Hechos 11:24

Bernabeqa k'acha runa karqa, Santo Espíritoj kamachiyninpi purej, jinallataj Jesuspi sinch'ita atinikorqa. Chayrayku Jesusmanta willasqannejta ashkha runakuna Jesuspi atinikorqanku.

Hechos 13:52

Jesusta qhatikojkunarí mayta kusikorqanku jinataj Santo Espíritoj kamachiyninpi karqanku.

Hechos 13:9

Chaymantataj Saulo, pejpatachus ujnin sutin Pablo karqa, payqa Santo Espíritoj kamachiyninpi kashaspa, chay layqata allinta qhawarerqa, chantá nerqataj:

Hechos 15:8

Diosqa tukuy runaj sonqonkuta rejsin, paytaj yachayta qorqa mana judío kajkunatapis allinpaj qhawasqanta, imaraykuchus Santo Espirituta paykunamanpis qorqa, imaynatachus ñawpajta noqanchejman qowarqanchej, ajinata.

Hechos 19:6

Pablo umanku pataman makinta churaykojtintaj, Santo Espíritu paykunaman urayk'amorqa. Chantá waj parlaykunapi parlarqanku, Diosmantataj sut'incharqanku.

Hechos 2:11

Kallankutaj Cretamanta, Arabiamantapis. Chaywanpis kunan tukuyninchej kikin parlayninchejpi Diospa may jatuchaj t'ukuna ruwasqanmanta willashajta uyarishanchej, nispa.

Hechos 2:3

Chaymantataj paykunaman nina lawray qallu jina rikhurispa, sapa ujpa patanman tiyaykorqa.

Hechos 4:31

Chaypacha Jesucristota qhatikojkuna Dioswan parlarikuyta tukusqankutawan, maypichus kasharqanku, chaynej kharkatiterqa. Chaymantataj tukuyninku Santo Espíritoj kamachiyninpi kaspa, Diospa simi nisqanta mana manchachikuspa willallarqankupuni.

Hechos 4:8

Chantá Pedroqa Santo Espíritoj kamachiyninpi kaspa, ajinata kuticherqa: Israelitakunata kamachejkuna, kurajkuna ima.

Hechos 6:3

Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima.

Hechos 6:5

Chay nisqankoqa Jesuspa tukuy qhatikojkunaman allin rijch'arqa. Jinapi ajllarqanku Estebanta. Payqa Diospi sinch'ita atinikoj karqa, jinataj Santo Espíritoj kamachiyninpi purej. Chaymanta ajllallarqankutaj Felipeta, Procorota, Nicanorta, Timonta, Parmenasta, Nicolasta ima. Nicolasqa Antioquía llajtayoj karqa chaypis, judioman tukupusqa.

Hechos 6:8

Diosqa Estebanta mayta yanaparqa, atiyninwantaj kallpacharqa ima. Paytaj runaj mana jayk'aj rikusqan t'ukuna imakunata ruwaspa, yachayta qorqa Diosmanta kasqanta.

Hechos 7:55

Estebanrí Santo Espíritoj kamachiyninpi kashaspa, patata qhawarerqa, chantá Diospa jatun kayninpa lliphipiyninta rikorqa. Jesustapis Diospa pañanpi sayashajta rikullarqataj.

Hechos 8:17

Chantá Pedrowan, Juanwan Jesucristopi atinikojkunaj umankuman makinkuta churaykojtinku, Santo Espíritu paykunaman jamorqa.

Hechos 9:17

Ajinaqa Ananías chay wasiman rispa, chayman yaykorqa, Saulota rikuspataj, makinwan llankhaykorqa, nerqataj: Saulo wawqéy, Tukuyta Kamachej Jesús, pichus kayman jamushajtiyki ñanpi rikhurisorqa, paymin kachamuwan watejmanta rikuyta atinaykipaj, jinataj Santo Espíritoj kamachiyninpi kanaykipaj, nispa.

