Hechos 1:3 - DIOSPA QHELQACHISQ

³ Wañusqamanta kawsarimpuspataj, kikin Jesuspuni tawa chunka p'unchayta kuraj kachankunawan rikuchikorqa. Jinataj ashkha kutita paykunaman rikhurispa, tukuy imata ruwarqa, pay kawsashasqanta mana iskayrayaspa yachanankupaj. Chantá Diospa kamachiyninmantapis paykunaman yachachillarqataj.

Qheshwa Biblia DC

³ Wañusqamanta kausarimuspataj, kikin Jesús apostolesninman rikuchikorqa. Ashkha kutita paykunaman rikhurerqa, tukuy laya ruwaykunata ruwaspa, cheqamanta yachanankupaj Jesús kausashasqanta. Tawa chunka p'unchaykunapi taj, paykunaman rikuchikuspa, Dios tataj reinonmanta parlarqa.

DIOSPA QHELQACHISQAN DEUTEROCANONICAL

³ Wañusqamanta kawsarimpuspataj, kikin Jesuspuni tawa chunka p'unchayta kuraj kachankunawan rikuchikorqa. Jinataj ashkha kutita paykunaman rikhurispa, tukuy imata ruwarqa, pay kawsashasqanta mana iskayrayaspa yachanankupaj. Chantá Diospa kamachiyninmantapis paykunaman yachachillarqataj.

Hechos 1:3 ပူးပေါင်းရင်းမြစ်များ

1 Reyes 19:8

Puñusqanmanta rijch'ariytawantaj, Elías mikhorqa, ujyarqataj. Jinapi chay mikhusqanwan kallpachakuspa, tawa chunka p'unchayta, tawa chunka tutatawan purerqa, Diospa orqon Horebman chayanankama.

San Mateo 21:43

Chayrayku niykichej: Diosqa kamachiyninman yaykunata qankunamanta qhechonqa, jinataj paypa munayninta ruwajkunaman qonqa.

San Mateo 28:9

Jinata rishajtinku, Jesús ujllata paykunaman rikhurerqa, paykunatataj napaykorqa. Paykunataj Jesusman qayllaykuytawan, qonqoriykukuspa chakinta ojllaykorqanku, paytataj yupaycharqanku.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

San Mateo 4:2

Chaypitaj Jesusqa tawa chunka p'unchayta, tawa chunka tutatawan mana mikhusqa kaspa, sinch'ita yarqhachikorqa.

Marcos 16:19

Chantá Tukuyta Kamachej Jesús parlajtinkama, janaj pachaman oqharisqa karqa, chaypitaj Diospa pañanman kamachinanpaj tiyaykukorqa.

San Juan 20:26

Pusaj p'unchayninman Jesuspa yachachisqankuna ujtawan wasipi tantakorqanku. Tomaspis paykunawan kasharqa. Wasej punkun sumaj wisq'asqa kashajtin, Jesús ujtawan chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

San Juan 21:1

Chay qhepata, Tiberias qocha qayllapi Jesús ujtawan yachachisqankunaman rikhurerqa. Kay jina karqa:

San Juan 21:14

Kaywanqa Jesús wañusqamanta kawsarimpuytawan yachachisqankunaman rikhurisqanqa kinsa kutiña karqa.

Hechos 13:31

Chaymantataj ashkha p'unchaykunata Jesús rikhurerqa, pikunachus Galileamanta paywan khuska Jerusalenkama risqanku, chaykunaman. Paykunataj kunan chay rikusqankuta testigo jina tukuy israelitakunaman willashanku.

Hechos 19:8

Chaymanta Pabloqa judiokunaj tantakunanku wasiman rerqa, mana manchachikuspataj, kinsa killa junt'ata yachacherqa, Diospa kamachiyninmanta entiendechiyta munaspa.

Hechos 28:23

Chaymanta Pablowan parlanankupaj judío kurajkuna uj p'unchayta ajllarqanku. Chaymantaj aswan ashkha runakuna jamorqanku, Pablo tiyakusharqa, chay wasiman. Chantá paqarinmantapacha ch'isiyanankama Pabloqa paykunaman Diospa kamachiyninmanta yachacherqa. Atisqantataj Jesusmanta yachacherqa imaynatachus Moisespa kamachisqanmanta qhelqasqapi, Diosmanta sut'inchajkunaj qhelqasqankupi ima Jesusmanta willasqanta.

Hechos 28:31

Ajinaqa Pablo mana manchachikuspa, Diospa kamachiyninmanta yachacherqa, Tukuyta Kamachej Jesucristomantawan, nitaj pipis payta jark'arqachu.

Hechos 8:12

Chantá Dios kamachinanmanta sumaj willayta, jinallataj Jesucristo Diospa kachamusqan kasqanmanta ima Felipe willajtin, qharikunamanta, warmikunamanta ashkha nisqanta jap'ikorqanku, bautizachikorqankutaj.

Romanos 14:17

Diospa kamachiyninmanta parlaspaqa, mana mikhunamantachu nitaj ujyanamantachu parlashanchej, manachayqa cheqanta ruwaspa kawsanamanta, sonqo tiyaykuymanta, chantá kusikuymanta ima. Chayta Santo Espiritunejta ruwayta atisunchej.

Deuteronomio 9:18

Chaymantataj Tata Diospa ñawpaqenman pampakama k'umuykukorqani. Chantá ñawpajta jina, tawa chunka p'unchayta, tawa chunka tutatawan mana mikhuspa, nitaj imatapis ujyaspa karqani. Qankuna chay jinata Tata Diospa contranta juchallispa phiñachisqaykichejmanta chayta ruwarqani.

Deuteronomio 9:9

Noqa chay orqoman iskay p'alta rumipi qhelqasqa kamachisqakunata Tata Diosmanta jap'ej wicharerqani, qankunawan Tata Dios tratota ruwarqa, chaykunata. Chaypitaj mana mikhuspa, nitaj imatapis ujyaspa, tawa chunka p'unchayta, tawa chunka tutatawan qhepakorqani.

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

1 Tesalonicenses 2:12

Jinallataj mayta qankunata nerqayku Diospa wawankuna jina purinaykichejta, imaraykuchus paymin wajyasorqachej aswan qhepaman kamachiyninpi, chantá jatun kayninpa lliphipiyninpi ima kanaykichejpaj.

1 Juan 1:1

Tukuy imapis manaraj ruwasqa kashajtin, kawsayta qoj Simi Nisqa sutiyoj karqañapuni. Noqaykutaj payta uyarerqayku, jinataj kikin ñawiykuwan rikorqayku, qhawarqayku, chantá makiykuwan llankharqayku ima.