Hechos 1:2 - DIOSPA QHELQACHISQ

² janaj pachaman riporqa, chay p'unchaykama. Chaywanpis Jesús manaraj janaj pachaman ripushaspa, Santo Espiritunejta kamacherqa ajllasqan kuraj kachankuna imatachus ruwanankuta.

DIOSPA QHELQACHISQAN DEUTEROCANONICAL

² janaj pachaman riporqa, chay p'unchaykama. Chaywanpis Jesús manaraj janaj pachaman ripushaspa, Santo Espiritunejta kamacherqa ajllasqan kuraj kachankuna imatachus ruwanankuta.

Hechos 1:2 ပူးပေါင်းရင်းမြစ်များ

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Isaías 48:16

Qayllamuwaspa, kayta uyariwaychej: Qallariymantapacha noqaqa sut'ita parlarqani, kay tukuy ima junt'akushajtinpis, noqa chaypi karqani. Kunantaj noqa Tukuyta Kamachej Tata Dios payman Espirituyta qospa, payta kacharqani, nispa.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

San Mateo 12:28

Sichus noqaqa Diospa Espiritunpa atiyninwan supaykunata qharqoni chayqa, sut'itapuni niykichej: Diosqa qankuna ukhupi kamachiyta qallarishanña, nispa.

San Mateo 3:16

Jesús bautizachikuytawan yakumanta llojsishajtin, janajqa kicharikorqa. Jesustaj Diospa Espiritunta urpi jina paypa patanman urayk'amushajta rikorqa.

Marcos 6:30

Jesuspa kuraj kachankunaqa kachasqa kasqankumanta kutimuspa, paywan tantakorqanku. Chantá tukuy ima ruwasqankumanta willarqanku, imatachus yachachisqankumanta ima.

San Lucas 24:51

Paykunata saminchashaspataj, Jesús paykunamanta karunchakorqa, janaj pachamantaj oqharisqa karqa.

San Lucas 9:51

Jesús janaj pachaman ripunan tiempo qayllamojtin, Jerusalenman rinanpaj kallpachakorqa.

San Juan 1:16

Simi Nisqa sutiyojpa may chhika k'acha kayninwan Diosqa kutin kutinta may jinata saminchawanchej.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 13:18

Mana tukuyniykichejmantachu chayta nishani. Noqa yachani pikunatachus ajllakusqayta. Chaywanpis Diospa Qhelqachisqanpi imatachus nisqan junt'akunan tiyan: Pichus noqawan khuska mikhojqa wasanchawan, nispa.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

San Juan 16:28

Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.

San Juan 17:13

Kunantaj, maypichus qan kashanki, chayman kutimpushani. Kay pachapi kashaspa, noqaqa qhatiwajkunaman kaykunata nerqani, paykuna noqa jina manchay kusisqa kanankupaj.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

San Juan 20:21

Chantá Jesús ujtawan paykunata nerqa: Diospa sonqo tiyaykuynin qankunawan kachun. Imaynatachus Tata Diosniy noqata kay pachaman kachamuwarqa, ajinallatataj qankunatapis kay pachapi tukuy runaman kachaykichej, nispa.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

San Juan 6:62

Sichus Runaj Churinta rikuwajchej, maypichus karqa, chayman wicharishajta chayqa, imatataj yuyawajchejri?

San Juan 6:70

Jesustaj kuticherqa: Chunka iskayniyojta ajllarqaykichej. Chaywanpis qankunamanta ujniykichejqa Supaymin, nispa.

Hechos 1:11

Chay qharikunataj nerqanku: Galileamanta kajkuna, imaraykutaj patata qhawaspallapuni kashankichejri? Kay kikin Jesús, imaynatachus qankuna ukhumanta janaj pachaman ripun, ajinallatataj aswan qhepaman ujtawan kutirimonqa, imaynatachus ripojta rikunkichej, ajinata, nispa.

Hechos 1:13

Llajtaman chayaspataj, paykuna maypichus tiyakusharqanku, chay wasej alto patanman wicharerqanku. Paykuna karqanku: Pedro, Santiago, Juan, Andrés, Felipe, Tomás, Bartolomé, Mateo, Alfeoj churin Santiago, Zelote nisqa Simón, Santiagoj wawqen Judas ima.

Hechos 1:22

Juan bautizayta qallarisqanmantapacha Jesús janaj pachaman ripusqankama. Kunantaj paykunamanta ujta ajllanachej Jesús kawsarimpusqanmanta testigo jina noqaykuwan khuska willarananpaj, nispa.

Hechos 1:9

Chayta nisqantawantaj, kuraj kachankuna qhawashajtinku, Jesusqa janaj pachaman oqharisqa karqa. Phuyu ukhuman Jesús chinkaykojtinkamataj, kuraj kachankunaqa payta manaña rikorqankuchu.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

Gálatas 1:1

Noqa Pablo Jesuspa kuraj kachan kani, mana runaj churasqanchu nitaj wajkunaj kachasqanchu. Manachayqa Jesucristoj churasqan kani, Tata Diospatawan, pichus Cristota wañusqamanta kawsaricherqa, chaypata.

Efesios 2:20

Iglesiamanta tukuy kajkunaqa uj wasi jina kanchej, chay wasitaj Jesuspa kuraj kachankunaj, jinataj Diosmanta sut'inchajkunaj yachachisqankupi sayachisqa kashan. Chay wasej sumaj esquina rumintaj Jesucristomin.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

1 Pedro 3:22

Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.

2 Pedro 3:2

Noqa munani Diospa ajllasqan ñawpa sut'inchajkunaj nisqankumanta yuyarikunaykichejta, jinallataj Qhespichej Tukuyta Kamachej Jesuspa kamachisqanmanta ima, mayqenkunatachus Jesuspa kuraj kachankuna kamachisorqachej, chaymanta.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 2:29

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun, nispa. Ajinata Jesucristo niwarqa.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 21:14

Llajtaj perqantaj chunka iskayniyoj cimientoyoj karqa. Chaykuna patapi chunka iskayniyoj suti qhelqasqa karqa, Corderoj chunka iskayniyoj kuraj kachankunajta.

Apocalipsis 3:13

Pichus nisqayta jap'ikuyta munajqa Santo Espíritu iglesiakunaman imatachus nisqanta uyarichun.

Apocalipsis 3:16

Qan tumpallata kasuwasqaykirayku, noqaqa qhesachasqata qhesachasqayki.

Apocalipsis 3:22

Pichus nisqayta jap'ikuyta munajqa Santo Espíritu iglesiakunaman imatachus nisqanta uyarichun, nispa. Ajinata Jesús nerqa.