Génesis 6:6 - DIOSPA QHELQACHISQ

⁶ Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

Qheshwa Biblia DC

⁶ Chayrayku Señorqa pesachikorqa runasta ruwasqanmanta, mayta sonqonta nanachikuspa.

DIOSPA QHELQACHISQAN DEUTEROCANONICAL

⁶ Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

Génesis 6:6 ပူးပေါင်းရင်းမြစ်များ

Génesis 6:7

Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

2 Samuel 24:16

Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

1 Crónicas 21:15

Chantá Diosqa Jerusalén llajtata tukuchinanpaj uj angelta kacharqa. Ángel Jerusalenpi tiyakojkunata tukuchishasqanta rikuspataj, Tata Dios mayta llakikorqa. Chayrayku wañuchej angelta kamacherqa: Chayllaña kachun, amaña wañuchiychu, nispa. Chaypacha Tata Diospa angelnenqa jebuseo Ornanpa eranpi kasharqa.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Salmos 110:4

Tata Diosqa tiluspa nisqanta mana p'akenqachu: Qanqa Melquisedec jinallataj wiñaypaj sacerdote kanki, nispa nisqanta.

Salmos 119:158

Wasanchajkunataqa mana rikuyllatapis munanichu, imaraykuchus paykuna kamachisqaykita mana kasunkuchu.

Salmos 78:40

Paykuna ashkha kutita Diosta mana kasorqankuchu, ch'innejpitaj payta phiñacherqanku.

Salmos 81:13

13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

Salmos 95:10

Tawa chunka watata paykunapaj phiñasqa karqani. Nerqanitaj: Kay runakunaqa mana allintachu purinku, manataj kamachisqaytapis kasuwankuchu, nispa.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Isaías 48:18

Kamachisqaytachus kasuwankiman karqa chayqa, allin kawsay qanpaj mayu jina puririnman karqa, justiciataj mama qochaj qhollchoqeyasqan jina kanman karqa.

Isaías 63:10

Chaywanpis paykuna mana kasukuspa, May Llimphu Espiritunta phiñacherqanku. Chayrayku Diosmin paykunaj awqankuman tukuspa, contrankuta maqanakorqa.

Jeremías 18:7

Mayk'ajllapis munaspa uj suyuta, manachayqa kamachiytapis t'irayta atiyman, chantapis urmachiyta, chayrí phiriyta.

Jeremías 26:19

Miqueas imatachus nisqanmanta kuraj kamachej Ezequías chantá Judamanta runakunapis payta wañuchisqankuchuri? Manachu kuraj kamachejqa Tata Diosta manchachikuspa, mañakusqa paykunamanta khuyarikunanta? Chayrayku Tata Diosqa ñak'arichinan willachisqanta mana junt'asqachu. Sichus noqanchej Jeremiasta wañuchisun chayqa, Tata Dios jasut'iwasun, nispa.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Jonás 3:10

Chantá Dios Nínive llajtayojkuna millay puriyninkuta saqesqankuta rikuspa, imatachus nisqanta manaña ruwarqachu.

Malaquías 3:6

Noqa Tata Diosqa kasqay jinallapuni kani. Chayrayku Jacobpa mirayninmanta kajkuna, noqaqa mana qankunata chinkacherqaykichejchu.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Romanos 11:29

Imakunatachus Dios qon, chaytaqa mana qhechukapullantajchu. Wajyan chaypis, mana iskaychakunchu.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Deuteronomio 5:29

Mayta munayman ajinallatapuni yuyanankuta, noqatataj yupaychanawankuta, kamachisqaytapis sapa p'unchay kasunankuta. Ajinata ruwaspa, paykuna jinataj wawankupis wiñaypaj kusiy kawsayta rikonqanku.

Hebreos 3:10

Chayrayku noqa chaypacha runakunapaj mayta phiñakuspa, nerqani: Paykuna sonqonkupi pantashallankupuni, manataj munasqayman jina puriyta munankuchu, nispa.

Hebreos 3:17

Pikunapajtaj Dios tawa chunka watata phiñasqa karqari? Payqa chay juchallikojkunapaj phiñakorqa, ayankutaj ch'innejpi wijch'usqa qhepakorqanku.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Samuel 15:29

Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.

1 Samuel 15:35

Chantá Samuelqa manaña ujtawan Saulta rikorqachu. Mayta llakikuspa, Saulmanta waqarqa. Tata Diospis Israel suyupi kuraj kamachej kananpaj Saulta churasqanmanta sinch'ita llakikorqa.