Hechos 10:3 - DIOSPA QHELQACHISQ

³ Uj kuti, chawpi p'unchay pasayta, Cornelioqa mosqoypi jina sut'ita rikorqa Diospa angelninta, maypichus pay kasharqa, chayman yaykumojta. Chay angeltaj nerqa: Cornelio, nispa.

Qheshwa Biblia DC

³ Uj kuti, chaupi p'unchay pasayta, mosqoypi jina sut'ita rikorqa Diospa angelninta, maypichus kasharqa chayman yaykumojta. Parlapayaspataj: Cornelio, nerqa.

DIOSPA QHELQACHISQAN DEUTEROCANONICAL

³ Uj kuti, chawpi p'unchay pasayta, Cornelioqa mosqoypi jina sut'ita rikorqa Diospa angelninta, maypichus pay kasharqa, chayman yaykumojta. Chay angeltaj nerqa: Cornelio, nispa.

Quechua South Bolivia: Dios Parlapawanchej

³ Uj p'unchay chaupi tardeta moskoypijina Diosmanta cachamuska uj willaj angelta sut'ita ricorka. Payman chimpaycuspataj chay angel nerka: —¡Cornelio!

Hechos 10:3 ပူးပေါင်းရင်းမြစ်များ

Salmos 55:17

17 (18) Waqaspa, noqa sut'iyayta Diosman qhaparikusaj chawpi p'unchayta, ch'isiyayta ima. Paytaj qhaparikusqayta uyariwanqa.

Éxodo 33:17

Chantá Tata Diosqa Moisesta nerqa: Kayta mañakuwasqaykitapis ruwallasajtaj, imaraykuchus noqa qanta allinpaj qhawayki, jinataj allinpi kawsakunchej, nispa.

Isaías 45:4

Kamachiy Jacobta munakusqayrayku, ajllakusqay Israelrayku sutiykimanta wajyarqayki. Mana rejsishawajtiykipis, jatunpaj qhawasqa sutita churarqayki.

San Mateo 27:46

Chaypacha Jesús sinch'ita qhaparerqa: Elí, Elí, lema sabactani? nispa. Chay niyta munan: Diosníy, Diosníy, imaraykutaj saqerpariwankiri? nispa.

San Lucas 1:11

Jinallapi, Zacariasman Tukuyta Kamachej Diospa angelnin rikhurerqa incienso q'oshñichina altarpa pañannejpi sayashaj.

San Lucas 2:13

Jinallaman chay angelwan khuska ashkha angelkuna janaj pachamanta rikhurimorqanku, Diosta yupaychaspataj nerqanku:

Hechos 10:17

Pedrorí chayta rikusqanmanta mayta t'ukusharqa: Imatataj chay niyta munanri? nispa. Jinallaman Cornelioj kachamusqankuna tapukuspa, tapukuspa Simonpa wasin punkukama chayamorqanku.

Hechos 10:19

Pedro chay rikusqanpi yuyashajtillanpuni, Santo Espíritu payta nerqa: Kinsa runakuna mask'ashasunku.

Hechos 10:30

Chantá Cornelio kuticherqa: Tawa p'unchayña kashan, kunan jina samay phani jinata kay wasiypi Dioswan parlarikushajtiy, chayllapi lliphipej p'achayoj uj qhari ñawpaqeypi rikhurerqa.

Hechos 10:9

Q'ayantenqa chay kachakuna Jopeman qayllashajtinkuña, Pedroqa chawpi p'unchaynejta, wasi pataman wicharerqa, maypichus pampalla karqa chayman, Dioswan parlarikunanpaj.

Hechos 11:13

Chaypacha pay willawarqayku imaynatachus uj angelta ñawpaqenpi sayashajta rikusqanta. Chay angeltaj payta nisqa: Runakunata Jopeman kachay, Simón Pedro nisqata pusamunankupaj.

Hechos 27:23

Chayta niykichej, imaraykuchus kunan ch'isi Diospa angelnin rikhuriwarqa. Noqaqa chay Diospata kani, jinataj paypa munasqantapuni ruwaspa kashani.

Hechos 3:1

Uj kuti Pedrowan, Juanwan Temploman risharqanku tardenpi kinsa kaj phani chayta. Chay phanitaqa judiokuna tantakoj kanku Dioswan parlarikunankupaj.

Hechos 5:19

Chay tutarí Diospa ujnin kaj angelnin cárcel punkuta kicharispa, Jesuspa kuraj kachankunata jawaman orqhorqa, paykunatataj nerqa:

Hechos 9:10

Chaypacha Damasco llajtapi, Jesusta qhatikoj uj runa karqa, Ananías sutiyoj. Paymantaj Tukuyta Kamachej Jesús mosqoypi jina rikhurispa, nerqa: Ananías, nispa. Paytaj kuticherqa: Tukuyta Kamachej Jesús, imatataj niyta munawankiri? nispa.

Hechos 9:4

Paytaj pampaman choqakorqa, parlamojtataj uyarerqa: Saulo, Saulo, imaraykutaj qhatiykachashawankiri? nispa.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Hebreos 1:4

Diospa Churenqa angelkunamanta aswan patapi churasqa karqa, imaraykuchus Diosqa angelkunaj sutinkumanta aswan sumajpaj qhawasqa sutita payman qorqa.