Génesis 9:27 - DIOSPA QHELQACHISQ

²⁷ Diosqa Jafetpa jap'iyninta astawan jatunchachun. Paytaj Sempa toldonpi tiyakuchun. Canaantajrí wata runan kachun, nispa.

Qheshwa Biblia DC

²⁷ Dios astawan Jafetta jatunchachun, Sempa toldosnimpi tiyachuchun, Canaantaj kamachin kachun.

DIOSPA QHELQACHISQAN DEUTEROCANONICAL

²⁷ Diosqa Jafetpa jap'iyninta astawan jatunchachun. Paytaj Sempa toldonpi tiyakuchun. Canaantajrí wata runan kachun, nispa.

Génesis 9:27 ပူးပေါင်းရင်းမြစ်များ

Génesis 10:2

Jafetpata churinkuna karqanku Gomer, Magog, Maday, Javán, Tubal, Mesec, Tiras ima.

Génesis 27:29

Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

Génesis 9:28

Jatun musphay paramanta qhepata Noeqa 350 watatawanraj kawsarqa.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 66:19

Noqa paykunaj chawpinkuman uj señalta churasaj. Chantá paykunamanta wakin ayqekojkunata kay suyukunaman kachasaj: Tarsisman, Libiaman, arcowan flechayta yachaj Lidiaman, jinallataj, Tubalman, Greciaman, mama qochapi karu kaj churukunapi tiyakojkunaman ima. Paykunaqa manchay uyarisqa kasqaymanta mana yachankuchu, manataj jayk'ajpis jatun kayniypa lliphipiyninta rikunkuchu. Chaymantataj chay ayqekojkuna jatun kayniypa lliphipiyninmanta tukuy chay suyukunaman willanqanku.

Oseas 2:14

14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Hechos 17:14

Chantá wawqe panakunaqa Pablota usqhayllata kacharpayarqanku, mama qochaj kantunman rinanpaj. Silaswan, Timoteowantajrí Bereapi qhepakorqanku.

Romanos 11:12

Israelitakuna Diosta mana kasusqankoqa wajkunaj allinninkupaj karqa, pantasqankutaj mana judío kajkunaj allinninkupaj. Jina chayqa, imayna allinrajchus kanqa, maypachachus tukuy judiokuna Dioswan allinyachisqa kanqanku, chaypacha.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

Efesios 2:19

Ajinaqa mana judiokuna manaña waj llajtayojchu kankichej, nitaj Diospaj mana rejsisqachu. Manachayqa Diospa ajllakusqankunawan uj llajtayojllaña kaspa, Diospa ayllunmanta kankichej.

Efesios 3:13

Chayrayku mañakuykichej qankunarayku ñak'arisqaymanta ama q'enaqakunaykichejta. Manachayqa ñak'arisqaymanta qankuna umata oqharinaykichej tiyan.

Efesios 3:6

Chay pakasqa wakichisqaqa kaymin: Jesucristoj sumaj willayninnejta mana judío kajkuna judiokunawan khuska qhespichisqa kanata jap'inkichej. Jinallataj judiokunawan uj ayllulla kankichej, chantá Dios imatachus qonanta nisqanta jap'illankichejtaj Jesucristoman ujchasqa kasqaykichejrayku.