Hageo 2:4 - DIOSPA QHELQACHISQ

⁴ Chaywanpis Zorobabel, kunan kallpachakuy ari. Jinallataj qanpis, Josadacpa churin kuraj kaj sacerdote Josué, kallpachakullaytaj. Kay jallp'api tiyakojkuna, qankunapis kallpachakullaychejtaj. Temployta ruwayta qallariychejpacha, imaraykuchus noqa qankunawan kashani, nispa. Ajinata Tukuy Atiyniyoj Tata Dios nisunkichej.

Qheshwa Biblia DC

⁴ Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

DIOSPA QHELQACHISQAN DEUTEROCANONICAL

⁴ Chaywanpis Zorobabel, kunan kallpachakuy ari. Jinallataj qanpis, Josadacpa churin kuraj kaj sacerdote Josué, kallpachakullaytaj. Kay jallp'api tiyakojkuna, qankunapis kallpachakullaychejtaj. Temployta ruwayta qallariychejpacha, imaraykuchus noqa qankunawan kashani, nispa. Ajinata Tukuy Atiyniyoj Tata Dios nisunkichej.

Hageo 2:4 ပူးပေါင်းရင်းမြစ်များ

2 Samuel 5:10

Tukuy Atiyniyoj Tata Dios paywan kasqanrayku, Davidqa astawanpuni kallpachakusharqa.

1 Crónicas 22:13

Tukuy imapi allin risonqa, sichus Tata Diospa kamachisqanta, nisqanta ima tukuy sonqo junt'anki chayqa. Chaykunata Diosqa israelitakunaman Moisesnejta kamacherqa. Chayrayku kallpachakuy ari, sinch'itataj sayay. Ama iskayrayaychu, amataj manchachikuychu.

1 Crónicas 28:20

Chantá Davidqa Salomonta nillarqataj: Kallpachakuy, sinch'ita sayay, ruwaj sayaykuypachataj. Ama iskayrayaychu, nitaj manchachikuychu, imaraykuchus Tata Diosneyqa qanwanpuni kanqa. Tata Diospa Templonpi tukuy imachus ruwanata tukunaykikama, payqa mana saqesonqachu, nitaj qonqarparisonqachu.

Esdras 10:18

Waj llajtayoj warmikunawan casarasqanku, chay sacerdotekunaqa kaykuna karqanku: Josadacpa churin Josuejpa ayllunmanta, wawqenkunamantawan, Maseías, Eliezer, Jarib, Gedalías ima.

Esdras 5:2

Chayrayku Salatielpa churin Zorobabel, Josadacpa churin Josué ima watejmanta Jerusalenpi Diospa Templonta ruwayta qallarerqanku. Diosmanta sut'inchajkunataj paykunata yanaparqanku.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Hageo 1:13

Chantá Tata Diospa kachan Hageo paykunaman Diospa sutinpi kay jinata parlarqa: Tata Dios nisunkichej: Noqa qankunawan kashani, nispa.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Zacarías 8:9

Noqa Tukuy Atiyniyoj Tata Dios nillanitaj: Temployta watej ruwanapaj cimientonta churasqaykichejmantapacha kunankama qankuna sut'inchajkunanejta imatachus noqaj nisqayta uyarishankichej. Chayrayku kallpachakuychej.

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

Hechos 7:9

Jacobpa churinkuna, pikunachus ñawpa tatanchej kajkunaqa wawqenku Joseta chejnispa, wata runata jina venderqanku, Egipto suyuman apasqa kananpaj. Diostajrí Josewan karqa, payta waqaychaspa.

1 Corintios 16:13

Qhawaspallapuni kaychej, jinataj Diospi atinikuspa sinch'ita sayaychej. Wapu kaychej, kallpachakuychejtaj.

Efesios 6:10

Kunanqa kaytawan niykichej: Munasqa wawqe panakuna, Tukuyta Kamachej Jesuspa jatun atiyninwan kallpachakuyta mask'aychej.

Deuteronomio 31:23

Tata Diostaj Nunpa churin Josueman kay jinata kamacherqa: Qanqa kallpachakuy, waputaj kay, imaraykuchus qanmin israelitakunata, paykunaman qonayta nerqani, chay jallp'aman pusaykunki. Noqataj qanwanpuni kasaj, nispa.

2 Timoteo 2:1

Qan, wawáy, kallpachakuy, Cristo Jesusman ujchasqa kasqanchejrayku, Dios qhasilla k'acha yanapayninta qowasqanchejnejta.

2 Timoteo 4:17

Chaywanpis, Tukuyta Kamachej Dios noqawan karqa, kallpachawarqataj Jesuspa sumaj willayninmanta sut'ita parlanaypaj, ajinamanta mana judío kajkuna uyarinankupaj. Ajinata Diosqa leonpa siminmanta jina wañunaymanta kacharichiwarqa.

Josué 1:6

Chayrayku kallpachakuy, waputaj kay. Qanmin chay jallp'ata israelitakunaman chayaqenkupaj rak'iranki, ñawpa tataykichejkunaman qonayta nerqani, chayta.

Josué 1:9

Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.