Génesis 8:20 - DIOSPA QHELQACHISQ

²⁰ Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Qheshwa Biblia DC

²⁰ Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

DIOSPA QHELQACHISQAN DEUTEROCANONICAL

²⁰ Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Génesis 8:20 ပူးပေါင်းရင်းမြစ်များ

Génesis 13:18

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Génesis 13:4

Chay karqa, maypichus pay ñawpajta altarta ruwasqa, chay. Chantá Abrahamqa ujtawan chaypi Tata Diospa sutinta oqharispa yupaycharqa.

Génesis 22:2

Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

Génesis 22:9

Maymanchus rinankuta Dios nisqa, chayman chayaspa, Abraham uj altarta Diospaj ruwarqa, chay patamantaj llant'ata tawqarqa. Chaymantataj Isaacta wataykuspa, altarpi llant'a pataman winkuykucherqa.

Génesis 26:25

Chantá Isaac chaypi uj altarta ruwaspa, Tata Diosta yupaycharqa. Chantá chaynejpi toldonta sayacherqa, kamachinkunapis chaynejpi uj pujyutawan allallarqankutaj.

Génesis 33:20

Jinataj, uj altartapis chaypi ruwallarqataj, suticharqataj: “Diosqa Israelpa Diosnin”, nispa.

Génesis 35:1

Chaymanta Diosqa Jacobta nerqa: Betelman tiyakoj ripuy. Wawqeyki Esaumanta ayqeshajtiyki maypichus noqa rikhurerqayki, chaypi noqapaj uj altarta ruwanki, nispa.

Génesis 35:7

Chaypitaj Jacob altarta ruwarqa, chantá chay cheqata “El Betel”, nispa suticharqa. Ajinata chay cheqata suticharqa imaraykuchus wawqen Esaumanta ayqekushajtin, chay cheqanejpi Dios payman rikhurisqa.

Génesis 4:4

Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Génesis 7:2

Qanqa tukuy llimphupaj qhawasqa uywakunamanta qanchis chinata, qanchis orqotawan barcoman qhatiykunki. Mana llimphupaj qhawasqa kajkunamantarí, uj chinatawan, uj orqollatawan qhatiykunki.

Génesis 7:3

Jinallataj phawajkunamantapis qanchista yanantinkama apaykunki. Ajinata ruwanki chaykuna kay pachamanta ama chinkanankupaj.

Génesis 8:19

Jinallataj uywakuna, k'ita animalkuna, pampata qhatatakuspa purejkuna, phawajkuna ima tukuynin llojserqanku.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

Éxodo 10:25

Moisestajrí kuticherqa: Tata Diosniykuman jaywanaykupaj chantá uywata ñak'aspa q'olachinaykupaj, qanpuni qonawayku tiyan.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:25

Chantataj makinkumanta chay t'antakunata jap'ispa, q'olachinapaj aychatawan khuska altar patapi ruphachinki, noqapaj ima munayta q'aparishaj jaywana kananpaj. Chayqa noqapaj q'olachisqa jaywana kanqa.

Números 7:21

Q'olachispa Diosman jaywananpajtaj uj torillota, uj carnerota, chantá uj watayoj corderota ima qollarqataj.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Hebreos 13:10

Noqanchejpata uj altar tiyapuwanchej, chay altarpi imachus jaywasqa kajmantataj Dioswan Tinkukuna Toldopi sacerdotekuna mana mikhuyta atinkuchu.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.