Hechos 16:3 - DIOSPA QHELQACHISQ

³ Jinapi Pabloqa Timoteota paywan pusayta munarqa. Chaywanpis judiokunata mana phiñachiyta munaspa, Pabloqa Timoteota circuncidacherqa, imaraykuchus chay llajtapi judiokuna yacharqanku Timoteoj tatan griego runa kasqanta.

Qheshwa Biblia DC

³ Pablotaj Timoteota pusayta munarqa, judiosta mana phiñachayta munaspataj circuncidarqa, imaraykuchus chay llajtapi judiosqa yacharqanku Timoteoj tatan griego kasqanta.

DIOSPA QHELQACHISQAN DEUTEROCANONICAL

³ Jinapi Pabloqa Timoteota paywan pusayta munarqa. Chaywanpis judiokunata mana phiñachiyta munaspa, Pabloqa Timoteota circuncidacherqa, imaraykuchus chay llajtapi judiokuna yacharqanku Timoteoj tatan griego runa kasqanta.

Quechua South Bolivia: Dios Parlapawanchej

³ Pablori munarka Timoteo paywan purinanta. Chaycunanejpi tiyacoj israel runasraycutaj Pablo Timoteoj cuerponpi uj señalta churacherka. [Chaytataj israelcuna ruwaj cancu sapa uj kharita Diospa unay ajllaskasnin caskancuta ricuchinancupaj.] Tucuy chaycuna yacharkancu Timoteoj tatan griego runa caskanta. Chayraycu Pablo yuyarka chay señalta churanan caskanta.

Hechos 16:3 ပူးပေါင်းရင်းမြစ်များ

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 15:37

Chaypacha Bernabeqa Juan Marcos nisqata pusayta munarqa.

Hechos 15:40

Pablotajrí Silasta ajllarqa paywan khuska rinanpaj. Chantá Antioquía iglesiaqa Tukuyta Kamachej Jesuspa sutinpi paykunata kacharpayarqanku.

1 Corintios 7:19

Ajinaqa uj qhari circuncidasqa kanan, chayrí mana circuncidasqa kanan mana aswanchu. Aswanqa Diospa kamachisqanta junt'ana.

1 Corintios 9:20

Judiokunawan kashaspa, judío jina kawsarqani, judiokunata Cristoman pusanaypaj. Moisespa kamachisqanta kasojkunawan kashaspataj, noqaqa chay kamachisqakunata kasuspa kawsarqani. Noqaqa manaña Moisespa kamachisqanpa atiyninpichu kashani. Chaywanpis kamachisqakunata kasuspa purerqani, Moisespa kamachisqanta kasojkunata Cristoman pusanaypaj.

Gálatas 2:3

Chaypacha Tito noqawan khuska kasharqa. Pay Grecia llajtayoj karqa chaypis, chay kurajkuna pay circuncidachikunanta mana mat'iykorqankuchu.

Gálatas 2:8

Diospuni imaynatachus Pedrota churarqa judiokunaman kuraj kachan kananpaj, ajinallatataj noqatapis churawarqa mana judío kajkunaman kuraj kachan kanaypaj.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

Filipenses 2:22

Qankunaqa Timoteo allinta purej kasqanta yachankichej. Jinallataj yachankichej Jesusmanta sumaj willayta willanapi yanapaysikusqanta, imaynatachus uj wawa tatanta yanapan, ajinata.