Romanos 15:13

Qankuna Diospi atinikusqaykichejrayku suyakuyniyoj kankichej. Chayrayku Diosmanta mañakuni tukuy kusiywan, sonqo tiyaykuywan ima sonqoykichejta junt'achinanta. Ajinamanta Santo Espiritunejta Diospi atinikuspa suyakusqaykichejqa astawan astawan kanqa.

1 Corintios 12:10

Ujmanqa atiyta qon t'ukuna imakunata ruwananpaj, ujmantaj atiyta qon Diosmanta sut'inchananpaj. Ujmanqa atiyta qon reparananpaj iglesiapi wajkunaj yachachisqanku Diospa Espiritunmantachus kasqanta, chayrí manachus, chayta. Ujmantaj mana rejsisqa parlaykunata parlananpaj atiyta qon. Ujmantaj atiyta qon, chay waj parlaypi parlasqankuta sut'inchananpaj.

1 Corintios 13:1

Sichus noqa kay pachapi kaj chhika parlaykunata parlayta atiyman, angelkunaj parlayninkutapis parlallaymantaj, wajkunatataj mana munakuymanchu chayqa, lataj talán nisqan jinalla kayman, chayrí chhulloj chhulloj waqasqan jinalla.

1 Corintios 13:8

Munakuyniyoj runaqa tukuy tiempo munakullanpuni. Uj p'unchay Diospa simi nisqanta sut'inchana tukukaponqa. Waj parlaypi parlanapaj atiypis manaña kanqachu. Diospa pakasqa yachayninta yachanapis manaña necesariochu kanqa.

1 Corintios 14:18

Noqaqa Diosta pachis nini, imaraykuchus mana rejsisqa parlaykunata qankunamanta nisqa aswan ashkhata parlani.

1 Corintios 14:5

Noqa munayman tukuyniykichej mana rejsisqa parlaykunapi parlanaykichejta. Chaywanpis astawan munayman Diosmanta sut'inchanaykichejta, imaraykuchus Diosmanta sut'inchanaqa mana rejsisqa parlaypi parlanamanta aswan. Maypachachus mana rejsisqa parlaypi parlasqanta pipis sut'inchajtillan, iglesiamanta kajkuna wiñayta atinankupaj yanapanman.

Efesios 3:19

Chantapis mañapullaykichejtaj Cristoj munakuyninta sumajta rejsinaykichejpaj, mayqenchus tukuy runaj yuyayninta atipan, chayta. Ajinamanta Diosmanta jamoj kawsaywan, chantá atiyninwan ima junt'asqa kayta atinkichej.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

Efesios 6:18

Mana sayk'uyta Dioswan parlarikuspallapuni kaychej, Diosmanta mañakusqaykichejtaj Santo Espíritoj yuyaychasqanman jina kachun. Chantá qhawaspallapuni kashaychej, jinataj Dioswan parlarikuspa, tukuynejpi Diosta qhatejkunarayku mañapuychej.

1 Pedro 1:12

Diosrí sut'incharqa chay tukoyqa mana paykunapajchu kasqanta, manachayqa qankunapaj. Kunantaj Jesucristomanta sumaj willayta willajkuna chaymanta parlasorqachej, janaj pachamanta kachamusqa Santo Espíritoj atiyninwan. Chay jina t'ukuna imakunata angelkunapis maytapuni rikuyta munallankutaj.

2 Pedro 1:21

imaraykuchus Diosmanta sut'inchajkuna mana jayk'ajpis runaj munasqanman jinachu sut'incharqanku. Manachayqa Santo Espiritumin Diosmanta sut'inchajkunata yuyaycharqa, paykunataj Diospa sutinpi parlarqanku.

1 Samuel 1:14

Chantá, Elí sacerdote nerqa: Mayk'ajkamataj machasqa kankiri? Amaña astawan ujyaychu, nispa.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.