Hageo 1:9 - DIOSPA QHELQACHISQ

⁹ Kunankama qankuna ashkhata mask'arqankichej, pisitataj tarerqankichej. Imatachus wasiykichejpi waqaychasqaykichejta noqa ujta phukuspalla chinkarparicherqani. Imajtintaj chayta ruwarqani? Imajtinchus waseyqa thuñisqallaraj kashan, qankunataj wasiykichej sumaj ruwasqa kanallanmanta phutikunkichej. Noqa Tukuy Atiyniyoj Tata Diosmin chayta nini.

Qheshwa Biblia DC

⁹ Qankuna ashkhata mask'ankichej, pisitataj tarinkichej. Wasisniykichejpi waqaychasniykichejtataj, ujta phukuspalla apakapusaj. Imarayku? Wasiy thuñisqa tarikusqanrayku, qankunataj wasisniykichej sumaj ruwasqa kanallanmanta yuyankichej. Noqa Señor chaytaqa nini.

DIOSPA QHELQACHISQAN DEUTEROCANONICAL

⁹ Kunankama qankuna ashkhata mask'arqankichej, pisitataj tarerqankichej. Imatachus wasiykichejpi waqaychasqaykichejta noqa ujta phukuspalla chinkarparicherqani. Imajtintaj chayta ruwarqani? Imajtinchus waseyqa thuñisqallaraj kashan, qankunataj wasiykichej sumaj ruwasqa kanallanmanta phutikunkichej. Noqa Tukuy Atiyniyoj Tata Diosmin chayta nini.

Hageo 1:9 ပူးပေါင်းရင်းမြစ်များ

2 Samuel 21:1

David kuraj kamachej kashajtin, kinsa wata junt'ata yarqhay karqa. Chaypacha Davidqa Tata Diosta tapurerqa, Tata Diostaj kuticherqa: Chay yarqhayqa kashan Saúl, jinataj ayllunkunapis gabaonitakunata wañuchisqankumanta, nispa.

2 Samuel 22:16

Tata Diosníy, k'amisqaykiwan mama qochaj ukhun rikhurerqa. Sinch'i samayniykiwantaj kay pachaj cimientonkunapis rikhurillarqataj.

2 Reyes 19:7

Noqarí llakiy willayta uyarinanta ruwasaj, chayta uyarispataj, payqa suyunman kutiponqa. Chaypitaj espadawan payta wañuchichisaj, nispa.

Job 10:2

Diosta nisaj: Ay Diosníy, ama juchachawaychu ari, imamantachus juchachawasqaykita niway ari.

Proverbios 11:24

Pichus wajchakunaman jaywarejmanqa imapis astawan yapakun. Pichus mich'akojrí wajchaman tukonqa.

Proverbios 27:20

Wañuywan, ukhu pachawan ima mana jayk'aj sajsankuchu. Jinallataj runaj munapayayninpis mana sajsakunchu.

Eclesiastés 1:8

Tukuy imapis sayk'uchikullan. Chaytaqa mana pipis sut'inchayta atinchu. Ñaweqa rikuspa, mana sajsakunchu, nitaj ninripis uyarispa, sayk'unchu.

Isaías 40:7

Qhoraqa ch'akipun, t'ikapis qawirapun, Tata Diospa samaynin phukurejtin. Runakunawanpis ajinallataj kanqa.

Isaías 5:10

Chunka yunta puriy jallp'api uva mallkisqamanta vino uj wich'illa llojsenqa. Chunka arroba trigo mujumanta uj arroballa oqharikonqa.

Jeremías 12:13

Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Ezequiel 21:31

31 (36) Noqaqa phiñakuyniyta manchay lawrashaj ninaman rijch'akojta pataykiman kachaykamusaj. Kallpaman atinikuspa mana sonqoyoj runakunaj makinkuman jaywaykusqayki, thuñinapaj yachasqa kajkunaman.

Levítico 19:25

Phishqa watamantataj poqosqanta mikhuyta atinkichej. Ajinamanta sach'aykichejqa astawan poqopusonqachej. Noqa Tata Diosmin Diosniykichej kani.

Hageo 1:4

Kunanchu tiempo kashan, sumaj ruwasqa wasipi tiyarikunaykichejpaj, Temploy thuñisqallaraj kashajtin?

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

Deuteronomio 28:38

Jallp'aykipi ashkhata tarpunki, pisitataj oqharinki, imaraykuchus phinki phinkikunalla mikhuykakaponqanku.

Apocalipsis 2:4

Chaywanpis, kayta contraykipi nini: Qanqa manaña ñawpajta jinachu munakuwanki.

Apocalipsis 3:19

Noqaqa tukuy pitachus munakusqayta k'amispa cheqan ñanman churani. Chayrayku tukuy sonqo kasuway, noqamantaj kutirikamuway.