Hechos 14:3 - DIOSPA QHELQACHISQ

³ Chaywanpis Pablowan, Bernabewan chaypi unayta qhepakorqanku. Paykunataj mana manchachikuspa, Tukuyta Kamachej Jesusmanta willarqanku, paypi sonqonkuta churaspa. Paytaj kachasqankunaj parlasqanku jinapuni kasqanmanta yachayta qonanpaj runaj mana jayk'aj rikusqanta, may t'ukuna imakunata ima rikucherqa.

Qheshwa Biblia DC

³ Chaywampis apostolesqa unayta chaypi karqanku. Mana manchachikuspa Señormanta parlarqanku, paypi sonqonkuta churaspa. Señortaj parlasqankuta yanaparqa, señalesta, milagrostawan paykunanejta ruwachispa.

DIOSPA QHELQACHISQAN DEUTEROCANONICAL

³ Chaywanpis Pablowan, Bernabewan chaypi unayta qhepakorqanku. Paykunataj mana manchachikuspa, Tukuyta Kamachej Jesusmanta willarqanku, paypi sonqonkuta churaspa. Paytaj kachasqankunaj parlasqanku jinapuni kasqanmanta yachayta qonanpaj runaj mana jayk'aj rikusqanta, may t'ukuna imakunata ima rikucherqa.

Quechua South Bolivia: Dios Parlapawanchej

³ Chayraycu Pablo Bernabewan chaypi unayta khepacorkancu. Callpachacuspataj sumajta willararkancu Dios runasta maytapuni yanapayta munashaskanta. Dios ricuchinasta t'ucunastawan ruwarka paycunanejta, runas yachanancupaj chay willanas cheka caskanta.

Hechos 14:3 ပူးပေါင်းရင်းမြစ်များ

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

San Juan 4:48

Chantá Jesús payta nerqa: Manachus runaj mana jayk'aj rikusqanta, chantá t'ukuna imakunata ima ruwajta rikuwankichej chayqa, qankuna noqapi mana atinikunkichejchu, nispa.

Hechos 13:46

Chantá Pablowan, Bernabewan mana manchachikuspa, chay judiokunata nerqanku: Diospa simi nisqanta qankunamanraj willanayku karqa. Qankunatajrí qhesachankichej, nitaj wiñay kawsaytapis jap'ikuyta munankichejchu. Chayrayku kunanqa mana judío kajkunaman chay willayta willasqayku.

Hechos 2:22

Israelitakuna, kay nisqayta uyariwaychej: Diosqa qankunaman sut'ita rejsicherqa Nazaret llajtayoj Jesuspuni paypa kachamusqan kasqanta, qankuna ukhupi paynejta t'ukuna imakunata, runaj mana jayk'aj rikusqanta ima ruwaspa. Chayta allinta yachankichej, imaraykuchus qankuna ukhupipuni chay karqa.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Hechos 20:32

Kunanqa Diospa makinman churaykichej, mañaykichejtaj Diospa sonqochaj simi nisqanman jina kawsanaykichejta. Paypa simi nisqanqa manchay atiyniyojmin qankunata kallpachasunaykichejpaj, Diostaj chaynejta chayaqeykichejtapis qankunaman qosonqachej tukuy ajllakusqankunawan khuska.

Hechos 4:31

Chaypacha Jesucristota qhatikojkuna Dioswan parlarikuyta tukusqankutawan, maypichus kasharqanku, chaynej kharkatiterqa. Chaymantataj tukuyninku Santo Espíritoj kamachiyninpi kaspa, Diospa simi nisqanta mana manchachikuspa willallarqankupuni.

Hechos 5:32

Noqaykutaj chaymanta testigo kayku, ajinallatataj Santo Espiritupis, pitachus Dios payta kasojkunaman qon, chay, nispa.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

1 Tesalonicenses 2:2

Yachallankichejtaj imaynatachus Filipos llajtapi ñak'arichiwasqaykuta, k'umuykachachiwasqaykuta ima. Chaywanpis manchay churanaku kashajtinpis, Diosniyku kallpachawarqayku, paypa sumaj willayninta qankunaman willanaykupaj.

Hebreos 2:4

Jinallataj Tata Diospis chay willawasqanchejta cheqa kasqanta rikucherqa runaj mana jayk'aj rikusqanta ruwaspa, chantá jatun atiyninwan waj t'ukuna imakunata ruwaspa ima. Jinallataj Santo Espiritunejta ruwanapaj atiykunata qospa, chaykunatapis munasqanman jina rak'irarqa.