Hageo 2:9 - DIOSPA QHELQACHISQ

⁹ Kay qhepa kaj Temploqa aswan sumaj kanqa ñawpaj kaj Templomanta nisqaqa. Noqataj kay cheqanejpi sonqo tiyaykusqa kawsay kananta ruwasaj. Noqa Tukuy Atiyniyoj Tata Dios chayta nini.

Qheshwa Biblia DC

⁹ Kay qhepa kaj temploqa aswan sumaj kanqa, ñaupajta karqa chay templomanta nisqaqa. Chaypachataj kaypi runasman sonqo tiyakuyta noqa qosaj. Noqa, Tukuy Atiyniyoj Señor kaytaqa nini.

DIOSPA QHELQACHISQAN DEUTEROCANONICAL

⁹ Kay qhepa kaj Temploqa aswan sumaj kanqa ñawpaj kaj Templomanta nisqaqa. Noqataj kay cheqanejpi sonqo tiyaykusqa kawsay kananta ruwasaj. Noqa Tukuy Atiyniyoj Tata Dios chayta nini.

Hageo 2:9 ပူးပေါင်းရင်းမြစ်များ

Isaías 60:7

Cedarmanta tukuy uywakunatapis qanman qosonqanku. Qantaj Nebayotmanta carnerokunata altarniypi ñak'aspa jaywawankichej, sumaj q'apashaj jaywanata jina. Noqataj Temployta manchay k'achitu qhawasqa kananta ruwasaj.

Isaías 66:12

Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Ezequiel 43:5

Chantá Diospa Espirítun oqhariwaspa, ukhu patioman pusaykuwarqa. Chaypitaj Tata Diospa jatun kayninpa lliphipiyninta Temploman junt'aykusqanta rikorqani.

Miqueas 5:5

5 (4) Paymin allinpi kawsanata Israelman apamonqa. Maypachachus asiriokuna suyunchejman junt'aykamonqanku, kamachina wasinchejmanpis yaykuykamonqanku chaypacha, noqanchej paykunaj contrankupi maqanakunankupaj qanchis kamachejkunata, pusaj kurajkunatawan kachasunchej.

Hageo 1:8

Chayrayku kunan orqoman rispa, kurkukunata apamuychej Temployta watej ruwanaykichejpaj. Noqataj chaymanta mayta kusikusaj, chaypitaj jatunchasqapuni kasaj. Noqa Tata Diosmin chayta nini.

Hageo 2:3

Pikunachus ñawpa Templo imayna k'achituchus kasqanta rikojkunata tapuychej: Kunan kay Templo imaynataj rijch'asunkichej? nispa. Ñawpa Temploman ni chhikitanta rijch'akunchu, icharí?

Zacarías 2:5

5 (9) Tata Diosrí nin: Chaypacha noqa kikiy Jerusalenpa muyuyninpi nina perqa jina sayaykusaj, kikin llajta chawpipitaj jatun kayniypa lliphipiyniyta rikuchisaj, nispa. Noqa Tata Diosmin chayta nini.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Hechos 10:36

Uyarinkichejña Dios Israelpa mirayninman kay sumaj willayta willasqanta: Payqa runakunata paywan allinyachin Jesucristonejta, pichus Tukuyta Kamachej kashan, chaynejta.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Santiago 2:1

Munasqa wawqe panaykuna, may jatunchasqa Tukuyta Kamachej Jesucristopi atinikojkuna kaspa, amapuni ujkunallata allinpaj qhawaychejchu, wajkunatataj pisipaj.