Hageo 2:7 - DIOSPA QHELQACHISQ

⁷ Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

Qheshwa Biblia DC

^7-8 Tukuy nacionesta kharkatichisaj, tukuy nacionestaj tiyapusqanta apamonqanku, temploytaj gloriawan junt'a kanqa. Tukuy Atiyniyoj Señorqa ajinata nin: Qolqepis, qoripis noqajta.

DIOSPA QHELQACHISQAN DEUTEROCANONICAL

⁷ Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

Hageo 2:7 ပူးပေါင်းရင်းမြစ်များ

Génesis 22:18

Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

1 Reyes 8:10

Diospaj T'aqasqa Cheqamanta sacerdotekuna llojsimojtinkukama, Tata Diospa Templonman phuyu junt'aykorqa.

1 Reyes 8:11

Sacerdotekunataj manaña chaypi yupaychanankupaj qhepakuyta aterqankuchu phuyu kasqanrayku, imaraykuchus Tata Diospa llimphu kayninpa lliphipiynin Temploman junt'aykorqa.

2 Crónicas 5:14

Jinapitaj Tata Diospa jatun kayninpa lliphiynin Temploman junt'aykusqanrayku, sacerdotekunaqa Tata Diospa kamachi ruwananpi mana qhepakuyta aterqankuchu.

Salmos 80:1

1 (2) Israelta michej Dios, uywariwayku. Qanqa José aylluta ovejata jina pusaykachanki, kamachinayki tiyanataj querubinkunaj chawpinkupi kashan.

Salmos 85:9

9 (10) Cheqamanta Dios qayllallapi kashan, payta may jatun respetowan qhawajkunata qhespichinanpaj, ajinamanta paypa jatun kayninpa lliphipiynin jallp'anchejpi kakunanpaj.

Isaías 2:19

Chaypacha tukuy runakuna chhanka jusk'ukunaman ayqekonqanku. Jinallataj jallp'aj lajrakusqanman chinkaykonqanku, Tata Diospa k'araj phiñakuyninmanta, jatun kayninpa lliphipiyninmantawan ayqespa, maypachachus pay kay pachata jasut'ej jamonqa, chaypacha.

Isaías 60:4

Muyuyniykita qhawarikuy. Tukuyninku ujllaman tantaykukuspa, qanman jamonqanku. Churiykikunaqa karu suyukunamanta jamonqanku, ususiykikunataj marq'api apamusqa kanqanku.

Isaías 60:7

Cedarmanta tukuy uywakunatapis qanman qosonqanku. Qantaj Nebayotmanta carnerokunata altarniypi ñak'aspa jaywawankichej, sumaj q'apashaj jaywanata jina. Noqataj Temployta manchay k'achitu qhawasqa kananta ruwasaj.

Ezequiel 21:27

27 (32) Noqaqa tukuyta thuñisaj, allin thuñisqatapuni saqesaj, ujtawantaj ni pi sayarichenqachu. Babiloniata kuraj kamachej chayamojtin, ajina kanqa. Paymin nisqayta ruwanqa.

Ezequiel 31:16

Urmachisqay sach'ata ukhu pachaman kachaykorqani, pikunachus ñawpajta wañorqanku, chaykunawan khuska kananpaj. Chayta uyarispa, tukuy suyukuna kharkatiterqanku. Edenpi kaj tukuy ajllasqa sach'akuna, chantá Libanopi astawan sumachaj sach'akuna, jinallataj yakuwan sumaj qarpasqa sach'akunapis ukhu pachapi sonqochasqa karqanku.

Ezequiel 38:19

K'araj phiñakuyniypitaj tiluspa, noqa nini: Chaypacha Israel suyupi sinch'i jallp'a ikhakuy kanqa.

Ezequiel 44:4

Chaymanta chay runaqa wichaynej punkuman pusawarqa, chaytaj Temploj chimpanpi karqa. Chaypi Tata Diospa jatun kayninpa lliphipiyninta Temploman junt'aykushajta rikorqani, noqataj pampakama k'umuykorqani.

Hageo 1:8

Chayrayku kunan orqoman rispa, kurkukunata apamuychej Temployta watej ruwanaykichejpaj. Noqataj chaymanta mayta kusikusaj, chaypitaj jatunchasqapuni kasaj. Noqa Tata Diosmin chayta nini.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

San Lucas 19:47

Chay p'unchaykunapi Jesús sapa p'unchay Temploj pationpi yachachej karqa. Jinapitaj kuraj sacerdotekuna, Diospa kamachisqanmanta yachachejkuna, llajtamanta kurajkuna ima imaynallamantapis payta wañuchiyta munasharqanku.

San Lucas 2:27

Chaypacha Santo Espiritoqa Simeonta Temploman pusarqa. Chaypachallataj Jesuspa tatankunapis payta Temploman aparqanku, Diospa kamachisqanman jina.

San Lucas 2:46

Kinsa p'unchaymanta Jesuspa tatankuna Temploj pationpi payta tarerqanku Diospa kamachisqanmanta yachachejkunawan tiyashajta, parlasqankuta uyarispa, tapurispa ima.

San Lucas 20:1

Uj p'unchay Jesús Templopi Diosmanta sumaj willayta runakunaman yachachisharqa. Jinallapi kuraj sacerdotekuna, Diospa kamachisqanmanta yachachejkuna, kurajkunawan ima chayamorqanku.

San Lucas 21:38

Tukuy runataj tutamantapacha Temploman jamoj kanku paypa yachachisqanta uyarinankupaj.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Gálatas 3:8

Diospa Qhelqachisqanpi ñawpajmantaña willarqa Diosqa mana judío kajkunata paypa nisqanta jap'ikusqankurayku cheqan runapaj qhawananta, chay sumaj willaytataj Abrahamman willarqa: Qannejta tukuy imaymana runakuna saminchasqa kanqanku, nispa.

Colosenses 2:9

Cristoj yachachisqanrí aswan allinmin, imajtinchus Cristo runaman tukuspa jamojtin, imaynachus Dios kasqanqa, chay tukuy paypi karqa.