Hechos 15:2 - DIOSPA QHELQACHISQ

² Pablowan, Bernabewanrí chay wawqekunawan sinch'ita churanakorqanku. Chayrayku Antioquía iglesiaqa Pablota, Bernabeta, wakin wawqekunatawan ima Jerusalenman kacharqanku, chaypi Jesuspa kuraj kachankunawan, iglesiapi kurajkunawan ima chaymanta sut'inchanankupaj.

Qheshwa Biblia DC

² Kay jawataj paykunaqa Pablowan Bernabewan sinch'ita churanakorqanku. Chayrayku ajllarqanku Pablota, Bernabeta, wakin paykunamanta hermanostawan, Jerusalenman rinankupaj; chaypitaj kay imasmanta allinta parlamunankupaj apostoleswan, ancianoswan ima.

DIOSPA QHELQACHISQAN DEUTEROCANONICAL

² Pablowan, Bernabewanrí chay wawqekunawan sinch'ita churanakorqanku. Chayrayku Antioquía iglesiaqa Pablota, Bernabeta, wakin wawqekunatawan ima Jerusalenman kacharqanku, chaypi Jesuspa kuraj kachankunawan, iglesiapi kurajkunawan ima chaymanta sut'inchanankupaj.

Quechua South Bolivia: Dios Parlapawanchej

² Chayraycu Pablopis Bernabepis paycunawan churanacuspa sinch'ita parlarkancu. Chantaña tantacoj hermanos ajllarkancu Pablota Bernabeta ujcunatawan rinancupaj Jerusalén llajtaman. Chaypitaj parlanancu carka Jesuspa cachasninwan, Cristopi hermanosmanta curajcunawan cay imasmanta sut'ita yachamunancupaj.

Hechos 15:2 ပူးပေါင်းရင်းမြစ်များ

Éxodo 18:23

Sichus yuyaychasusqayta ruwanki, Diostaj ajinata ruwanaykita kamachisonqa chayqa, qanqa mana anchata sayk'unkichu. Israelitakunapis sonqo junt'asqa wasinkuman riponqanku, nispa. Ajinata Jetro Moisesta nerqa.

Hechos 10:23

Chaymantataj Pedro chay kachakunata wasi ukhuman pusaykorqa, chaypitaj chay tuta puñorqanku. Q'ayantintaj, jatariytawan, Pedro chay kachakunawan rerqa. Jope llajtayoj wakin wawqekunapis Pedrowan khuska rillarqankutaj.

Hechos 11:12

Santo Espiritutaj kamachiwarqa ama iskayrayaspa paykunawan rinayta. Jopemanta kay sojta wawqekunapis noqawan rerqanku. Chantá Cesareaman chayaspa, Cornelioj wasinman yaykorqayku.

Hechos 11:30

Ajinata ruwaspataj, chay qolqeta apacherqanku Bernabewan, Saulowan ima Jerusalenpi iglesiaj kurajninkunaman.

Hechos 15:25

Chayrayku tukuyniyku uj yuyaylla tantakuspa, noqayku ukhumanta wakin wawqekunata ajllarqayku. Chantá paykunatawan munasqa wawqenchej Bernabetawan, Pablotawan qankunaman kachamushayku.

Hechos 15:27

Jinallataj Judasta, Silastawan kachamushayku, paykunataj uyapura chaymanta sut'inchasonqachej.

Hechos 15:4

Pablowan, Bernabewan Jerusalenman chayajtinku, iglesiawan, Jesuspa kuraj kachankunawan, iglesiapi kurajkunawan ima kusiywan paykunata jap'erqanku. Chantá Pablowan, Bernabewan paykunamanpis willallarqankutaj Dios imatachus paykunanejta ruwasqanta.

Hechos 16:4

Chantá Pablowan, Timoteowan llajtamanta llajta purispa, sapa iglesiaman willarqanku imatachus Jerusalenpi Jesuspa kuraj kachankuna, iglesiapi kurajkunawan ima kamacherqanku, chayta. Jinallataj paykunata kamacherqanku chay tukuyta junt'anankuta.

Hechos 21:18

Q'ayantintaj Pablo noqaykuwan rerqa Santiagota watukoj, chaymantaj iglesiamanta tukuy kurajkuna tantakamorqanku.

1 Corintios 1:1

Noqa, Pablo, Dios munasqanrayku Jesucristoj kuraj kachan kanaypaj wajyasqa kani. Noqawan, wawqenchej Sosteneswan ima kay cartata qhelqaspa apachimuyku Corinto llajtapi Diospa iglesianman.

2 Corintios 11:5

Chaywanpis noqaqa mana aswan pisichu kasqayta yuyani, chay pikunachus Jesuspa may sumaj kuraj kachankuna kasqankuta yuyanku, chaykunamanta nisqaqa.

Gálatas 2:5

Noqaykurí paykunata manapuni kasu ruwarqachu, imaraykuchus munarqayku Jesusmanta sumaj willayta maychus kajta kasunaykichejta.

Judas 1:3

Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

1 Samuel 8:7

Tata Diostajrí kay jinata kuticherqa: Israelitakuna imatachus mañakusqankuta uyarillay. Manamin qantachu qhesachashasunku, manachayqa noqatamin, ama paykunata kamachinaypaj.