Génesis 7:21 - DIOSPA QHELQACHISQ

²¹ Ajinata kay pachapi tukuy kawsayniyoj wañorqanku: Phawajkuna, uywakuna, k'ita animalkuna, jallp'a patata qhatatakuspa purejkuna, jinataj tukuy runakuna ima.

Qheshwa Biblia DC

²¹ Ajinapi wañuraporqanku tukuy kausajkuna kay jallp'a patapi: P'isqos, uywas, monte animales, jallp'a patapi qhatatakoj animales, tukuy runas ima.

DIOSPA QHELQACHISQAN DEUTEROCANONICAL

²¹ Ajinata kay pachapi tukuy kawsayniyoj wañorqanku: Phawajkuna, uywakuna, k'ita animalkuna, jallp'a patata qhatatakuspa purejkuna, jinataj tukuy runakuna ima.

Génesis 7:21 ပူးပေါင်းရင်းမြစ်များ

Génesis 1:25

Diosqa tukuy imaymana animalkunata ruwarqa: K'ita animalkunata, uywakunata, jinallataj qhatatakuspa purejkunata ima. Chaykunatataj Diosqa sumaj kasqanta qhawarqa.

Génesis 6:13

Chayrayku Noeta nerqa: Noqa kay pachamanta tukuy runata chinkachisaj, paykunarayku kay pachapi millayta purina ancha tiyan. Chayrayku paykunata, chantá kay pachapi kaj chhikata chinkachisaj.

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

Génesis 7:4

Noqataj qanchis p'unchaymantawan tawa chunka p'unchayta, tawa chunka tutatawan parachimusaj. Ajinata kay pachamanta tukuy kawsashaj ruwasqayta chinkachisaj, nispa.

Job 34:15

tukuy runakuna ujllapi wañupusunman, ujtawantaj jallp'aman tukupusunman.

Isaías 24:19

Kay pacha manchaytapuni kharkatitenqa, lajrakonqataj, chay jinatapuni thalakusqanpitaj phirikonqa.

Isaías 24:6

Chayrayku maldicionqa kay pachata tukuchin, chaypi tiyakojkunapis juchachasqapuni kananku tiyan. Chaynejta kay pachapi tiyakojkunaqa pisiyachisqa kanqanku. Jinamanta pisillaña qhepakonqanku.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Joel 2:3

Chaykuna, imaynatachus nina tukuy ima tarisqanta ruphaykun, ajinata ruwanku. Manaraj chay p'unchay chayamushajtin, jallp'aqa Edén huerta jina karqa. Ripojtinkurí, ch'in q'ara pampaman tukun. Paykunaj makinkumantaqa mana imapis llusp'inchu.

Sofonías 1:3

Runakunata, animalkunata, p'isqokunata, jinallataj challwakunatapis chinkachisaj. Millay runakunatapis urmachillasajtaj, jallp'a patamantataj tukuy runakunata chinkarparichisaj, nispa. Noqa Tata Diosmin chayta nini.

San Mateo 24:39

Paykuna mana imatapis reparakorqankuchu jatun para jamunankama, tukuyninkutaj chinkachisqa karqanku. Ajinallataj kanqa Runaj Churin rikhurimunan, chay p'unchaypi.

San Lucas 17:27

Chaypacha runakuna mikhusharqanku, ujyasharqanku, casarakusharqanku, ususinkutapis casarachisharqanku, Noé jatun barcoman yaykunan p'unchaykama. Jatun para chayamuspataj, tukuyninkuta chinkacherqa.

Romanos 8:20

Chayqa ajina, imaraykuchus kay pachapi kaj chhika manakajman tukuchisqa karqa, chaytaj mana payllamantachu, manachayqa Dios munasqanrayku. Ajina kashajtinpis, imata suyana kanraj.

Romanos 8:22

Yachanchej jina, kunankama Diospa tukuy ruwasqan ñak'arispa ayqoshan, onqokoj warmi jina.

2 Pedro 2:5

Jinallataj Diosqa ñawpa runakunaj juchankutapis manallataj pampacharqachu, maypachachus paywan churanakojkunata jatun musphay parawan chinkacherqa, chaypacha. Manachayqa Diospa cheqan justicianmanta willaj Noeta waqaycharqa, qanchis runakunatawan khuskata.