Génesis 8:21 - DIOSPA QHELQACHISQ

²¹ Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Qheshwa Biblia DC

²¹ Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

DIOSPA QHELQACHISQAN DEUTEROCANONICAL

²¹ Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Génesis 8:21 ပူးပေါင်းရင်းမြစ်များ

Génesis 3:17

Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Génesis 4:12

Chajrata tarpojtiykipis, jallp'aqa manaña poqopusonqachu. Qantaj kay pachapi mana llajtayoj jina puriskiri kanki, nispa.

Génesis 5:29

Paytataj “Noé” sutiwan suticharqa, imaraykuchus nerqa: Paymin sinch'i ruwananchejmanta samarichiwasun. Tata Dios kay pachata maldicisqanrayku atin mana atin llank'ashanchej, Noetaj chaymanta samarichiwasun, nispa.

Génesis 6:13

Chayrayku Noeta nerqa: Noqa kay pachamanta tukuy runata chinkachisaj, paykunarayku kay pachapi millayta purina ancha tiyan. Chayrayku paykunata, chantá kay pachapi kaj chhikata chinkachisaj.

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Génesis 6:7

Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

Job 14:4

Pitaj ch'ichita llimphuman tukuchiyta atinmanri? Mana pipis atinmanchu.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

Salmos 58:3

3 (4) Diosta mana manchachikojkunaqa mamankoj wijsanmantapacha mana allinta ruwaspa purinaman qokunku, paqarisqankumantapachataj llullakuspa, cheqan ñanmanta pantaykunku.

Salmos 58:4

4 (5) Katarikuna jina venenoyoj kanku, joq'araman tukoj katari jina.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:25

Chantataj makinkumanta chay t'antakunata jap'ispa, q'olachinapaj aychatawan khuska altar patapi ruphachinki, noqapaj ima munayta q'aparishaj jaywana kananpaj. Chayqa noqapaj q'olachisqa jaywana kanqa.

Proverbios 20:9

Mana pipis ninmanchu: Noqaqa llimphu sonqoyoj kani, mana ima juchayojtaj, nispa.

Eclesiastés 7:20

Cheqapuni kay pachapi mana uj runallapis cheqan runaqa kanchu, mana jayk'aj juchallikuspa cheqanta ruwajqa.

Isaías 47:12

Babilonia, kunanqa yatiriykikunawan, layqaykikunawan ima purillaypuni, pikunamanchus wawa kasqaykimantapacha k'askarqanki, chaykunawan. Ichapis allin risonqa, chaykunawantaj runakunata manchachiwaj.

Isaías 47:15

Chantá tukuy wawqeykikuna, pikunamanchus wawamantapacha qhatuta ruwaspa k'askasqa karqanki, chaykuna mana kacharichisonqankuchu. Maynintachus ripunankuta riponqanku, mayta qhaparikojtiykipis, mana uyarejman tukonqanku. Kunanqa mana pipis kacharichisoj kanchu.

Isaías 48:8

Arí, chay nisqaytaqa mana jayk'ajpis uyarerqankichejchu, nitaj rejserqankichejchu. Cheqapuni ñawpajtaqa mana uyariyta munajchu kankichej. Noqaqa wasanchanawaykichejta yacharqaniña, imaraykuchus paqarikusqaykichejmantapacha mana kasukoj kankichej.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 65:6

Chaywanpis imatachus ruwanayqa ñawpaqeypi qhelqasqa kashan, chaypitaj nin: Manapuni ch'inllachu kasaj, manachayqa millay ruwasqaykichejman jina t'inkaykichejta qopusqaykichej, nispa.

Jeremías 17:9

Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

Jeremías 18:12

Chaywanpis paykuna nisonqanku: Ama tiempoykita usuchiychu. Noqaykoqa munasqaykuman jinalla kawsakusqayku, k'ullukuspataj, sonqoykoj millay yuyasqanman jina ruwasqayku, nispa.

Jeremías 8:6

Uyarisqayman jina mana pitapis cheqanta parlajta uyarinichu. Mana pipis millayta ruwasqanmanta Diosman kutirikuspa, ninchu: Imatataj ruwakuniri? nispaqa. Sapa ujninku ñanninkuta imata jina t'ijurinku, maqanakuman phawaspa t'ijurej caballokuna jina.

Ezequiel 20:41

Ima munayta q'apashaj inciensota jina jap'ikapusqaykichej, maypachachus ch'eqerasqa kashankichej, chay suyukunamanta, llajtakunamantawan orqhomuspa tantaykusqaykichej, chaypacha. Chantapis qankunanejta may llimphu kasqayta tukuy suyukunapi kaj runakunaman rikuchisaj.

Levítico 1:13

Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:17

Phawaj uywataqa mana iskayman p'itispa, lijran chaynejmanta ch'ejtanqanku. Chantá jinaytawan, sacerdoteqa phawaj uywata altar patapi q'olachenqa. Chay q'olachisqa jaywanaqa Tata Diospaj ima munay q'aparishaj jaywana kanqa, nispa.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 8:28

Chaymantataj Moisesqa chay ikhasqa jaywanata makinkumanta jap'ispa, q'olachispa jaywana uywatawan khuska altarpi q'olacherqa. Chay karqa Aaronwan, churinkunawan Tata Diospaj t'aqasqa kasqankumanta jaywana. Chay q'olachispa jaywanaj ima munay q'apaynintaj Tata Diospa sonqonman chayarqa.

Números 15:3

Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

San Juan 3:6

Runamanta paqarejqa runalla. Pillapis Diospa wawan kananpajrí Santo Espiritumin payman kawsayta qonan tiyan.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

Romanos 3:23

Tukuy runakuna juchallikusqanchejrayku Diospa jatun kayninpa k'anchayninpi kanaman mana pipis taripayta atinchejchu.

2 Corintios 2:15

Noqaykoj kawsayniykoqa inciensoj q'apaynin jina, mayqentachus Cristoqa Tata Diosman jaywan, chay jina. Chay q'apaytaj junt'arin qhespichisqa kajkuna ukhupi, chinkayman rejkuna ukhupipis.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.