Hechos 15:6 - DIOSPA QHELQACHISQ

⁶ Chantá Jesuspa kuraj kachankunaqa iglesiapi kurajkunawan tantakorqanku, chaymanta sut'inchanankupaj.

Qheshwa Biblia DC

⁶ Apostolestaj ancianoswan tantakuspa parlarqanku kay imasmanta yachanankupaj.

DIOSPA QHELQACHISQAN DEUTEROCANONICAL

⁶ Chantá Jesuspa kuraj kachankunaqa iglesiapi kurajkunawan tantakorqanku, chaymanta sut'inchanankupaj.

Quechua South Bolivia: Dios Parlapawanchej

⁶ Ajinapi tantacorkancu Jesuspa cachasninwan hermanosmanta curajcunawan chay jawa sumajta khawanancupaj.

Hechos 15:6 ပူးပေါင်းရင်းမြစ်များ

Proverbios 15:22

Sichus pipis mana tapurikuspalla imatapis ruwananpaj wakichikun chayqa, imatachus yuyasqan mana allinchu llojsenqa. Sichus imatapis ruwananpaj allintaraj tapuykacharikun chayrí, imatachus ruwayta yuyasqan allin llojsenqa.

San Mateo 18:20

Maypichá iskay, chayrí kinsa, noqaj sutiypi tantakunkichej chaypi noqa qankunawan kasaj, nispa. Ajinata Jesús nerqa.

Hechos 11:30

Ajinata ruwaspataj, chay qolqeta apacherqanku Bernabewan, Saulowan ima Jerusalenpi iglesiaj kurajninkunaman.

Hechos 15:2

Pablowan, Bernabewanrí chay wawqekunawan sinch'ita churanakorqanku. Chayrayku Antioquía iglesiaqa Pablota, Bernabeta, wakin wawqekunatawan ima Jerusalenman kacharqanku, chaypi Jesuspa kuraj kachankunawan, iglesiapi kurajkunawan ima chaymanta sut'inchanankupaj.

Hechos 15:22

Chantá Jesuspa kuraj kachankuna, iglesiapi kurajkunawan, tukuy iglesiantin ima paykuna ukhumanta wakin wawqekunata ajllarqanku Pablowan, Bernabewan khuska Antioquiaman kutirinankupaj. Jinapitaj paykuna Judasta, pichus Barsabás nisqata, Silastawan ima ajllarqanku. Chay iskay wawqekuna Jerusalén iglesiapi allinpaj qhawasqa karqanku.

Hechos 15:25

Chayrayku tukuyniyku uj yuyaylla tantakuspa, noqayku ukhumanta wakin wawqekunata ajllarqayku. Chantá paykunatawan munasqa wawqenchej Bernabetawan, Pablotawan qankunaman kachamushayku.

Hechos 15:4

Pablowan, Bernabewan Jerusalenman chayajtinku, iglesiawan, Jesuspa kuraj kachankunawan, iglesiapi kurajkunawan ima kusiywan paykunata jap'erqanku. Chantá Pablowan, Bernabewan paykunamanpis willallarqankutaj Dios imatachus paykunanejta ruwasqanta.

Hechos 16:4

Chantá Pablowan, Timoteowan llajtamanta llajta purispa, sapa iglesiaman willarqanku imatachus Jerusalenpi Jesuspa kuraj kachankuna, iglesiapi kurajkunawan ima kamacherqanku, chayta. Jinallataj paykunata kamacherqanku chay tukuyta junt'anankuta.

Hechos 21:18

Q'ayantintaj Pablo noqaykuwan rerqa Santiagota watukoj, chaymantaj iglesiamanta tukuy kurajkuna tantakamorqanku.

Hechos 6:2

Ajinamanta Jesuspa chunka iskayniyoj kuraj kachankunaqa Jesusta tukuy qhatikojkunata wajyaspa, nerqanku: Mana allinchu kanman, noqayku Diospa Simi nisqanta willayta saqerparispa mikhunataraj runaman rak'inaykoqa.

Hebreos 13:17

Iglesiapi michejniykichejkunata kasuychej, jinataj imatachus yachachisqankuta ruwaychej. Paykuna mana samarispa qankunata qhawashasunkichej, chaymanta Diosman cuentata qonankuta yachaspa. Chantá qankuna paykunata kasojtiykichej, imatachus ruwanankuta kusisqa ruwanqanku, mana thutuspachu, nitaj rimaspachu, imajtinchus chayqa qankunapaj mana allinchu kanman.

Hebreos 13:7

Yuyarikuychej ñawpa michejkunaykichejmanta, pikunachus Diospa simi nisqanmanta yachachisorqachej, chaykunamanta. Chantá Diosta qhatejkuna jina imaynatachus kawsakusqankupi unanchaspa, paykuna jina Diospi atinikuspa puriychej.