Hechos 15:7 - DIOSPA QHELQACHISQ

⁷ Anchataña churanakojtinkutaj, Pedro sayarispa, nerqa: Wawqekuna, yachankichej imaynatachus unay qankuna ukhumanta Dios ajllawasqanta mana judío kajkunaman Jesusmanta sumaj willayta willanaypaj, paykunapis Jesuspi atinikunankupaj.

Qheshwa Biblia DC

⁷ Anchataña churanakojtinkutaj, Pedro sayaykuspa nerqa: Hermanos, yachankichej jina, imaynatachus unay qankuna ukhumanta Dios ajllawasqanta gentilesman evangeliota apanaypaj, paykunapis uyarispa Jesuspi creenankupaj.

DIOSPA QHELQACHISQAN DEUTEROCANONICAL

⁷ Anchataña churanakojtinkutaj, Pedro sayarispa, nerqa: Wawqekuna, yachankichej imaynatachus unay qankuna ukhumanta Dios ajllawasqanta mana judío kajkunaman Jesusmanta sumaj willayta willanaypaj, paykunapis Jesuspi atinikunankupaj.

Quechua South Bolivia: Dios Parlapawanchej

⁷ Ashqhataña parlaycuskancumantataj Pedroka sayarispa nerka: —Hermanosníy, yachanquichej Dioska ñaupajpi cachacunamanta ajllawaskanta waj llajtayojcunata willaramunaypaj. Ajinapi sumaj willanasta willarajta cachawarka paycuna uyarispa paypi jap'icunancupaj.

Hechos 15:7 ပူးပေါင်းရင်းမြစ်များ

Éxodo 4:12

Chayrayku Egiptoman riy. Parlashajtiyki, noqamin qanwan kasaj, jinataj noqa yachachisqayki imatachus parlanaykita, nispa.

Jeremías 1:9

Chaypacha Tata Dios makinwan simiyta llankhaykuwaspa, niwarqa:

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

San Juan 3:27

Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

Hechos 1:16

Wawqe panakuna, Diospa Qhelqachisqan junt'akunanpuni karqa, imatachus Santo Espiritoqa Davidpa siminnejta Judasmanta nerqa, chay. Yachankichej jina pay runakunata pusarqa Jesusta presochanankupaj.

Hechos 1:24

Chay wawqe panakunataj kay jinata Diosmanta mañakorqanku: Tukuyta Kamachej Jesús, qanqa tukuypa sonqonta rejsinki, chayrayku rikuchiwayku ari mayqentachus kay iskay runamanta ajllakusqaykita.

Hechos 10:19

Pedro chay rikusqanpi yuyashajtillanpuni, Santo Espíritu payta nerqa: Kinsa runakuna mask'ashasunku.

Hechos 10:20

Chayrayku sayarispa, urayk'ullay. Chantá mana iskayrayaspa, paykunawan rillay, imaraykuchus noqamin paykunata kachamuni, nispa.

Hechos 13:2

Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

Hechos 15:14

Ñapis Simón Pedro willawanchejña imaynatachus kay ñawpaj kutipi Diosqa mana judío kajkunata watukusqanta, paykuna ukhumantataj wakinkunata ajllakusqanta paypata kanankupaj.

Hechos 15:2

Pablowan, Bernabewanrí chay wawqekunawan sinch'ita churanakorqanku. Chayrayku Antioquía iglesiaqa Pablota, Bernabeta, wakin wawqekunatawan ima Jerusalenman kacharqanku, chaypi Jesuspa kuraj kachankunawan, iglesiapi kurajkunawan ima chaymanta sut'inchanankupaj.

Hechos 15:39

Jinapi paykunapura chaymanta churanakusqankurayku, t'aqanakorqanku. Bernabeqa Marcoswan khuska Jatun Qochanejta botepi Chipreman rerqa.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 21:16

Cesareamantapis wakin wawqekuna noqaykuwan rillarqankutaj, Chipre llajtayoj Mnasonpa wasinman pusanawaykupaj. Payqa unayña Jesusta qhatikoj karqa, noqaykutaj wasinpi qheparikunayku karqa.

Hechos 3:18

Chaywanpis Diosqa paymanta ñawpa sut'inchajkunanejta sut'inchasqaña paypa kachamusqan Cristo ñak'arinanta. Diostaj chay nisqanta qankunanejta junt'arqa.

Hechos 4:25

Qanllataj Santo Espiritunejta ñawpa tatayku kamachiyki Davidpa siminnejta parlaspa, nerqanki: Imaraykutaj suyukuna oqharikunkuri? Imaraykutaj runakunapis qhasi manakajta ruwayta yuyaychakunkuri?

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

Filipenses 2:14

Chantá tukuy imata ruwaychej ama thutuspa, nitaj churanakuspa,